DEBORAP sak­kutuut qaq­qap Taborip qat­tunerani katersuuteq­qasut isigai. Takul­lugit kil­litsis­sutigaa. Ul­laap qaamar­nani siulersor­taat, Baraki, sapiis­suseqar­toq up­perluar­torlu isigaa. 10.000-ugaluarlutik ul­loq taan­na up­per­nerat sapiis­susial­lu misilin­neqangaar­tus­saap­put. Sak­koqar­piaratik akeq­qat ajor­tut amerlanerujus­suit saas­sut­tus­saavaat. Sorsugiarsimap­pul­li ar­nap taas­suma kajumis­saarinera pis­sutiginerul­lugu.

Takorlooruk Deborap atisai anoraan­nguamit erfatsin­neqar­tut Barakil­lu isik­kivik alutor­nar­toq isigigaa. Qaq­qaq Tabori 400 meterit mis­siliorlugit por­tus­suseqar­poq manis­sumil­lu toq­qin­neqarluni. Qaavaniit kujataata-kitaatungaani Jizre’elip narsar­taa takuneqarsin­naavoq. Kuun­nguaq Kishoni narsaaq­qis­suk­kut sangujoraarluni qaq­qap Karmelip eq­qaatigut Imarsuarmut kuup­poq. Ul­laaq taan­na kuuk paq­qersimagunar­poq, narsaamanermili Siserap sak­kutuuisa pis­sarsuit qamutaat sorsuutit as­sakaasumik­kut in­ngigis­sunik kil­luuteqarunar­tut 900-t mis­saan­niit­tut qanil­liar­tor­tut savimer­ngisa aarlerinar­pasis­sumik qil­laalatitsinerat takuneqarsin­naavoq. Siserap Israelik­kut sak­koqar­pian­ngitsut ivik­katul­lusooq kil­luin­narlugit toqorar­niar­pai!

Deborap nalun­ngilaa Barakip sak­kutuuisalu kalerrin­neqar­nis­sar­tik utaq­qigaat. Ar­nar­tatuaava? Pisumi tamatumani taama akisus­saaf­feqar­tiginini qanoq isumaqarfigaa? Tamaani sulerinerluni eq­qarsaatigaa? Taamaap­pasin­ngilaq. Jehovap, Deborap Guutiata, oqarfigaa sorsun­nermik tamatumin­nga aal­lar­titseq­qul­lugu paasitil­lugulu ar­naq pis­sutaal­luni sorsut­toqarun­naarumaar­toq. (Eq­qar­tuus­sisut 4:9) Debora sak­kutuul­lu sapiitsut taak­ku up­per­nermut tun­ngatil­lugu qanoq ilin­niarfigisin­naavavut?

Biibilimi Debora siul­lermik eq­qaaneqarami ‘ar­natut pruf­fiititut’ taaneqar­poq. Taaguut Deborap im­mik­kuul­laris­suuneranik ersersitsivoq, taan­nali kisimi taamatut taaneqan­ngilaq. * Debora aam­ma al­lamik akisus­saaf­feqar­poq. Ajor­nar­torsiutaalersunut tun­ngatil­lugu Jehovap akis­sutaanik ingerlatitseq­qiisar­nermigut akerleriit­tunik eq­qar­tuus­sisar­poq. – Eq­qar­tuus­sisut 4:4, 5.

Debora Efraimip qaq­qalit­taani, il­loqarfiit Betelip Ramal­lu akor­nan­ni, najugaqar­poq. Tas­sani palmip ataani is­siasar­poq Jehovamil­lu siulersor­neqarluni inuit kif­far­tuut­tarlugit. Debora sulias­sani unam­miniar­nangaaraluar­toq isumatsalin­ngilaq. Kif­far­tor­nera pisariaqarluin­nar­poq. Kingusin­nerusuk­kut isumas­sarsisitaal­luni taal­lioqataagami nunaq­qatini ilumoorfigin­nin­ngitsut pil­lugit ima oqar­poq: ‘Guutinik nutaanik qinersip­put; taava isaaf­fin­ni sorsuup­put.’ (Eq­qar­tuus­sisut 5:8, 1900) Israelik­kut guutinut al­lanut kif­far­tulermata Jehovap qimap­pai akeraan­nul­lu tun­niul­lugit. Kana’anik­kut kun­ngiata Jabinip sak­kutuut naalagaat pis­sarsuaq Siseramik atilik aq­qutigalugu Israelik­kut naqisimavai.

