Басқарушы кеңеске қарасты Баспа комитетінің көмекшісі Харолд Коркерн “Қолда бар мүмкіндіктерді қалт жібермейік” деп аталатын Киелі жазбаларға негізделген баяндама айтып жатыр. Уорвиктегі жұмысшылардың рухын көтеру үшін мұнда баяндамашылар жиі келіп тұрады.

Құрылыс нысандары ақ пленка жабынмен қапталды. Бұл жабын құрылысшыларға қысқы уақытта жұмыс істеуге көмектеседі. Ғимараттың осы бөлігінде асүй, асхана, кір жуатын орын және емхана орналасады.

Электриктер кабель орнатуға дайындық жұмыстарын жүргізіп жатыр. Осы уақытқа дейін жатақхана ғимараттарының бойымен 12 000 метрден астам кабель тартылды. Мұндай жұмыстар Уорвиктегі жер учаскесі сатып алынғаннан кейін көп ұзамай басталған болатын әрі құрылыс толық аяқталғанша жалғасады.

Жұмысшы балконға арнайы лента жабыстырып, оны гидрооқшаулауға дайындап жатыр. Жоғарғы қабаттағы балкондар полиметилметакрилат (ПММА) деп аталатын затпен қапталады. Бұл затты сұйық күйінде жылдам жағады да, сосын ол су өткізбейтін қабатқа айналады.

Әкесі мен қызы тұрғын бөлмелерді электр тоғымен қамтамасыз ету үшін электр сымдарын жүргізіп жатыр.

Жұмысшылар уақытша жасалған асханада түстеніп жатыр. Мұнда күн сайын 2000-нан астам адам тамақтанады.

Құрылысшылар болашақ шеберханалардың арматурасын тоқып жатыр.

Балалардың құрылысшыларға ризашылықтарын білдіріп жазған хаттары. Құрылысқа келген көптеген еріктілер мұнда аз уақыт қана істейді. Апта сайын құрылысқа 500-ге жуық жаңа жұмысшы келеді. Ақпан айында күн сайын шамамен 2500 адам жұмыс істеді.

Бүгінгі таңда жобаның шамамен 60 пайызы аяқталды. 2015 жылдың қаңтарынан сәуіріне дейінгі аралықта кеңселер мен қызмет көрсету ғимаратының болаттан жасалған қаңқасы тұрғызылды және жатақханалардың қабырғасы көтерілді. Сондай-ақ осы уақыт аралығында жұмысшылар жөндеу шеберханаларына темір-бетон панельдерді қоюды, жатақханалардың арасын байланыстыратын жолдар салуды және Стерлинг-Форест көліндегі (Көк көл) су бөгеттерін жөндеуді бастады.

Баспалдақ (төменнен қарағанда). Жалдамалы құрылысшылар бес қабаттан тұратын осы ғимараттың қаңқасын тұрғызды, ал Куәгер құрылысшылар оған бетон құйды.

Қыстың осы қақаған суығында құрылысшылар бірінші қабаттың арматурасын тоқып жатыр. Уорвикте қаңтар мен наурыз айлары аралығында 127 сантиметрдей қар жауды. Қар тазалаушы топтар жұмыс аумағындағы қарды күреп отырды және жұмысшылар бойларын жылыту үшін арнайы жылытылған бөлмелерге барып жүрді.

Құрылысшы металл шатырды дайын қаңқаларға бекітіп жатыр. Сәуірдің аяғында жатақхана ғимараттарына арналған шатырлардың басым бөлігі орнатылды. Соңғысы болып маусымның ортасына таман B жатақханасының шатырларын орнату жоспарланды.

B жатақханасының краннан қарағандағы көрінісі.

Құбыршылар тұрғындар автотұрағында сызбаларды қарастырып жатыр. Бүкіл жобаны аяқтау үшін 3400-ден астам мақұлданған құрылыс сызбалары қажет.

Жұмысшылар көтергіш құрылғыда тұрып, ғимаратты қорғағыш пленка жабынмен жауып жатыр. Мұнда көтергіш құрылғылар мен басқа да жабдықтарды сақтықпен қолдануға қатысты көптеген сабақтар жүргізіліп тұрады. Осындай сабақтарға көтергіштерді қолдану, биіктікте жұмыс істеу қауіпсіздігі, жалпы сақтық ережелері, респираторларды қолдану және заттарды тиеп түсіру мен белгі беру кіреді.

Жатақханалардың көрінісі (батыс жағы). Осы фотосуреттен көрініп тұрғандай, сәуірдің аяғына таман А, В және D жатақханаларында электр, жылу және желдету жүйелеріне қатысты қызу жұмыс жүріп жатты. C жатақханасында (бұл суретте көрсетілмеген) гипсокартон орнату мен кафель салу және сырлау жұмыстары басталды.

Екі жұмысшы көтергіште тұрып, сыртқы қабырғаларға бу өткізетін әрі желден қорғайтын зат жағып жатыр. Оны барлық жатақханаға жағу үшін шамамен екі ай керек болады.

Тасшылар граниттен қабырға соғып жатыр. Ғимараттың бұл бөлігінде жүкті түсіру, тиеу және басқа да қызмет түрлері орналасады.

Көк көлде жалдамалы сүңгуші ескі клапанды жаңасымен алмастырып жатыр. Дауыл соққан жағдайда су тасқынын болдыртпас үшін, бір ғана батырманы басып, көл суының деңгейін азайтуға болады.