Kilomboluelu kia Mbandu ia 2
Mukonda diahi Jihova ua bheka diluviu dia buikisa o mundu mu izuua ienióio? Ku dimatekenu dia muiji, kua moneka maka a dikota—o maka alungu ni kubhanga o mbote ni kuiibha. Amoxi kála Adá, Eva, ni mon’â Kaini a solo kukala ku mbandu ia kuiibha. Maji a mukuá kála Abele ni Noué a solo kukala ku mbandu iambote. Athu avulu a kituka athu aiibha, mukonda dia kiki, Jihova ua buikisa athu oso aiibha. O mbandu íii ia-nda tu kuatekesa kuijiia kuila Jihova u tala o mbandu i tu sola ni kuila muene ka-nda kuehela kuila o kuiibha kutolola o mbote.
IN THIS SECTION
DISÁ 3
Adá ni Eva ka Belesela Nzambi
Mukonda diahi muxi umoxi mu jaludim ia Edene ua ditunguile mu mixi ia mukuá? Mukonda diahi Eva ua di ku kibundu kia muxi?
DISÁ 4
O Njinda i Tena Kubhangesa Muthu Kubhanga Ima Iaiibha
Nzambi ua xikina o sata ia bhana Abele maji ka xikina o sata ia Kaini. Kioso Kaini kia mono kuila Nzambi ua xikina ngó o sata ia Abele njinda ia mu kuata iu ua bhange kima kiaiibha.
DISÁ 5
O Álaka ia Noué
Kioso o jianju ja iibha ki ja kazala ni ahatu mu ngongo, ene a vuala ana a kituka mazonda. O usuéia ua dibandekesa mu ididi ioso. Maji Noué uexile muthu uambote—muene ua zolele Nzambi ni ku mu belesela.
DISÁ 6
Dinake Dia Athu a Bhuluka Katé ku Mundu ua Ubhe
O Diluviu dia bhange 40 a izuua ni 40 a mausuku ni kunoka. Noué ni muiji uê akexile m’oxi ia álaka muvu umoxi ndenge. Mu kusuka-ku Nzambi ua a tangela kutunda-mu.
