Әз малбәтәкә кʹәсибда дебажаре Албанйайеда, демәк Тиранеда һатьмә буйине. Баве мьн мәрьвәки һʹәлал бу у зәʹф дьхәбьти, сәва кӧ мә хԝәй кә. Ле диса жи мә анщах әʹбура хԝә дькьр. Бьчʹуктайеда әз гәләк дьлтәнг дьбум жь бо ԝе йәке кӧ әм кʹәсиб бун. Әз пʹехас дьгәрʹийам у мә хԝарьн тʹер нәдьхԝар.

 Зарʹотийа хԝәда мьн дәстпекьр дьзийе бькьм. Мьн тʹьре ӧса әз али малбәта хԝә дькьм. Ахьрийеда әз кʹәтьмә дәсте полиса. Сала 1988-да чахе әз 14 сали бум, әз шандьмә мәкʹтәба бона зарʹед хьраб, сәва кӧ хьрабийе бьтʹәрькиньм. Ԝедәре мьн дӧ сала дәрбаз кьр у һин бум сәр һʹәсьна бьхәбьтьм. Чахе әз ида жь ве мәкʹтәбе дәркʹәтьм, мьн сафи кьр дәстпекьм бь жийинәкә рʹаст бьжим. Ле ԝи чахи Албанйайеда жь бо проблемед политики хәбат дәст нәдькʹәт. Әз жь бо ве йәке гәләк дьлтәнг бум, ләма жи ахьрийе әз диса тʹәви һәвалед хԝәйә бәре бумә йәк у мьн дәстпекьр дьзийе бькьм. Ԝәʹдә шунда әм һатьнә гьртьне у сәр се сала кʹәтьнә кәле.

 Чахе әз жь кәле дәркʹәтьм, мьн диса «карийера» хԝәйә ԛачахтийе бәрдәԝам кьр. Аборийа Албанйайе һьлшийа бу у жь бо ве йәке һʹале ԝәлет хьраб бу. Ԝи чахи мьн карьбу бь сайа шьхӧлед нәԛануни гәләк пʹәрә ԛазанч кьм. Щарәке мә пе чʹәка дьзи кьр. Паши ԝе йәке дӧ һәвалед мьн һатьнә гьртьне, ле әз жь ԝәлет рʹәвим, сәва дьреж кәледа рʹунәнем. Һьнге әз ида тʹәви Йулиндайе зәԝьщи бум у кӧрʹе мәйи вьрʹни һәбу.

 Ахьрийеда әм Инглистанеда щиԝар бун. Мьн сафи кьр кӧ тʹәви жьна хԝә жийина тʹәзә дәстпекьм, ле диса мьнрʹа чәтьн бу хәйсәт-һʹӧнӧред хԝәйә бәре бьтʹәрькиньм. Зутьрәке әз диса кʹәтьмә нава шьхӧле ԛачахтийе, ле ижар мьн дәстпекьр наркотикайе бьфьрошьм, у тʹьме пʹәре ԛальм дькʹәтә дәсте мьн.

 Ле Йулиндайе ча сәр шьхӧле мьн дьньһерʹи, бьра әԝ хԝәха бежә. Әԝ дьбежә: «Әз Албанйайеда мәзьн бумә у ләма жи мәрәма мьн әԝ бу, кӧ жь кʹәсибийе хьлаз бьм. Сәва хатьре жийина баш, әз һазьр бум һәр тьшти бьщерʹьбиньм. Әз дьфькьрим ԝәки пʹәрә ԝе жийина мә дьһа бәхтәԝар кә, ләма жи мьн тʹьме пьштгьрийа Артан дькьр. Хәма мьн нибу кӧ әԝи дәрәԝ дькьр, дьзи дькьр йан наркотика дьфьрот, бона мьн тʹәне фәрз бу кӧ пʹәре мә һәбә».

 Сала 2002-да жийина мә педа һатә гӧһастьне у ньшкева һʹәму нетед мә бона жийина ахьрийе кʹӧта бун. Әз диса һатьмә гьртьне у кʹәтьмә кәле жь бо ԝе йәке, кӧ гәләк наркотик щәм мьн дитьн.

