UPPERSUSIAT MALIGUK
‘Allat arfineq-marluk’ peqatigalugit asattuunneqarpoq
NOAKKUT siallernerani iloqqasunngorlutik inissipput. Takorlooruk tarrajuttumi qulliup uuliatortup qaamanerata anorliortup eqqaaniittut uerujussuarlutillu sialuit umiarsuup qaavanut sinaanullu torartut tusarnaarlugit. Qannguluppaluttarnerat nipitusimassaqaaq.
Noap ilaquttani asasani — nuliani aalajaatsoq, ernini pingasut nukittullutillu ilumoorfiginnittut taakkualu nuliaat — qimerlooramigit uummammit pisumit qujamasungaalersimassaaq. Piffissami tamatumani ilungersunangaartumi asasanilu ajoratik najornertik tuppallersaatigisimassavaa. Qularnanngitsumik ilaquttani peqatigalugit Guutimut qujaniarluni qamannga pisumik qinusimassaaq, nipituumillu taamaaliorsimassaaq pisorpaluttoqarnerani tusaaneqarniassagami.
Noa angutaavoq uppersuseqarluartoq. Noap uppersusia pissutigalugu taassuma Guutiata, Jehovap, Noakkut aniguisippai. (Hebræerit 11:7) Taava siallilermat uppersuseqartariaaruppat? Naamik. Piffissami aggersumi annikilliornartussami uppersuseqangaartariaqarput. Uagut, piffissami eqqissiviilliorfiusumi inuusugut, pilluta aamma taamatut oqartoqarsinnaavoq. Taamaattumik Noap uppernera qanoq ilinniarfigisinnaanerlutigu sammeriartigu.
“ULLUT 40-T UNNUALLU 40-T”
‘Ulluni 40-ni unnuanilu 40-ni’ siallertuarpoq. (1 Mosesi 7:4, 11, 12) Imersuup nuna tamaat ulikkiartorpaa. Tamatuma nalaani Noap paasivaa Guutini, Jehova, naapertuilluarnermik illersuillunilu ajussusermut iliuuseqartoq.
Ulersuaqarneratigut inngilit pikitsitsilernerat unitsinneqarpoq. Inngilit Saatanip namminissarsiortuuneranit sunnerneqaramik qilammi ‘inigisassaraluaminnik qimatsipput’ arnanik nunamiusunik inooqateqarumallutik, tamatumalu kingunerisaanik akusanik, inorujussuarnik nefilimimik taaneqartartunik, kinguaassiulerput. (Judasi 6; 1 Mosesi 6:4) Taamatut pikitsitsineq inunnik, Jehovap pinngortitaanit tamanit pinngortilluarneqarnerpaasunik, ajornerulersitsisoq Saatanip qularnanngitsumik tipaatsuutigisimassavaa.
Imersuup qaffakkiartornerani inngilit pikitsitsiumatuut inuttut timeqarunnaarlutik anersaat silarsuaannut uteqqittariaqalerput inuttullu timeqaqqissinnaajunnaarlutik. Nuliat qitornallu qimataasa tamarmik inuiaat toqoqatigaat.
Jehovap inuit Enokip nalaaniilli, ulersuaqarnissaata ukiut 700-t sioqqullugit, ajortut guutiitsullu suujunnaarsitaajumaarnerat pillugu mianersoqqusimavai. (1 Mosesi 5:24; Judasi 14, 15) Taamanimiilli inuit ajorneruleraluttuinnarsimapput. Nunarsuaq aserungajallugulu nakuusernermik nalinginnaasunngortitsipput. Maanna suujunnaarsinneqarput. Tamanna Noakkut nuannaarutigaat?
Naamik, taakkualu Guutiat naakkinnittup aamma nuannaarutiginngilaa. (Ezekieli 33:11) Jehova amerlanerpaanik aniguisitsiniarluni sapinngisaminik iliuuseqarsimavoq. Jehovap Enoki inunnik mianersoqquseqqusimallugulu Noa umiarsualioqquaa. Noakkut kikkut tamarmik takkuanni suliassarujussuaq tamanna ukiuni qulikkuutaani tamaviaarlutik suliarisimavaat. Tamatuma saniatigut Jehovap Noa oqarfigisimavaa ‘iluarnermik oqaluussissasoq’. (2 Petrusi 2:5, 1936) Noa Enokitut inuit pillugit eqqartuussutimik naammassinnittoqartussaaneranik mianersoqqusivoq. Inuit mianersoqqussut eqqumaniarfigaat? Jiisusi pisunik qilammit isiginnaartuusimasoq Noap nalaani inuusut pillugit kingusinnerusukkut ima oqarpoq: ‘Aatsaat paasisaqalerput ulersuaq nalliummat tamaasalu nungutillugit.’ — Matthæusi 24:39.