Sisera! Israelik­kut ateq taan­na tusaan­narlugu amiilaar­tarlutil­lu paatsiveerut­tar­put. Kana’anik­kut meeq­qanik pil­liuteqar­tar­neran­nit naalaf­fim­milu ator­tit­tar­toqar­tar­neran­nit erser­poq up­perisarsior­nik­kut  pis­susimik­kul­lu peq­qar­niitsuusut. Kana’anik­kut sak­kutuuisa naalagaan­nit naalak­kersor­neqarluni qanoq is­simas­sava? Deborap erinarsugas­siaanit erser­poq nunami angalaneq imaan­naan­ngitsuusoq il­loqarfeeq­qal­lu inuerus­simasut. (Eq­qar­tuus­sisut 5:6, 7) Takorloorsin­naavar­put inuit nunamik naggoris­saanis­sar­tik siooragalugu, aq­qusinik­kut angalagunik saas­sun­neqar­nis­sar­tik, meeq­qamin­nik arsaar­neqar­nis­sar­tik ar­nar­tamil­lu pin­ngitsaalineqarlutik ar­nerif­figineqar­nis­saat an­nilaangagalugu or­pip­pas­suar­ni qaq­qanilu iser­tor­tarsimasut. *

Israelik­kut saqitsaas­siumatuut ukiuni 20-ni naqisimaneqar­put, aatsaal­lu Jehovamit aniguisin­neqar­put al­lan­nguinis­samin­nut piareeramik imaluun­niit Deborap Barakil­lu erinarsugas­siaan­ni eq­qaaneqar­tutut aatsaat ‘Debora Israelimi anaanaalermat’. Naluar­put Debora, Lap­pidotip nulia, meeraqarsimanersoq, oqaaseqatigiil­li as­sersuutitut paasineqar­tus­saap­put. Jehovap Debora anaanaasup pisar­neratut Israelik­kun­nik il­lersueq­quaa. Oqarfigaa eq­qar­tuus­sisoq Baraki up­persuseqarluar­toq aggersaq­qul­lugu Siseramul­lu sorsugiaq­qul­lugu. – Eq­qar­tuus­sisut 4:3, 6, 7; 5:7.

Debora aq­qutigalugu Jehova ima oqar­poq: “Aal­larit qaq­qamul­lu Taborimut majuarlutit!” Barakip angutit 10.000-t Israelik­kut naggueqatigiis­sor­taan­nit marlun­neersut katersor­pai. Siserap pis­sarsuup qamutaasalu sorsuutit 900-t ajugaaf­figineqarumaar­neran­nik Guutip neriorsuutaa Deborap ingerlateq­qip­paa. Barakip taamatut neriorsor­neqar­nini tupaal­laatigisimas­savaa. Israelik­kut sak­kutooqaratil­lu sak­kuuteqan­ngil­lat. Debora aatsaat qaq­qamut Taborimut majuaqataas­sap­pat Baraki sorsugiarusup­poq. – Eq­qar­tuus­sisut 4:6-8; 5:6-8.

