Мьхайил, йан жи һьнә религийада сәр ԝи дьбежьн «Мьхайил Сәрәкмьлйакʹәте Пироз», ча те кʹьфше әв дәрһәԛа Иса Мәсиһ те готьне. Әв нав сәр ԝи бу, пешийа һатьна ԝи сәр әʹрде у паше чуйина ԝи сәр әʹзмана. a Паши мьрьна Муса, Мьхайил тʹәви Мире-щьна кʹәтә һʹӧщәте дәрһәԛа щьнийазе ԝи. Ӧса жи әԝи али мәләкәки кьр, ԝәки хәбәра Хԝәде бьгьһинә Данийел пʹехәмбәр (Данийел 10:13, 21; Щьһуда 9). Наве Мьхайил те һʹәсабе «Кʹи мина Хԝәде йә?» у ль гора наве хԝә әԝ сәрԝертийа Хԝәде дьпарезә у тʹәви дьжмьнед Хԝәде шәрʹ дькә (Данийел 12:1; Әʹйанти 12:7).

 Дина хԝә бьдьнә ве йәке, кӧ чь избати һәнә, ԝәки Мьхайил әв Иса Мәсиһ йә.

•   Мьхайил «сәрәке мьлйакʹәта» йә (Щьһуда 9). Сәрнаве «сәрәкмьлйакʹәт» ӧса жи те һʹәсабе «сәроке мәләка», йа кӧ Кʹьтеба Пирозда тʹәне дӧ щара һатийә хәбьтандьне. Кʹьтеба Пирозда әв хәбәр тʹәне йәканида те ньвисаре у тʹӧ щар гәләканида нәһатийә хәбьтандьне. Әв йәк избат дькә, ԝәки әв тʹәне сәрнаве мәләкәки йә. 1 Тʹесалоники 4:16-да дәрһәԛа Исайе сахкьри те готьне, ԝәки әԝ «бь дәнге сәрәкмьлйакʹәт у лехьстьна борʹийа Хԝәде жь әʹзмен бе хԝаре». Иса ԝе «бь дәнге сәрәкмьлйакʹәт» дәре, чьмки әԝ хԝәха Мьхайил сәрәкмьлйакʹәт ә.

•   Мьхайил сәроке ордийа мәләка йә. Кʹьтеба Пирозда, Әʹйанти 12:7-да те готьне, ԝәки «Мьхайил мьлйакʹәтед хԝәва тʹәви зийе шәрʹ кьр», демәк тʹәви Мире-щьна. Нава әʹфринед рʹӧһʹанида, Мьхайил йәки гәләк ԛәԝат ә, у әԝ те навкьрьне «йәк жь сәрокед йәкәмин» у «сәроке мәзьн» (Данийел 10:13, 21; 12:1). Леколинкʹаре Кʹьтеба Пироз, Деви Оун, сәр һʹиме ԝан сәрнава дәрһәԛа Мьхайил дьбежә, ԝәки әԝ һәйә сәроке ордийа мәләка.

   Кʹьтеба Пирозда дәрһәԛа навәк жи те готьне, йе кӧ фәрмане дьдә ордийа мәләка. Ԝедәре те готьне: «Хӧдан Иса тʹәви мьлйакʹәтед хԝәйә зор жь әʹзменва бь кʹура егьр хӧйа бә, ԝәки һʹәйфе жь ԝан һьлдә» (2 Тʹесалоники 1:7, 8; Мәтта 16:27). Иса Мәсиһ «йе кӧ чуйә әʹзмен, ль мьле Хԝәдейи рʹасте йә у мьлйакʹәт, һʹӧкӧмәт у ԛӧдрәтед рʹӧһʹани бьн гӧрʹа ԝида нә» (1 Пәтрус 3:21, 22). Ԝе гәләк әʹщебмайи буйа, һәрге Хԝәде дӧ мәләк ча сәрок кʹьфш кьрана, йе кӧ ԝе һәвдӧрʹа бькʹәтана ләще, демәк Иса у Мьхайил. Дьһа логики йә, ԝәки әв сәрнав тʹәне сәр кәсәки йә.

•   Мьхайил «ԝе ԝәхтәки тәнгасийе» рʹабә, йа кӧ тʹӧ щар тʹӧнә бу (Данийел 12:1). Кʹьтеба Данийелда хәбәра «рʹабә» гәләк щар һьндава пʹадше те хәбьтандьне, йе кӧ гәрәке сафикьрьнәкә фәрз бькә (Данийел 11:2-4, 21). Иса Мәсиһ, йе кӧ ӧса жи һатийә навкьрьне ча «Хәбәра Хԝәде», әԝе ча «Пʹадше Пʹадша» ԝе шьхӧләки фәрз бькә, демәк әԝе һʹәму дьжмьнед Хԝәде ԛьрʹ бькә у щьмәʹта Ԝи хԝәй кә (Әʹйанти 19:11-16). Әв йәк ԝе бьԛәԝьмә ԝәʹде «тәнгасикә ӧса мәзьн . . . кӧ жь дәстпебуна дьнйайе һʹәта ньһа мина ԝе нәбуйә» (Мәтта 24:21, 42).