Takorlooruk Jehovap umiarsuup matua matoreermagu Noakkut ulluni 40-ni taakkunani qanoq misigisimassasut. Ullut ingerlaneranni sialuit umiarsuarmut qannguluppaluttarneranni ulluinnarni suliassat suliarisalersimassavaat — imminnut isumagisarlutillu inigisaminnik torersuutitsillutillu uumasunik ungaluukkaminniittunik paarsisarsimassapput. Piffissalli ilaani umiarsuarujussuaq sajuttalerpoq. Nikittalerpoq! Imersuup qaffakkiartornera ilutigalugu umiarsuaq qaffakkiartulerpoq naggataatigullu ‘nunap qaavanit puttallarpoq’. (1 Mosesi 7:17) Guutip Ajugaqanngitsup, Jehovap, pissaaneqangaarneranik tamanna ersersitsineruvoq tupinnarluinnartoq!
Noap ilaquttani peqatigalugit ajoratik aniguinini qujamasuutigiinnarnagu Jehovap naakkinnilluni inunnut umiarsuup silataaniittunut ajunaartunut mianersoqqusisussatut atorsimammani qujamasuutigingaarsimassavaa. Ukiuni suleruloorfigisaminni angusaqarsinnaanngitsutut misigisimassapput. Inuit akuersaanngitsuupput! Ulersuaq sioqqullugu Noa qatannguteqarlunilu soraluaqarsimassaaq, qaniginerpaasaali kisimik Noamut tusarnaarput. (1 Mosesi 5:30) Inuit arfineq-pingasut taakkua toqqissillutik umiarsuarmiinnerminni inunnik aniguisitsiniarnerminnut piffissarujussuarmik atuisimanertik tuppallersaatigisimassavaat.
Noap nalaaniilli Jehova allanngorsimanngilaq. (Malaki 3:6) Jiisusi Kristusi oqarpoq ullutsinni pissutsit ‘Noap ulluinut’ assingussasut. (Matthæusi 24:37) Piffissami immikkorluinnaq ittumi, silarsuarmi pissutsit aaqqissuussaanerata ajortup suujunnaarsitaanissaata tungaanut annikilliorfiungaartumi, inuuvugut. Ullumikkut aamma Guutip kiffai tusarusuttunut mianersoqqussummik tusarliisarput. Tusarliussaq tamanna ilasserusuppiuk? Tusarliussaq tamanna annassutaasinnaasoq ajunngitsumik periarfigereersimagukku allanut oqaluusseqataarusuppit? Noakkut tamatsinnut maligassaalluarput.
“ANNATSITAAPPUT IMIKKUT”
Noakkut qularnanngitsumik umiarsuarmi tissukartillutik quassuttuut neeqquluppaluttarneri tusaasinnaasimassavaat. Noap umiunissartik ernumatigisimassavaa? Naamik. Ullumikkut oqaluttuamik Hebræerit 11:7) Suna upperigamiuk? Noap taassumalu ilagisai tamarmik ulersuarmit aniguisinneqarnissaannik Jehova angerfigeqatiginnippoq, tassa isumaqatigiissuteqarpoq. (1 Mosesi 6:18, 19) Qilammik, nunarsuarmik uummassusilinnillu tamanik pinngortitsisup umiarsuaq umiutissinnaajunnaarsissinnaavaa? Soorunami! Noa Jehovap neriorsuutiminik eqquutitsiumaarneranik upperinninnissaminut pissutissaqarluarpoq, ilaquttanilumi “annatsitaapput imikkut.” — 1 Petrusi 3:20.