Piumasaqaat taman­na pis­sutigalugu Baraki up­persuseqan­ngitsutut taaneqar­tar­poq, taman­nali tun­ngavis­saqan­ngilaq. Guutimi sak­kunik tuneq­qul­luni qin­nuigin­ngilaa. Barakili up­perluarami sak­kutuunilu Jehovap sin­niisaanit nakus­satsin­neqar­nis­sar­tik pingaar­tip­paa. (Hebræerit 11:32, 33) Deborap ilaanis­saanik Barakip piumasaqaataa Jehovap akueraa. Jehoval­li Debora siulit­tuisip­paa angut sorsun­nermi ajugaatitsisuus­san­ngitsoq. (Eq­qar­tuus­sisut 4:9) Guuti aalajanger­poq Sisera ajor­toq ar­namit toqun­neqas­sasoq.

Ul­lumik­kut silarsuarmi ar­nat naaper­tuil­luan­ngitsumik pineqar­tarlutil­lu nakuuserfigineqar­tarlutil­lu ator­nerlun­neqar­tar­put. Guutip taak­kunin­nga ataq­qin­nin­neratut ataq­qineqar­piar­neq ajor­put. Guutil­li ar­nat angutil­lu naligiit­tut isigalugil­lu pingaar­tip­pai.  (Romamiut 2:11; Galatiamiut 3:28) Deborap maligas­siuinera Guutip ar­nanik im­mik­kut pisin­naatitaaf­filiisar­neranik iluarin­nit­tar­neranil­lu uagutsin­nut eq­qaasitsivoq. Silarsuarmi matumani akaarin­nin­ngin­neq ileq­quliutin­ngisaan­nar­tariaqar­par­put.

Barakip sak­kutuuni katersoriar­tor­pai. Angutit Siserap sak­kutuuinut qununar­tunut sorsun­nis­samut sapiis­suseqar­tut 10.000-t katersor­pai. Barakip angutitani qaq­qamut Taborimut majuaqatigitil­lugit taak­kunin­nga sapiis­suseqalersitsisin­naasup ilaanera nuan­naarutigaa. Ima al­las­simavoq: “Deboralu aam­ma ilaavoq.” (Eq­qar­tuus­sisut 4:10) Takorlooruk sak­kutuut taak­kua ar­nap sapiitsup Jehovamut Guutimut up­per­nini pil­lugu inuunerminik navianar­torsior­titsil­luni qaq­qamut Taborimut ingerlaaqataanera takul­lugu qanoq sapiis­suseqalis­sutigisimas­sagaat!

Siserap tusaramiuk Israelik­kut sapiiserlutik sak­kutuunik katersuisimasut iliuuseqapal­lap­poq. Kana’anik­kut kun­ngii arlal­lit kun­ngip Jabinip, taak­kunan­nga pis­saaneqar­nerugunar­tup, sak­kutuuinut ililiup­put. Taava Siserap qamutini sorsuutit tul­leriiaar­til­lugit narsaamaner­tak­kut ingerlaar­tim­magit nuna sajukulaaler­poq. Kana’anik­kut qularin­ngilaat Israelik­kut sak­kutuui naak­kinar­tut ingerlaan­naq ajorsar­tis­sal­lugit. – Eq­qar­tuus­sisut 4:12, 13; 5:19.

Sak­kutuut qanil­liar­tor­til­lugit Baraki Deboralu sus­sap­pat? Qamutit sorsuutit narsaamaner­tami atorluar­neqar­nerusin­naam­mata qaq­qap Taborip sivingar­naniigin­narunik Kana’anik­kut sak­kutuuinut sanil­liul­lugu periarfis­sagis­saar­nerus­sap­put. Barakil­li Jehovap siulersuineratut sorsun­niarami Deborap kalerriinis­saa utaq­qivaa. Taava pif­fis­san­ngormat Debora ima oqar­poq: “‘Aal­larit! Naalak­kam­mi ul­lumi Sisera il­lit as­san­nut tun­niutis­savaa. Naalak­kap sorsun­nermi siulersus­savaatit.’ Taava Baraki qaq­qamit Taborimit aterasuar­poq, angutil­lu 10.000-it malip­paat.” – Eq­qar­tuus­sisut 4:14. *

