Najoq­qutat tas­saap­put inuup inuunermini maleruar­niagai. As­sersuutigalugu sutigut tamatigut un­neq­qaris­suuniar­pit? Taava im­maqa ileq­qus­satigut najoq­qutarisat taan­na qitor­nan­nut ingerlateq­qik­kusup­pat.

Najoq­qutanut aam­ma ilaavoq pis­suseris­suuneq, soorlu eqiasuitsuuneq, naaper­tuil­luar­tuuneq al­lanul­lu soqutigit­tar­tuuneq. Pis­suseris­saar­nerit taamaat­tut inuusut­tuutil­luni ineriar­tor­tik­kuminar­ner­paajup­put.

BIIBILIMI NAJOQQUTASSIAQ: “Nukappiaraq ingerlavissamigut ingerlaannarnissaanut kajumissaaruk, utoqqaligaluaruniluunniit tamanna nigussanngilaa.” – Ussatit 22:6.

Teknologiikkut atortorissaarfiusuni najoqqutat. Karyn anaanaasoq ima oqar­poq: “Inter­netik­kut at­taveqaatini sun­niutipiloqarsin­naasunik naam­mat­toorsisoqariaan­naavoq. Qitor­nat­ta is­siaqatigigaluarluta as­suar­nar­tut isigin­naarsin­naavaat!”

BIIBILIMI NAJOQQUTASSIAQ: ‘Inersimasunngorluarsimasut piginnaassutsimik atortuinnarnerisigut sungiussisimapput ajunngitsumik ajortumillu immikkoortitsisinnaalerlutik.’ – Hebræerit 5:14.

Pissuserinneq. Tamatumun­nga ilaavoq oqaatsik­kut pis­suserin­neq (as­sersuutigalugu qujasar­neq) al­lanil­lu isumas­suineq – pis­suseris­saar­nerit taamaat­tut qaqutiguulersimap­put inuit ator­toris­saarutitik elektroniskiusut inoqatimin­nit soqutiginerulersimam­matigit.

BIIBILIMI NAJOQQUTASSIAQ: ‘Qanoq inunnut iliorfigeqqugussi ilississaaq taamatut iliorfigisigit.’ – Lukasi 6:31.

Ileqqorissaarnermut najoqqutatit oqaatigisakkit. Misis­sueq­qis­saar­nermit erser­poq inuusut­tuaq­qat katis­simanani atoqatigiin­nerup eq­qun­ngitsuuneranik erseq­qis­sumik ilin­niar­tin­neqarsimagunik taamaaliun­ngin­nis­saat ilimanar­nerusoq.

SIUNNERSUUT: Pisimasoq aal­laavigalugu ileq­qoris­saar­neq pil­lugu oqaloqatigiigitsi. As­sersuutigalugu nutaarsias­sani toqutsisoqar­nera eq­qaaneqar­pat ima oqarsin­naavutit: “Inuit pis­susilersor­nerat amiilaar­naq. Inuit qanoq taamaat­tun­ngorsimasoraagit?”

“Meeq­qat suna eq­qor­tuusoq sunalu eq­qun­ngitsuusoq nalugunik­ku qanoq eq­qor­tulius­sal­lutik nalus­savaat.” – Brandon.

Pissuserissaarneq ilinniartitsissutigiuk. Meeq­qat pis­suserin­neq, qujasar­neq al­lanil­lu in­nimit­tar­neq ilik­karsin­naavaat. “Meeq­qat inooqataaner­tik – ilaqutariin­nut, atuarfim­mut in­nut­taaqatigiin­nul­lu ilaaner­tik – takusin­naanerujar­tor­til­lugu tamanut iluaqutaasumik inus­siar­nisaar­nerorusut­tar­put.” – Parenting Without Borders.

SIUNNERSUUT: Qitor­natit angerlarsimaf­fim­mi sulias­sit­tak­kit al­lanik kif­far­tuus­sinerup pingaaruteqar­neranik paasin­neq­qul­lugit.

“Qitor­navut suliaqar­neq sungiusimagunik­ku nam­mineq angerlarsimaf­feqalerunik tuparujus­suas­san­ngil­lat. Akisus­saaf­feqar­neq ilik­kareersimas­savaat.” – Tara.