Jehovap Nalunaajaasuisa nalitsin­ni peqatigiis­sor­taat 1800-k­kut naaler­neran­ni piler­put. Tamatuma nalaani Biibilimik atuaq­qis­saar­tar­tut ikit­tun­nguit USA-mi Pittsburghimi Pennsylvaniamiit­tumi aaq­qis­suul­luak­kamik Biibili misis­soq­qis­saaler­paat. Oqaluf­fim­mi ajoqersuutigineqar­tar­tut Biibilimi al­las­simasunut sanil­liut­tar­paat. Paasisatik atuak­kani, aviisini atuagas­siamilu maan­na Napasuliaq Alapernaarsuiffik – Jehovap naalagaaffianik tusarliussisoq-mik taaneqar­tar­tumi saq­qum­mersit­taler­paat.

 Angut Charles Taze Russellimik atilik Biibilimik atuaq­qis­saaqatigiit­tar­tut taak­kua ilagaat. Russell taamanik­kut Biibili pil­lugu ilin­niar­titsinermi siut­tuuvoq Napasuliaq Alapernaarsuiffik-mil­lu aaq­qis­suisooq­qaar­tuul­luni, up­perisamil­li nutaamik aal­lar­niisuun­ngilaq. Russellip Biibilimil­lu Atuaq­qis­saar­tar­tut (up­perisarsioqatigiit taamanik­kut im­min­nut taaguusius­saat) Jiisusip Kristusip ajoqersuutaanik siuarsaanis­saq kristumiul­lu siul­liit ilagiivisa periaasiinik malin­nin­nis­saq anguniagaraat. Jiisusi kristumius­susermik tun­ngaviliisoq peqatigiis­sor­tatsin­nik tun­ngaviliisutut isigaar­put. – Kolos­semiut 1:18-20.