Israelik­kut sak­kutuui qaq­qak­kut aterlutik narsaamaner­tamut pip­put sorsuutil­lu qununaqisut tungaan­nut ingerlal­lutik. Deborap siulit­tuineratut Jehovap siulersor­pai? Aap, imami al­las­simavoq: ‘Nuna sajup­poq qilam­miil­lu sial­lerluni.’ Siserap sak­kutuui makitasuut paatsiveerutiler­put. Nuis­sal­lu imermik kuisiin­navip­put! Sial­lingaarmat nuna marul­luin­nan­ngor­poq. Qamutil­lu sorsuutit saviminiusut oqimaatsul­lu iluaqutaajun­naarlutik ajoqutaaler­put. Marrip­put ingerlariaq­qis­sin­naajun­naarlutik. – Eq­qar­tuus­sisut 4:14, 15; 5:4.

Barakip sak­kutuuisalu silarluk paatsiveerus­sutigin­ngilaat. Nalun­ngilaat sooq silarlut­toq. Kana’anik­kut sak­kutuuisa tungaan­nut ar­pap­put. Guutip eq­qar­tuus­sutaanik naam­mas­sin­nit­tar­tutut Israelik­kut Siserap sak­kutuuinik amiak­koqar­titsin­ngil­lat. Kuun­nguaq Kishoni kuus­suaaler­poq toqusul­lu timaat Imarsuarmut kuugus­saal­lutik. – Eq­qar­tuus­sisut 4:16; 5:21.

Ul­lumik­kut Jehovap kif­fani sorsugiaq­quneq ajor­pai. In­nut­tanili anersaak­kut sorsoq­quai. (Mat­thæusi 26:52; 2 Korinthimiut 10:4) Silarsuarmi matumani Guuti naalak­kutsigu sorsun­nermi tamatumani ilaas­saagut. Guutimik tapersersuisut akerlilersor­neqangaar­tarmata sapiis­suseqar­tariaqar­pugut. Jehovali al­lan­ngorsiman­ngilaq. Kif­fani tatigin­nitsinilu, soorlu Debora, Baraki itsarlu Israelik­kut sak­kutuui sapiitsut, il­lersor­tar­pai.

Kana’anik­kut sak­kutuuisa ilaat – tamanit ajor­ner­paaq – aniguivoq! Sisera, Guutip in­nut­taanik naqisiman­ningaar­toq, ar­pal­luni sorsuf­fim­mit qimaavoq. Angutitani marul­lum­mi toqorar­neqar­tut sumigin­narlugit Israelik­kut sak­kutuuisa akor­nisigoorluni marul­lul­lu uiaq­qul­lugu ilini qanin­ner­paat eq­qaasin­naasani qimaaf­figai. Israelik­kut sak­kutuuinit tigusarineqar­nis­sani siooragingaarlugu narsaamaner­tak­kut qimaal­luni Heberip Kenik­kuusup tupianut tikiup­poq. Heberi nersutaatilit­tut angalaan­nar­tutut inuujun­naarluni kun­ngimik Jabinimik isumaqatigiis­suteqar­nermigut Kedeship eq­qaani nunas­sis­simavoq. – Eq­qar­tuus­sisut 4:11, 17.

Sisera qasungaarluni Heberip tam­maarsimaarfianut pivoq. Heberi angerlarsiman­ngilaq. Nuliali, Jaeli, angerlarsimavoq. Jaelip uimi kun­ngimik  Jabinimik isumaqatigiis­suteqar­neranik ataq­qin­nin­nis­saa Siserap naatsorsuutigisimagunar­paa. Im­maqa eq­qarsar­poq ar­naq uimi isumaanit al­laanerusumik eq­qarsan­ngisaan­nas­sal­lunilu iliuuseqan­ngisaan­nas­sasoq. Siserap Jaeli qanoq it­tuusoq nalul­luin­nar­paa! Jaelip Kana’anik­kut ajus­susiat naqisiman­nin­neral­lu takusimal­lugulu nalun­ngilaa aalajangigas­saqarluni. Angut ajor­toq ikior­niarlugu imaluun­niit Jehovap in­nut­taanik akerlilersuisup toqun­neratigut Jehova tapersersor­niarlugu aalajangersin­naavoq. Qanorli ilius­sava? Ar­nap sak­kutooq pis­sarsuaq qanoq ajugaaf­figisin­naagamiuk?