upperinninngitsut umiarsuup imarsiutissaqqissuunera qularutigaat, Noali isumakulunngilaq. Biibilimi ima allassimavoq: “Uppernikkut Noa ... umiarsualiorpoq.” (Ullut 40-t unnuallu 40-t qaangiummata kiisami siallerunnaarpoq. Tamanna ukiumi 2370-imi kr.in.si. decembarip qaammataani, qaammatisiutit massakkut atortakkavut naapertorlugit, pivoq. Ilaqutariilli suli sivisunerungaartumik umiarsuarmiittussaapput. Umiarsuaq taanna uumasunik ulikkaartoq nunap allaallu qaqqat qaavisa qulaani tissukarujoorpoq. (1 Mosesi 7:19, 20) Takorloorsinnaavarput Noap erninilu, Semi, Kami Jafetilu oqimaatsulerinissartik — uumasunik tamanik nerisitsinissartik, paaqqutarinninnissartik isumaginninnissartillu — aaqqissortarsimassagaa. Guuti uumasunik nujuartanik umiarsuarmut ikisitsiniarluni nujuitsunngortitsisoq soorunami aamma ulersuup nalaani taakkuninnga nujuitsuutitsisinnaavoq. *
Noa umiarsuarmiinnermini pisunik nalunaarsueqqissaarsimagunarpoq. Nalunaarsukkami tassani qanga siallilersimanera qangalu siallerunnaarsimanera allassimavoq. Tassani aamma allassimavoq nuna ulluni 150-ini imersuarmit qarsunneqaqqasimasoq. Naggataatigut imersuaq appariartulerpoq. Ullut ilaanni umiarsuaq kiisami Tyrkiami “Araratip qaqqaani tinuguppoq”. Tamanna 2369-imi kr.in.si. apriilimi pivoq. Ullut 73-it qaangiummata, juunimi, qaqqat qaavi puttupput. Qaammatit pingasut qaangiummata, septembarimi, Noa aalajangerpoq umiarsuup qaavata ilaa peerniarlugu. Qulaarsereernerisa kingorna qularnanngitsumik umiarsuaq qaamanerulerlunilu silaannarissisimassaaq. Siusinnerusukkut Noa umiarsuarmit anisoqarsinnaaneranik silamilu najugassittoqarsinnaaneranik misissuisimavoq. Siullermik tulugaq anisippaa, taannalu sivisujaamik timmivoq ilaannikkullu umiarsuarmi mitsimasarluni. Taava tui anisippaa, taannalu miffissaminik nassaarnissami tungaanut Noamut utertarpoq. — 1 Mosesi 7:24–8:13.
Noap qularnanngitsumik anersaakkut ittut ulluinnarni suliassaninngarnit pingaarnerutippai. Ilaqutariit Ataataminnut qilammiusumut, illersortiminnut, qinuniarlutik taannalu pillugu oqaloqatigiinniarlutik ataatsimoortarsimassapput. Noa pingaarutilimmik aalajangigassaqaraangami tamatigut Jehovamut ikioqqusarpoq. Allaat ukioq ataaseq sinnerlugu inissakilliorlutik umiarsuarmeereerlutik ‘nuna panerluinnarsimasoq’ takusinnaagaluarlugu ilaquttani uumasullu tamaasa anisinniarlugit matu ammanngilaa. (1 Mosesi 8:14) Jehovamit ilitsersorneqarnissani utaqqivaa!
Angut taanna aalajaatsoq ullumikkut ilaqutariinni ittuusut ilinniarfigingaarsinnaavaat. Peqqissaartuuvoq, eqiasuitsuuvoq, utaqqisinnaassuseqarpoq inuillu isumagisassani tamaasa illersortarlugit. Tamanilli pingaarnerusumik Jehovap Guutip piumasaanik salliutitsiuarpoq. Tamakkununnga tunngatillugu Noa ilaarniartarutsigu asasatsinnut tamanut pilluaqqussutaassaagut.
“UMIARSUARMIT ANIGIT”
Kiisami Jehovap Noa ima oqarfigalugu ilitsersorpaa: “Umiarsuarmit anigit nuliat ernitillu ukuatillu ilagalugit.” Ilaqutariit naalallutik umiarsuarmit animmata uumasut malinnaapput. Tamanna qanoq piva? Uivernersuaqarpa? Naamerluinnaq! Biibilimi allassimavoq uumasut tamarmik umiarsuarmit anisut “pinngortitaanermikkut assigiikkuutaarlutik”. (1 Mosesi 8:15-19) Noakkut anigamik qaqqani anori suffarissoq najuussorsinnaallugulu Araratip qaqqaanit nunarsuaq minguiarneqarluinnarsimasoq takusinnaavaat. Inorujussuit nefilimit, inuit nakuusertartut, inngilit pikitsitsisut inuiaallu ajortut tamarmik nunarsuarmit peersinneqarsimapput! * Inuiaat maanna aallaqqaataaniit aallarteqqissinnaalerput.
