ပတပာ်ဘၣ်. ယဟိဝၤပှၤအုၣ်အသးတဖၣ်န့ၣ် တပာ်တၢ်ဆံဆဲၣ်ပူတပူဘၣ်. ပတၢ်ဖံးတၢ်မၤန့ၣ် ဘၣ်တၢ်မၤစၢၤဆီၣ်ထွဲအီၤလၢ ပှၤဟ့ၣ်တၢ်ဖိလၢ တပာ်ဖျါအမံၤတဖၣ် အတၢ်သးအိၣ်တၢ်မၤဘူၣ်လီၤ. တၢ်ဆံဆဲၣ်ပူတပူန့ၣ် မ့ၢ်မနုၤလဲၣ်, ဒီးဘၣ်မနုၤအဃိ ယဟိဝၤပှၤအုၣ်အသးတဖၣ် တပာ်တၢ်ဆံဆဲၣ်ပူတပူလဲၣ်.

 တၢ်မၤလိာ်လၢ ကဘၣ်ဟ့ၣ်တၢ်ဆံဆဲၣ်ပူတပူ, မ့တမ့ၢ် ပှၤတဂၤကဘၣ်ဟ့ၣ်တၢ်ဆံဆဲၣ်ပူတပူလၢ တၢ်လၢအိၣ်ဒီးအီၤအကျါန့ၣ် မ့ၢ်တၢ်မၤလိာ်တမံၤလၢ ဘၣ်တၢ်ဟ့ၣ်တ့ၢ် လၢပျၢၤပှၤအံၣ်စရ့လးဖိတဖၣ်လီၤ. ဘၣ်ဆၣ်, လံာ်စီဆှံပာ်ဖျါလီၤတံၢ်ဝဲလၢ တၢ်မၤလိာ်လၢပာ်ဃုာ်ဒီး ‘တၢ်ဟံးန့ၢ်တၢ်ဆံဆဲၣ်ပူတပူ’ န့ၣ်တမ့ၢ်လၢၤလၢခရံာ်ဖိတဖၣ် ကဘၣ်မၤထွဲအဂီၢ်ဘၣ်.—ဧ့ၤဘြံၤ ၇:၅, ၁၈; ကလီးစဲ ၂:၁၃, ၁၄.

 လၢတၢ်ဃ့တၢ်ဆံဆဲၣ်ပူတပူ ဒီးတၢ်ဟ့ၣ်လုၢ်ထီၣ်တၢ်အလီၢ်န့ၣ် ယဟိဝၤပှၤအုၣ်အသးတဖၣ် ကွၢ်လိမၤဒိးဝဲ ခရံာ်ဖိလၢညါတဖၣ် ဒီးမၤစၢၤဆီၣ်ထွဲ အဝဲသ့ၣ်အတၢ်သးခုကစီၣ် တၢ်မၤလၢ ကျဲခံမံၤလီၤ. တၢတမံၤ, ခီဖျိစံၣ်တဲၤတဲလီၤတၢ် ဒီးသိၣ်လိတၢ်လၢ တလိၣ်ဟ့ၣ်ဘၣ်အီၤအဘူးအလဲ ဒီးခံမံၤတမံၤ ခီဖျိဟ့ၣ်တၢ်မၤဘူၣ်လၢ တၢ်သးအိၣ်လီၤ.

 လၢတၢ်န့ၣ်အဃိ, ပမၤထွဲလံာ်စီဆှံအတၢ်နဲၣ်လိ ခရံာ်ဖိတဖၣ်လၢ “ပှၤတဂၤဒီးတဂၤ, ဒ်အတိာ်ဝဲလၢ အသးကံၢ်ပူၤအသိးန့ၣ်, တမ့ၢ်ဘၣ်လၢ တၢ်သးအုးဒီးတၢ်မၢဆူၣ်ဘၣ်ဒီး, မ်အဟ့ၣ်တၢ်ကိးဂၤဒဲးတက့ၢ်.”—၂ ကရံၣ်သူး ၉:၇.