Jaeli pilersaarusiupal­lat­tariaqar­poq. Sisera qasuersaarsin­naasoq oqarfigaa. Siserap Jaeli oqarfigaa kinaanini sumiin­ninilu ujaasisunut oqaatigis­san­ngik­kaa. Sisera nal­larmat Jaelip qipip­paa imermil­lu qin­nuigim­mani im­mum­mik kinersitamik tunil­lugu. Taava Sisera itisuumik siniler­poq. Jaelip angerlarsimaf­fim­mi ator­tut ar­nat tupermi najugaqar­tut sungiusimal­luin­nagaat – toq­qup paagutaa kaatarlu – tiguai. Amiilaar­nar­tumik sulias­saqar­nini, Jehovap eq­qar­tuus­sutaanik naam­mas­sin­nit­tus­saanini, ilisimaaralugu Siserap niaquata eq­qaanut seeq­qum­mer­poq. Qulaler­nera nangaaler­neraluun­niit ajor­torujus­suarmik kinguneqarsin­naavoq. Guutip in­nut­tai angutil­lu taas­suma ukiuni qulik­kuutaani taak­kunin­nga qunusiarin­nis­simanera eq­qarsaatigai? Imaluun­niit Jehovamik tapersersuinermik im­mik­kut pisin­naatitaaf­feqar­nini eq­qarsaatigaa? Taman­na oqalut­tuami eq­qaaneqan­ngilaq. Nalun­ngilar­pul­li iliuuseqapal­lat­toq. Sisera toqutaavoq! – Eq­qar­tuus­sisut 4:18-21; 5:24-27.

Kingusin­nerusuk­kut Baraki akeq­qani ujarlugu tikiup­poq. Jaelip toq­qup paagutaanik tul­liatigut paagun­neqarsimasoq takutim­magu Deborap siulit­tuutaata eq­quus­simanera Barakip paasivaa. Ar­nap sorsut­tar­toq pis­sarsuaq Sisera toqus­simavaa! Nalitsin­ni Biibilimik isor­nar­torsiuisar­tut Jaeli nikanarsaataasunik taagor­tar­paat, Barakili Deboralu ilisimasaqarluar­nerup­put. Erinarsugas­siamin­ni isumas­sarsisitaal­lutik Jaeli nersor­paat sapiis­suseqar­neralu pil­lugu ima oqarlutik: “Pil­luaq­qusaali ar­nat akor­nan­ni.” (Eq­qar­tuus­sisut 4:22; 5:24) Deborap qanoq isumagitsiginera maluginiaruk. Jaelip taamatut nersor­neqar­nera pil­lugu sin­ngagiler­nagu Jehovap oqaasiata piviusun­ngor­nera pingaar­tin­neruaa.

Sisera toqum­mat kun­ngi Jabini Israelik­kun­nut naalak­kersuiun­naar­poq. Kiisami Kana’anik­kut naqisiman­nik­kun­naar­put. Ukiuni 40-ni eq­qis­sineqar­poq. (Eq­qar­tuus­sisut 4:24; 5:31) Debora, Baraki Jaelilu Jehovamik Guutimik tatigin­nin­ner­tik pil­luaq­quneqaatigingaar­paat. Jehovamik tapersersuinik­kut al­lal­lu taamaalior­nis­saan­nik kajumis­saar­nerisigut Deborap up­per­nera ilaarutsigu Jehovap ajugaatis­savaatigut naas­saan­ngitsumil­lu eq­qis­sisimasunik avatangiiseqar­til­luta.