ជំនឿមិនពិតទី៤: ព្រះវរបិតា ព្រះរាជបុត្រានិងព្រះវិញ្ញាណបរិសុទ្ធរួមគ្នាជាព្រះតែមួយ

លេង

តើអ្វីជាប្រភពដើមនៃជំនឿមិនពិតនោះ? «ប្រហែលជាមានគេសន្និដ្ឋានថា សេចក្ដីបង្រៀនដែលថាព្រះវរបិតា ព្រះរាជបុត្រា និងព្រះវិញ្ញាណបរិសុទ្ធជាព្រះតែមួយ ជាសេចក្ដីបង្រៀនដែលបានត្រូវបង្កើតនៅជិតដំណាច់សតវត្សរ៍ទី៤ គ.ស.។ ការសន្និដ្ឋានដូច្នេះគឺត្រូវម្យ៉ាង . . . សេចក្ដីបង្រៀនដែលថា‹បុគ្គលបីរួមជាព្រះតែមួយ› មិនបានត្រូវទទួលស្គាល់ជាទូទៅទេ ហើយក៏មិនបានត្រូវរួមបញ្ចូលទាំងស្រុងក្នុងជំនឿរបស់គ្រិស្តសាសនិក មុនដំណាច់សតវត្សរ៍ទី៤ដែរ» (New Catholic Encyclopedia (1967), Volume 14, page 299)។

«ក្រុមប្រឹក្សានៅក្រុងណៃស៊ីយ៉ាបានជួបជុំគ្នានៅថ្ងៃទី២០ ខែឧសភា ឆ្នាំ៣២៥[គ.ស.]។ ខន់ស្ទែនធីនបានដឹកនាំការប្រជុំនិងកិច្ចពិភាក្សានោះ។ គាត់បង្កើត . . . សេចក្ដីបង្រៀនចម្បងដែលបញ្ជាក់អំពីទំនាក់ទំនងរវាងគ្រិស្តនិងព្រះ ពោលគឺគ្រិស្ត‹និងព្រះវរបិតាគឺតែមួយ›។ នេះជាសេចក្ដីបង្រៀនដែលក្រុមប្រឹក្សាបានបញ្ចូលក្នុងលទ្ធិដែលពួកគេបានបញ្ចេញនោះ។ ដោយសារកោតខ្លាចអធិរាជ នោះពួកបព្វជិតទាំងអស់ លើកលែងតែពីរនាក់បានចុះហត្ថលេខាអនុម័តលទ្ធិនោះ។ បព្វជិតជាច្រើនក្នុងចំណោមអ្នកទាំងនោះបានចុះហត្ថលេខា ទោះជាមិនយល់ស្របក៏ដោយ» (Encyclopædia Britannica (1970), Volume 6, page 386)។

តើគម្ពីរបង្រៀនយ៉ាងណា? «[ស្ទេផាន]បានពេញជាព្រះវិញ្ញាណបរិសុទ្ធ នោះក៏សំឡឹងមើលទៅលើមេឃ ឃើញសិរីល្អនៃព្រះ នឹងព្រះយេស៊ូវឈរនៅខាងព្រះហស្តស្ដាំ រួចគាត់មានវាចាថាមើល ខ្ញុំឃើញមេឃចំហ នឹងកូនមនុស្សឈរនៅខាងព្រះហស្តស្ដាំនៃព្រះ»។—កិច្ចការ [សកម្មភាព] ៧:៥៥, ៥៦, សមាគមខ្មែរនៃព្រះគម្ពីរបរិសុទ្ធ

តើយើងអាចដឹងអ្វីខ្លះដោយពិចារណាអ្វីដែលព្រះបើកបង្ហាញឲ្យស្ទេផានឃើញក្នុងគំនិតនោះ? ស្ទេផានបានពេញទៅដោយសកម្មពលរបស់ព្រះ ហើយឃើញលោកយេស៊ូ«ឈរនៅខាងព្រះហស្តស្ដាំនៃព្រះ»។ នេះបង្ហាញច្បាស់ថា លោកយេស៊ូមិនបានទៅជាព្រះក្រោយលោកបានត្រូវប្រោសឲ្យរស់ឡើងវិញនៅស្ថានសួគ៌ទេ។ លោកគឺជាបុគ្គលវិញ្ញាណផ្សេងគ្នាពីព្រះ។ កំណត់ហេតុនោះមិនរៀបរាប់ថាមានបុគ្គលមួយទៀតនៅក្បែរព្រះក្រៅពីលោកយេស៊ូឡើយ។ ដូច្នេះ មិនមានបីនាក់ទេ។ ទោះជាមានគេខំរកបទគម្ពីរដើម្បីគាំទ្រសេចក្ដីបង្រៀនដែលថា ព្រះគឺបុគ្គលបីរួមតែមួយក៏ដោយ បព្វជិតម្នាក់ឈ្មោះម៉ារី អេមីល ប័រម៉ាដ បានសរសេរថា៖ «ក្នុងសញ្ញាថ្មី គ្មានបទគម្ពីរណាមួយសោះ . . . ដែលថាព្រះគឺបុគ្គលបីរួមគ្នាជាព្រះតែមួយ» (À l’aube du christianisme—La naissance des dogmes)។

ខន់ស្ទែនធីនបានបង្កើតសេចក្ដីបង្រៀននោះ ក្នុងបំណងដោះស្រាយទំនាស់ដែលមានក្នុងចំណោមពិភពគ្រិស្តសាសនានៅសតវត្សរ៍ទី៤។ ក៏ប៉ុន្តែ សេចក្ដីបង្រៀននោះធ្វើឲ្យមានសំណួរមួយទៀតថា: តើម៉ារៀដែលជាអ្នកផ្ដល់កំណើតឲ្យលោកយេស៊ូ ជា«ម្ដាយរបស់ព្រះ»ឬទេ?

សូមអានបទគម្ពីរ: ម៉ាថាយ ២៦:៣៩; យ៉ូហាន ១៤:២៨; កូរិនថូសទី១ ១៥:២៧, ២៨; កូឡុស ១:១៥, ១៦

ការពិត:

សេចក្ដីបង្រៀនថាព្រះគឺបុគ្គលបីរួមតែមួយ បានត្រូវបង្កើតនៅដំណាច់សតវត្សរ៍ទី៤

[អ្នកផ្ដល់សិទ្ធិឲ្យប្រើរូបភាពនៅទំព័រ៧]

Museo Bardini, Florence

ទស្សនាវដ្ដីប៉មយាម