១. បទ​ចម្រៀង​នេះ​យើង​រួម​ច្រៀង​អប​អរ​ជោគ​ជ័យ

លើក​កិត្ដិ​យស​ព្រះ​មួយ​ឧត្តម​ខ្ពង់​ខ្ពស់

ពាក្យ​ពេចន៍​ជំរុញ​ឲ្យ​សង្ឃឹម​និង​តាំង​ចិត្ត​ស្មោះ

រួម​សំឡេង​ច្រៀង​បទ​រាជ្យ​ព្រះ​យ៉ាង​ពីរោះ។

២. យើង​ច្រៀង​បទ​ថ្មី​ប្រកាស​រាជាណាចក្រ​ព្រះ

មាន​គ្រិស្ត​យេស៊ូ​គ្រប់​គ្រង​ផែន​ដី​មេឃា

តាម​ទំនាយ​ព្រះ​លោក​មាន​រាស្ត្រ​ថ្មី​ពិសេស​មួយ

ពួក​គេ​គ្រប់​គ្រង​ជា​មួយ​គ្រិស្ត​នៅ​សួគ៌ា។

៣. ចម្រៀង​រាជ្យ​ព្រះ​មនុស្ស​រាប​សា​អាច​ច្រៀង​បាន

មាន​ន័យ​ខ្លឹម​សារ​ធ្វើ​ឲ្យ​កក់​ក្ដៅ​ចិន្ដា

ទូ​ទាំង​ផែន​ដី​ទាំង​ប្រុស​ទាំង​ស្រី​បាន​រៀន​ច្រៀង

ហើយ​គេ​នាំ​គ្នា​អញ្ជើញ​គ្រប់​មនុស្សា។