 Мьн хԝәха жи фәʹм нәкьр, кӧ чаԝа Кʹьтеба Пироз дәстпекьр әʹмьре мьн бьгӧһезә. Сала 2 000-да Йулинда рʹасти Шәʹдед Йаһоԝа һатьбу у ԛайил бьбу тʹәви ԝан Кʹьтеба Пироз һин бә. Хәбәрдана дәрһәԛа Кʹьтеба Пироз мьнрʹа һʹәԝас нибу. Ле Йулиндайе хԝәш дьһат Кʹьтеба Пироз һин бә. Әԝ дьбежә: «Әз малбәта религида мәзьн бумә у мьн Кʹьтеба Пироз ԛимәт дькьр. Мьн тʹьме дьхԝәст бьзаньбьм, әв кʹьтеб чь һин дькә. Һинбуна тʹәви Шәʹдед Йаһоԝа гәләк дьле мьн дьгьрт. Гәләк һинкьрьнед Кʹьтеба Пироз мьнрʹа логики дьһатьнә кʹьфше. Чь кӧ әз педьһʹәсийам әз һелан дькьрьм, кӧ һьнә тьшт жийина хԝәда бьгӧһезьм. Ле ньһерʹандьна мьн һьндава пʹәра нәдьһатә гӧһастьне, һʹәта кӧ мере мьн Артан һатә гьртьне. Әве дәрәще педа ньһерʹандьна мьн гӧһаст. У һьнге мьн фәʹм кьр, кӧ гәрәке гӧһ бьдьмә ԝе йәке, чь кӧ Кʹьтеба Пироз дәрһәԛа пʹәра дьбежә. Мә сәва хатьре пʹәра һәр тьшт дькьр, ле жь бо ве йәке әм бебәхт бун. Мьн фәʹм кьр, ԝәки гәрәке бь тʹәмами у һәр тьштида гӧрʹа Хԝәде бькьм».

 Сала 2 004-да әз жь кәле аза бум у зутьрәке мьн диса дәстпекьр наркотикайе бьфьрошьм. Ле ньһерʹандьна Йулиндайе һьндава ве йәке ида һатьбу гӧһастьне. Әԝе мьнрʹа тьштәки ӧса гот, кӧ һʹьше мьн һатә сәре мьн. Әԝе гот: «Артан, пʹәре тә ида мьнрʹа нә лазьм ә. Малхе мьн мьнрʹа лазьм ә у әз дьхԝазьм баве зарʹед мьн кʹеләка ԝан бә». Әԝан гьлийа әз һәжандьм, ле әԝ рʹаст бу. Әз бь сала, дури малбәта хԝә бум у һатә бира мьн әв һʹәму чәтьнайед кӧ һатьнә сәре мьн жь бо ԝе йәке бун, кӧ мьн нә бь һʹәлали пʹәрә ԛазанч дькьр. Мьн фәʹм кьр гәрәке бемә гӧһастьне, у мьн тʹәрка һәвалед хԝәйи бәре да.

 Чахе әз тʹәви жьна хԝә у һәрдӧ кӧрʹед хԝә чумә щьвата Шәʹдед Йаһоԝа, әв йәк гәләк сәр мьн һʹӧкӧм бу. Һʹәлали у һәвалһʹьзийа ԝан зәʹф мьн хԝәш һат. Ахьрийеда мьн дәстпекьр Кʹьтеба Пироз һин бьм.

 Әз пеһʹәсийам ԝәки «пʹәрәһʹьзи каникә һәр щурʹә хьрабийе йә», у жь бо ве йәке «һьнәка . . . хԝә кьрьнә хԝәйе кӧл у дәрда» (1 Тимотʹейо 6:9, 10). Ве йәкеда әз пе жийина хԝә избат бум! Әз гәләк пʹошман дьбум сәва шашийед хԝәйә бәре, чьмки мьн зәʹф чәтьнайи һьм хԝәрʹа һьм жи малбәта хԝәрʹа ани (Галати 6:7). Гава әз пеһʹәсийам, кӧ Йаһоԝа у кӧрʹе ԝи Иса Мәсиһ чьԛас мә һʹьз дькьн, мьн дәстпекьр хԝә бьгӧһезьм у һе зедә бона мәрьва бьфькьрьм, нә кӧ бона хԝә. Хенщи ԝе йәке мьн гәләк ԝәʹдә ида тʹәви жьн у зарʹед хԝә дәрбаз дькьр.

 Ширәтәкә Кʹьтеба Пироз гәләк али мьн кьр: «Пʹәрәһʹьзи бьра нава жийина ԝәда щи нәгьрә у дәстед ԝәда чьԛас һәйә, рʹази бьн» (Ибрани 13:5). Ньһа исафа мьн тʹәмьз ә у дьле мьн рʹьһʹәт ә. Әз бәре тʹӧ щар һаԛас ша нибумә, чьԛас ньһа. Һәләԛәтийа мьн тʹәви жьна мьн дьһа ԛәԝи буйә у әз тʹәви малбәта хԝә дьһа незик бумә.

 Бәре әз дьфькьрим кӧ һәрге пʹәре мә зәʹф бә, әме бәхтәԝар бьн. Ньһа әз фәʹм дькьм, ԝәки ԛачахти у пʹәрәһʹьзи тʹәне гәләк еш у кӧл-дәрда тинә. Рʹаст ә әм ньһа дәԝләти ниньн, ле тьштәки мәйи дьһа ԛимәт һәйә, демәк достийа мә тʹәви Йаһоԝа Хԝәде. Әз гәләк бәхтәԝар ьм, ԝәки тʹәви малбәта хԝә Йаһоԝа дьһʹәбиньм.