MWE LUTLUT AHK 3
Orekmakihnyen Kihsen Siyuck
Matthew 16:13-16
MA KOM KUH IN ORUH: Siyuck kihsen siyuck wo ac fal ke kom sramsram nuh sin mwet suc lohng an, in pihrihk nuhnak lalos in tahfwelah na in luhngse lohng, ac in ahkuhtweyac ma yohk srihpac ke mwe lutlut sacn.
OREK FUHKAH:
-
Pihrihk nuhnak ac kahsruh mwet suc lohng an in engan in tahfwelah na in lutlut. Orekmakihn kihsen siyuck ma ac kahsruh mwet suc lohng an in nuhnkuh yohk kac, ac oruh elos in luhngse in tahfwelah na in lutlut.
-
Ahkuhtweyac wo sie mwe lutlut ac siyuck kihsen siyuck. In oruh mwet suc lohng kom an in luhlahlfongi ke ma kom ahkuhtweyac an, orekmakihn kihsen siyuck ma kuh in ahkkahlwemye kahlwem mwe lutlut yohk ke sie mwe sramsram ma kom ahkuhtweyac an.
-
Ahkkahlwemye kahlwem mwe lutlut yohk srihpac. Siyuck kihsen siyuck in sramtwacack sie mwe sramsram yohk srihpac. Orekmakihn kihsen siyuck in kalweni tukun sramsramkihnyuck sie mwe lutlut yohk srihpac, kuh meet liki na pacl se ma kom ac ahksahfyelah mwe sramsram lom an.
