Ihi Ilombolola o Izwelu, Jezú Ubhulula?
O Bibidya itambwijila
Mu kubhana o mwenyu we kala sata ya kukúla, Jezú wabhulula o myenyu ya athu a fiyele. (Matesu 20:28) Mu kiki o Bibidya ixana Jezú kala “Mubhuludi wa mundu.” (1 Nzwá 4:14) O Bibidya yamba we: “O kubhuluka kikwijila ku muthu wengi, mukonda kikwala dijina dyéngi mu ngongo dyobhane ku athu mu twatokala kubhulukila.”—Ikalakalu 4:12.
Jezú ‘watale hadi katé kyafu’ phala o mbote ya athu oso amuxikina. (Jihebelewu 2:9; Nzwá 3:16) Mu kusuluka “Nzambi wa mufukununa mw’alunga,” yu wavutuka ku dyulu kala muthu mu nzumbi. (Ikalakalu 3:15) Bhobho Jezú “wala ni kutena kwa kubhulula yó azukama kwa Nzambi bhukaxi ka mwene, mukonda mwene wala ku mwenyu katé ku hádya ni hádya phala kwa dyondela jinga.”—Jihebelewu 7:25.
Mukonda dyahi twabhindamena o kikwatekesu kya Jezú?
WMukonda etu enyoso tu akwa ituxi. (Loma 3:23) O kituxi kitufidisa kuzukama kwa Nzambi, kyene kitubhekela o kufwa. (Loma 6:23) Jezú wedi kala “muzokedi” wayo ala ni kixikanu ku sata yé. (1 Nzwá 2:1, nota) Jezú ukala muzokedi wa ene. Mwene ubhinga kwa Nzambi phala kwivwa o misambu ya, ni kuloloka o ituxi ya. (Matesu 1:21; Loma 8:34) Nzambi uxikina o misambu ya, mukonda kibhanga mbandu ya vondadi ye. Nzambi watumikisa Jezú mu ixi “phala kubhulula o mundu bhukaxi ka mwene.”—Nzwá 3:17.
O kwila phala kubhuluka twatokala ngó kukala ni kixikanu kwa Jezú?
Kana. Mukidi, phala kubhuluka twatokala kuxikina kwa Jezú, maji kiki kikisoko. (Ikalakalu 16:30, 31) O Bibidya yamba: “o mukutu sé mwenyu wafu, o kixikanu sé ikalakalu kyafu we.” (Tiyaku 2:26) Phala kubhuluka, twatokala:
Kudilonga ya lungu ni Jezú ni taté, Jihova.—Nzwá 17:3.
Kukolesa o kixikanu kwa ene.—Nzwá 12:44; 14:1.
Kulondekesa kixikanu ni kubelesela o itumu ya. (Luka 6:46; 1 Nzwá 2:17) Jezú walongo kwila ki athu oso amwixana “Ngana,” anda bhuluka, kikale ngó yó “ubhanga o vondadi ya Tata [yê] wene ku dyulu.”—Matesu 7:21.
Kusuluka mukulondekesa o kixikanu ne mwene se wamudibhana ni ibhidi. Jezú wajimbulula kyambote o maka enya kyoso kyambe: “woso ukolokota katé ku dizubhilu, mwéne wanda bhuluka.”—Matesu 24:13.
Eye Nange Wandawabhela we o Maka Yá
ESSENTIAL BIBLE TEACHINGS
Maji mukonda Dyahi Jezú Wafu?
O Bibidya i bhana valolo ya dikota mu kufwa kwa Jezú. O kwila o kufwa kwa Jezú kwala mwene ni valolo?
O MULANGIDI
Kyebhi ki u Tena Kukala ni Mwenyu wa Beta-o-Kota?
Wa tokala kubhanga kima phala kukala ni mwenyu wa kanena Nzambi kwa yó a mu zolo.
MILONGI YA BIBIDYA
Fikisa Kudilonga o Bibidya N’etu
Dilonge o Bibidya ni kikwatekesu kya mulongexi, eye kubhingi kufuta kitadi.