1 Mosesi 7:2; 8:20) Jehovap pilliutit taakku iluarai?
Noap sussanerluni nalunngilaa. Jehovamik pallorfiginninnermik ingerlaannaq salliutitsivoq. Pilliiviliorpoq uumasullu ilaat — arfineq-marlukkuutaarlugit umiarsuarmut ikitissimasatik — Guutip minguitsutut isigisai ikikkagassatut Jehovamut pilliutigalugit. (Biibilimi tamanna ima akineqarpoq: Jehovap ‘tipi naamajuminartoq naamavaa’. Ilaqutariit aalajaallutik pallorfiginnittut piumasamisut iliornissaminnik aalajangiusimannittut takugamigit inuit nunarsuarmi nakuusernermik nalinginnaasunngortitsimmata anniartutut misiginera eqqissinermik ilorrisimaarnermillu taarserneqarpoq. Jehovap naammalluinnartuunissaat naatsorsuutiginngilaa. Allassimaffik ima nangippoq: ‘Inuit inuusunnerminniit ajortuinnarmik eqqarsaateqarput.’ (1 Mosesi 8:21) Jehovap inuiannut suli annerusumik misigeqatiginningaarnera maluginiaruk.
Adamip Evallu pikitsitsinerisa kingorna Jehovap nunamik perloqqusisimanini atorunnaarsippaa. Perloqqusinerata kingunerisaanik nuna naggorissaruminaatsorujussuanngorpoq. Noap angutaata, Lemekip, ernini Noamik, ‘qasuersernermik’ imaluunniit ‘tuppallersaammik’ isumaqarunartumik, atserpaa siulittuutigalugulu ernermi inuiaat tamatumannga perloqquneqarsimanermit qasuersertissagai. Noap siulittuutip eqquunneranik takunnittuusussaalluni nunallu naggorissaruminarnerulernissaa paasigamiuk nuannaarsimassaaq. Paasinarpoq Noa naasorissaasunngormat! — 1 Mosesi 3:17, 18; 5:28, 29; 9:20.
Jehovap aamma Noap kinguaavi tamarmik inatsisinik, ilaatigut inuaqqusaannginnermik aammillu atornerlueqqusaannginnermik, paasiuminartunik ersarissunillu inuunerminni malittarisassaannik tunivai. Tamatuma saniatigut Guutip inuit angerfigeqatigai neriorsorlugillu ulersuartitsinermigut nunarsuarmi uumasut tamaasa suujunnaarseqqinniarnagit. Neriorsuutiminik eqquutitsiniarnerminut uppernarsaatitut pinngortitami pisartoq alutornartoq, neriusaaq, siullermeerluni inunnut takutippaa. Ullumikkut neriusaat tamarmik Jehovap asannilluni neriorsuutaanik eqqaasitsiuaannarput. — 1 Mosesi 9:1-17.
Noamik oqaluttuaq ilumoorsimanngitsuuppat neriusaaq pillugu naggaserneqaannarsimassagaluarpoq. Noali ilumut piusimavoq ajornartorsiuteqartarlunilu. Inuit taamani ullumikkuminngarnit sivisunerusumik inuusarallarmata angut taanna aalajaatsoq suli ukiuni 350-ini inuuvoq, ukiunilu taakkunani anniaaterpassuaqarlunilu ajornartorsiuterpassuaqarpoq. Ilaanni aalakoorami ingasattumik ajortuliorpoq, pisorli ajornerulerpoq ernutaa angut Kana’ani suli ingasannerusumik, ilaquttaminut ajorluinnartumik kinguneqartumik, ajortuliormat. Noap sivisuumik inuugami Nimrodip nalaani kinguaami guutipilussiorneri, nakuuserneri allanillu ingasattunik ajortuliorneri angumerai. Qujanartumilli aamma Noap ernermi Semip uppernermigut ilaquttaminut maligassaalluarnera angumeraa. — 1 Mosesi 9:21-28; 10:8-11; 11:1-11.
Noatut aalajaattuartariaqarpugut. Inoqatitta Guuti ilumoortoq soqutiginngitsuusaaraangassuk, imaluunniit kiffartorfigiunnaaraangassuk, Noatut aqqummit eqqortumit nigunngisaannartariaqarpugut. Taamatut aalajaanneq pinertusaarnerlu Jehovap pingaartilluinnarpai. Jiisusip oqarneratut ‘naggatissamut nikallujuitsuusoq annaanneqassaaq’. — Matthæusi 24:13.
^ par. 17 Inuit ilaat oqarsimapput Guutip uumasut nerinissamik pisariaqartitsinerat annikillisinniarlugu toquusartissimassagai. Qanorluunniit pisoqarsimagaluarpat neriorsuutiminik eqquutitsillunilu uumasut umiarsuarmiittut tamarmik isumannaatsumik aniguisinneqarnissaat isumagaa.
^ par. 22 Naatsiivik Edeni aamma imersuarmit suujunnaarsinneqarsimagunarpoq. Taamaappat kerubit ukiuni 1600-ni naatsiiviup isaariaanik paarsisutut suliassartik naammassigamikku qilammut uteqqissinnaalerput. — 1 Mosesi 3:22-24.