ចម្រៀងលេខ២៨
ការចងមិត្តភាពជាមួយនឹងព្រះយេហូវ៉ា
-
១. តើនរណាជាមិត្តលោក
ក្នុងត្រសាលលោកអាចស្នាក់?
តើនរណាជាមិត្តលោកអាចទុកចិត្ត
ហើយពិតជាស្គាល់លោកជាក់?
អ្នកដែលស្ដាប់បង្គាប់លោក
មានជំនឿលើលោកក្រៃ
អ្នកដែលមានចិត្តស្មោះហើយក៏ត្រឹមត្រូវ
កាន់តាមក្ដីពិតថ្លាថ្លៃ។
-
២. តើនរណាជាមិត្តលោក
អាចចូលទៅជិតលោកបាន?
តើនរណាដែលធ្វើឲ្យលោករីករាយ
នាមលោកគេស្គាល់គ្រប់ប្រាណ?
អ្នកដែលលើកតម្កើងលោក
បណ្ដាំលោកគេត្រេកអរ
អ្នកដែលមានចិត្តស្មោះប្រព្រឹត្តទៀងត្រង់
ពោលពាក្យពិតដោយស្មោះសរ។
-
៣. យើងផ្ទេរកង្វល់ទៅលោក
ថ្លែងប្រាប់លោកអស់ពីចិត្ត
យើងស្រឡាញ់លោកទាំងមានភាពស្នាលស្និទ្ធ
រៀងរាល់ថ្ងៃលោកថ្នមថ្និត
យកលោកជាមិត្តកល្យាណ
យើងខ្ញុំចង់បានជានិច្ច
យើងពិតជាមានមិត្តដ៏ល្អថ្លាថ្លៃ
លោកជាមិត្តដ៏ស្មោះពិត៕
(សូមពិនិត្យបន្ថែម ចសព. ១៣៩:១; ១ពេ. ៥:៦, ៧)