ကစၢ်ယွၤန့ၣ် မ့ၢ်ယွၤသၢဂၤတဂၤဃီဧါ.
လံာ်စီဆှံတဲဝဲဒ်လဲၣ်
ခရံာ်ဖိအါတက့ၢ်န့ၣ် နာ်ဝဲ ယွၤသၢဂၤတဂၤဃီ ဘၣ်ဆၣ် လံာ်အဲၣ်စဲကလိၣ်ဖံဒံယါ ဘရံးထနံၣ်ကၣ် (Encyclopædia Britannica) တဘ့ၣ်န့ၣ်တဲဝဲလၢ “တၢ်သိၣ်လိဘၣ်ဃးဒီး ယွၤသၢဂၤတဂၤဃီန့ၣ် ဟဲအိၣ်ထီၣ်ဝဲကယီကယီလၢ အနံၣ်လၢအကယၤတဖၣ်အတီၢ်ပူၤ ဒီးဖဲပှၤကဒုးအိၣ်ထီၣ် တၢ်သိၣ်လိအံၤအခါ ပှၤတဲအါလိာ်သးအဘျီအါမး . . . ဘၣ်ဆၣ် တၢ်ကတိၤလၢ အမ့ၢ်ယွၤသၢဂၤတဂၤဃီမ့ၢ်ဂ့ၤ, တၢ်သိၣ်လိဘၣ်ဃးဒီး ယွၤသၢဂၤတဂၤဃီမ့ၢ်ဂ့ၤ တအိၣ်လၢလံာ်စီဆှံ အသီတကတြူၢ်အပူၤဘၣ်.”
အနီၢ်ကီၢ်န့ၣ် လံာ်စီဆှံတသိၣ်လိဝဲလၢ ကစၢ်ယွၤမ့ၢ် ယွၤသၢဂၤတဂၤဃီဘၣ်. ပကကွၢ်သကိးလံာ်စီဆှံအဆၢတနီၤ—
“ပကစၢ် ယဟိဝၤယွၤန့ၣ် မ့ၢ်ဝဲ ယဟိဝၤယွၤ ထဲတဂၤဧိၤလီၤ.”—၅ မိၤၡ့ ၆:၄.
“နမံၤမ့ၢ် ယဟိဝၤ ဒီးပှၤလၢ အထီကတၢၢ်လၢ ဟီၣ်ခိၣ်ဒီဘ့ၣ်ညါ အဖီခိၣ်န့ၣ် အိၣ်ထဲနၤတဂၤလီၤ.”—စံးထီၣ်ပတြၢၤ ၈၃:၁၈.
“ဒ်သိး ပှၤကန့ၢ်ဘၣ် တၢ်မူအထူအယိာ်အဂီၢ် အဝဲသ့ၣ် ကဘၣ်သ့ၣ်ညါထီၣ်နၤ လၢအမ့ၢ် ကစၢ်ယွၤ အမ့ၢ်အတီထဲ တဂၤဧိၤ ဒီးယ့ၣ်ၡူးခရံာ်လၢ နဆှၢလီၤအီၤ တဂၤန့ၣ်လီၤ.”—ယိၤဟၣ် ၁၇:၃.
“ကစၢ်ယွၤအိၣ်ဝဲ ထဲတဂၤလီၤ.”—၁ ကရံၣ်သူး ၈:၆.
မ့မ့ၢ်ဒ်န့ၣ်န့ၣ် ဘၣ်မနုၤအဃိ ခရံာ်ဖိအါတက့ၢ်န့ၣ် နာ်ဝဲယွၤသၢဂၤတဂၤဃီလဲၣ်.
You May Also Like
တၢ်သိၣ်လိလၢ အရ့ဒိၣ်တဖၣ်
ယ့ၣ်ၡူးခရံာ်န့ၣ် အကဲကစၢ်ယွၤဧါ
ယ့ၣ်ၡူးမ့ၢ်ပှၤတဂၤဃီဒီး သ့တၢ်လၢာ်ကစၢ်ဧါ မ့တမ့ၢ် အဝဲသ့ၣ်န့ၣ် တမ့ၢ်ပှၤတဂၤဃီဘၣ် ဒီးလီၤဆီလိာ်အသးဧါ.
တၢ်သံကွၢ်တဖၣ်လၢ အတၢ်စံးဆၢအိၣ်လၢ လံာ်စီဆှံပူၤ
ယ့ၣ်ၡူးန့ၣ် မ့ၢ်ကစၢ်ယွၤလၢ အသ့တၢ်လၢာ်ဧါ
ဘၣ်ဃးဒီး ကစၢ်ယွၤန့ၣ် ယ့ၣ်ၡူးတဲဝဲဒ်လဲၣ်.
လံာ်စီဆှံ အတၢ်သိၣ်လိတဖၣ်
မၤလိကွၢ် လံာ်စီဆှံဒီးပှၤ
မၤလိသကိး တၢ်မၤလိလံာ်စီဆှံ လၢတလိၣ်ဟ့ၣ်စ့ဘၣ်ဒီး ပှၤလၢအကမၤလိနၤ လံာ်စီဆှံတဂၤ.