១. ផ្សាយ​សេចក្ដី​ពិត​តាម​បង្គាប់​លោក​យេស៊ូ

គ្រប់​វេលា​លោក​ទៅ​ផ្សាយ

បណ្ដាំ​ព្រះ​យេហូវ៉ា​ទុក​ជា​គំរូ

លោក​ស្រឡាញ់​ចៀម​ព្រះ​ហើយ​បង្រៀន​ជា​និច្ច

ខំ​ស្វះ​ស្វែង​រក​ចាប់​ពី​ថ្ងៃ​រះ

រហូត​ដល់​ថ្ងៃ​លិច

តាម​ផ្លូវ​តាម​ផ្ទះ​យើង​ប្រាប់​ដំណឹង

ដូច​លោក​យេស៊ូ​ឲ្យ​គេ​បាន​ដឹង

ថា​មិន​យូរ​បញ្ហា​យើង​នឹង​កន្លង​ផុត​ទៅ។

 ២. នៅ​សល់​ពេល​តិច​យើង​ត្រូវ​រក​ដោយ​ឧស្សាហ៍

មាន​មនុស្ស​ច្រើន​ឥត​គណនា

ដែល​យើង​ត្រូវ​ជួយ​ឲ្យ​បាន​ជីវ៉ា

ក្ដី​ស្រឡាញ់​ជំរុញ​ឲ្យ​ជួប​គេ​ច្រើន​ដង

ជួយ​គេ​ឲ្យ​ស្បើយ​ពី​ការ​ឈឺ​ចិត្ត

ពី​ជីវិត​សៅ​ហ្មង

យើង​ខំ​ស្វែង​រក​នៅ​ទី​ឆ្ងាយ​ជិត

ពេល​យើង​ជួប​អ្នក​ស្រឡាញ់​ក្ដី​ពិត

យើង​មាន​អំណរ​ដែល​ជួយ​យើង​ឲ្យ​ព្យាយាម​ផ្សាយ។