Біздің діни ілімдеріміз тек Киелі кітапқа негізделеді. Сондықтан Жазбаларды тереңірек білген сайын, ілімдеріміз де өзгеріп жатады a.

Мұндай өзгерістер Киелі кітапта жазылған келесідей сөздерге сай келеді: “Әділдің жолы таң шапағы іспетті, Тал түс болғанша жарқырай түседі” (Нақыл сөздер 4:18). Күн ұясынан шыққанда, айнала бірте-бірте айқын көріне бастайды. Сол сияқты Құдай да өз Сөзінің мәнін бірте-бірте, өз уақытысында ашады (Петірдің 1-хаты 1:10—12). Киелі кітапта алдын ала айтылғандай, Құдай мұны “ақырғы уақытта” тездетті (Даниял 12:4).

Ілімдеріміз өзгергенде таңғалмауымыз және мазаланбауымыз керек. Құдайдың ежелдегі қызметшілері де бұрыс ой түзген, жаңсақ үміттері де болған. Оларға көзқарастарын түзету қажет болған. Солардың кейбір мысалы:

• Мұса Құдай белгілеген уақыттан 40 жыл бұрын өзін Исраил халқының құтқарушысы болуға дайын деп санаған (Елшілердің істері 7:23—25, 30, 35)

• Иса пайғамбардың елшілері оның өлімі мен қайта тірілуіне қатысты пайғамбарлықты түсінбей жүрді (Ишая 53:8—12; Матай 16:21—23)

• Ертедегі мәсіхшілердің кейбірі “Ехобаның күні” қай кезде келетініне қатысты жаңылысты (Салоникалықтарға 2-хат 2:1, 2)

Кейін Құдай олардың қате көзқарастарын түзетті, бізді де қажет болғанда, түзетсін деп дұға етеміз (Жақып 1:5).