ಲೋಕದಲ್ಲಿರೋ ಎಷ್ಟೋ ಜನರಿಗೆ ತಿನ್ನೋಕೆ ಆಹಾರ ಆಗಲಿ ಇರೋಕೆ ಮನೆ ಆಗಲಿ ಇಲ್ಲ. ಕೆಲವರಂತೂ ಜೀವಿಸೋ ಆಸೆನೇ ಕಳಕೊಂಡಿದ್ದಾರೆ. ಇಂಥವರಿಗೆ ಸಹಾಯ ಮಾಡೋಕೆ ನಾವು ಪ್ರಯತ್ನ ಹಾಕಿದ್ರೆ ದೇವರು ನಮ್ಮನ್ನ ಖಂಡಿತ ಆಶೀರ್ವದಿಸುತ್ತಾನೆ.

“ಬಡವರಿಗೆ ದಯೆತೋರಿಸುವವನು ಯೆಹೋವನಿಗೆ ಸಾಲಕೊಡುವವನು; ಆ ಉಪಕಾರಕ್ಕೆ ಯೆಹೋವನೇ ಪ್ರತ್ಯುಪಕಾರ ಮಾಡುವನು.”—ಜ್ಞಾನೋಕ್ತಿ 19:17.

ಯೇಸು ಒಮ್ಮೆ ಒಬ್ಬ ವ್ಯಕ್ತಿ ಬಗ್ಗೆ ಕಥೆ ಹೇಳಿದ. ಆ ವ್ಯಕ್ತಿನಾ ಕಳ್ಳರು ಚೆನ್ನಾಗಿ ಹೊಡೆದು ದಾರಿಯಲ್ಲೇ ಸಾಯಲಿ ಅಂತ ಬಿಟ್ಟು ಹೋಗಿದ್ದರು. (ಲೂಕ 10:29-37) ಆದ್ರೆ ಅವನಿಗೆ ಸಹಾಯ ಮಾಡಿದ್ದು ಯಾರು ಗೊತ್ತಾ? ಬೇರೆ ಜಾತಿಯ ಒಬ್ಬ ಅಪರಿಚಿತ ವ್ಯಕ್ತಿ. ತನ್ನ ಜನರಿಗೆ ಆ ಗಾಯಗೊಂಡ ವ್ಯಕ್ತಿಯ ಜಾತಿಯವರನ್ನ ಕಂಡ್ರೆ ಆಗದಿದ್ದರೂ ಭೇದಭಾವ ಮಾಡದೆ ಸಹಾಯ ಮಾಡಿದ.

ಆ ಅಪರಿಚಿತ ವ್ಯಕ್ತಿ ಗಾಯಗೊಂಡ ವ್ಯಕ್ತಿಗೆ ಔಷಧಿ ಹಚ್ಚಿದ. ಅಷ್ಟೇ ಅಲ್ಲ, ಆ ರಾತ್ರಿ ವಿಶ್ರಾಂತಿ ತಗೊಳ್ಳೋಕೆ ಬೇಕಾದ ವ್ಯವಸ್ಥೆನೂ ಮಾಡಿಕೊಟ್ಟ. ಹೀಗೆ ಅವನಿಗೆ ಬೇಕಾದ ಸಹಾಯ ಮಾಡಿದ.

ಈ ಕಥೆಯಿಂದ ನಾವೇನು ಕಲಿಬಹುದು? ಬೇರೆಯವರಿಗೆ ಸಹಾಯದ ಅಗತ್ಯ ಇದ್ದಾಗ ನಮ್ಮ ಕೈಲಾದಷ್ಟು ಸಹಾಯ ಮಾಡಬೇಕು ಅಂತ ಯೇಸು ಕಲಿಸಿದ. (ಜ್ಞಾನೋಕ್ತಿ 3:27) ಈ ಬಡತನ, ಕಷ್ಟಗಳಿಗೆ ದೇವರು ಬಲುಬೇಗನೆ ಕಡಿವಾಣ ಹಾಕಲಿದ್ದಾನೆ ಅಂತ ಪವಿತ್ರ ಗ್ರಂಥ ತಿಳಿಸುತ್ತೆ. ಇದನ್ನೆಲ್ಲಾ ದೇವರು ಯಾವಾಗ ಮತ್ತು ಹೇಗೆ ಮಾಡುತ್ತಾನೆ ಅನ್ನೋ ಪ್ರಶ್ನೆ ನಮಗೆ ಬರಬಹುದು? ಇದಕ್ಕೆ ಉತ್ರ ಮುಂದಿನ ಲೇಖನದಲ್ಲಿ ಇದೆ.