Ku mbeji ia Katutu mu kizuua kia 5 ku muvu ua 2012, kia Kuarta, a bhana ngolokela ku muiji ua Betele ku Estados Unidos, ni ku muiji ua Betele ku Canadá kuila, a solo dingi phange phala ku bhanga mbandu ku Kibuka Kia Utuminu kia Jimbangi ja Jihova. Ku kizuua kia 1 kia mbeji ia Katutu ia 2012, o Phang’etu Mark Sanderson, ua mateka ku kalakala ni Kibuka Kia Utuminu.

O phange Sanderson a mu sase ku ji tata Jimbangi ja Jihova, mu sanzala ia San Diego, mu mbanza ia Califórnia, ku ixi ia Estados Unidos, a mu batizala ku mbeji ia Kauana ku kizuua kia 9, ku muvu ua 1975. Muéne ua mateka ku kalakala mu sidivisu ia thembu ioso mu mbanza ia Saskatchewan, ku ixi ia Canadá, ku mbeji ia Katutu, ku kizuua kia 1, ku muvu ua 1983. Ku mbeji ia Kaiiadi ku muvu ua 1990, muéne ua bhiti bhu Xikola ia kasambuadi phala o Jiphange Akudi, ku ixi ia Estados Unidos. O phange Sanderson uexile muboki ua katunda mu ilha ia Terra Nova, mu ixi ia Canadá, ku mbeji ia Kasamanu, ku muvu ua 1991. Muéne ua kexile mu kuatekesa o kafunga ka ilunga, kioso kia mu ixana phala ku sidivila ku muiji ua Betele ku ixi ia Canadá, ku mbeji ia Kauana, ku muvu ua 1997. Ku mbeji ia Kamoxi ku muvu ua 2000, muéne a mu tumikisa ku Betele ku ixi ia Estados Unidos, kuene kua kalakala mu Comissão de Ligação Hospitalar, mu kusuka-ku, ua kalakala mu Kibuka kia Sidivisu.

Ku mbeji ia Katutu ku muvu ua 2008, o Phange Sanderson uai mu Xikola ia tokala o jiphange a bhanga mbandu ku Kibuka Kia Filiiale, iu ua tambula o ujitu ua ku kalakala mu Kibuka kia Filiiale ku ixi ia Filipinas. Ku mbeji ia Katutu ku muvu ua 2010, a mu ixana dingi ku Estados Unidos, phala ku kuatekesa ku Kibuka Kia Utuminu.