ဘၣ်ဃးဒီး ပှၤကုၢ်ပှၤသံအစိၣ်န့ၣ် လံာ်စီဆှံတဲဝဲဒ်လဲၣ်
လံာ်စီဆှံတဲဝဲလၢ
ဘၣ်ဃးဒီး ပှၤကုၢ်ပှၤသံအစိၣ် အလုၢ်အလၢ်န့ၣ် လံာ်စီဆှံ တပာ်ဖျါထီၣ်ဝဲ လီၤတံၢ်လီၤဆဲးဘၣ်. ပှၤကဘၣ်ခူၣ်လီၤ ပှၤသံအစိၣ်ဧါ ပှၤကဘၣ်ကုၢ်ဝဲဧါန့ၣ် လံာ်စီဆှံပူၤ တအိၣ်ဘၣ်.
လံာ်စီဆှံ ပာ်ဖျါထီၣ်ဝဲလၢ ကစၢ်ယွၤ အခ့အပှၤ လၢအသးတီတဖၣ် ခူၣ်လီၤပှၤသံအစိၣ်. အဒိ စီၤအၤဘြၤဟၣ် ဂုာ်ကျဲးစၢးဝဲဒ်သိး ပှၤကခူၣ်လီၤ အမါနီၢ်စၤရါ အစိၣ်ဂ့ၤဂ့ၤ.—၁ မိၤၡ့ ၂၃:၂-၂၀; ၄၉:၂၉-၃၂.
လံာ်စီဆှံ ပာ်ဖျါထီၣ်ဝဲလၢ ပှၤတီပှၤလိၤ လၢညါတဖၣ် ကုၢ်ဝဲပှၤသံအစိၣ်. အဒိ ဖဲပှၤအံၣ်စရ့လးဖိ အစီၤပၤစီလူး ဒီးအဖိခွါသၢဂၤန့ၣ် သံဝဲလၢတၢ်ဒုးပျီအခါ အဝဲသ့ၣ်အစိၣ် အိၣ်တ့ၢ်လၢ တၢ်ဒုးပျီအပူၤ. ဒီးဖဲပှၤအံၣ်စရ့လးဖိ လၢအသးတီတဖၣ် နၢ်ဟူဝဲလၢ ဒုၣ်ဒါတဖၣ်မၤဝဲ စီၤစီလူးဒီးအဖိခွါအစိၣ် လၢတၢ်တပာ်ကဲဘၣ်အပူၤခါ အဝဲသ့ၣ် လဲၤဟံန့ၢ်က့ၤဝဲ စီၤစီလူးဒီးအဖိခွါအစိၣ် ဒီးဟဲက့ၤကုၢ်ထီၣ်ဝဲ ဝံၤဒီး အဃံလၢ အအိၣ်တ့ၢ်တဖၣ်န့ၣ် အဝဲသ့ၣ်ခူၣ်လီၤကွံာ်ဝဲ. (၁ ၡမူၤအ့လး ၃၁:၈-၁၃) အဃိ လံာ်စီဆှံ ပာ်ဖျါထီၣ်ဝဲလၢ ပှၤကုၢ် စီၤစီလူးဒီးအဖိခွါသၢဂၤ အစိၣ်ဒ်အံၤန့ၣ် ကြၢးဝဲဘၣ်ဝဲလီၤ.—၂ ၡမူၤအ့လး ၂:၄-၆.
တၢ်နၢ်ပၢၢ်ကမၣ် ဘၣ်ဃးဒီး ပှၤကုၢ်ထီၣ် ပှၤသံအစိၣ်အဂ့ၢ်
တၢ်နၢ်ပၢၢ်ကမၣ်– ပှၤမ့ၢ်ကုၢ်ပှၤသံအစိၣ်န့ၣ် အလီၤဂာ်ဒ်သိးဒီး ပှၤတပာ်ကဲ ပှၤတဂၤန့ၣ် အစိၣ်ဘၣ်.
တၢ်မ့ၢ်တၢ်တီ– လံာ်စီဆှံတဲဝဲလၢ ပှၤမ့ၢ်သံန့ၣ် အကဲထီၣ်ဟီၣ်ခိၣ်ကမူၣ်အဃိ ပှၤသံအစိၣ်န့ၣ် လီၤအုၣ်လီၤကျၣ် ဒီးက့ၤကဲထီၣ်ကဒါက့ၤ ဟီၣ်ခိၣ်ကမူၣ်. (၁ မိၤၡ့ ၃:၁၉) ဘၣ်ဆၣ် မ့မ့ၢ်ပှၤကုၢ်ထီၣ် ပှၤသံအစိၣ်န့ၣ် အကဲထီၣ်ဖၣ်ဆါ မ့တမ့ၢ် ဟီၣ်ခိၣ်ကမူၣ် ချ့န့ၢ်ဒံး ပှၤခူၣ်လီၤပှၤအစိၣ်.
တၢ်နၢ်ပၢၢ်ကမၣ်– လၢပျၢၤန့ၣ် ပှၤလၢကစၢ်ယွၤ မ့ၢ်တဘၣ်သးအီၤတဖၣ်မၣ် ပှၤကုၢ်ထီၣ်အစိၣ်.
တၢ်မ့ၢ်တၢ်တီ– စီၤဧၤကၣ် ဒီးအဟံၣ်ဖိဃီဖိန့ၣ် တအိၣ်ဒီး တၢ်သးတီဘၣ်အဃိ ပှၤကုၢ်အဝဲသ့ၣ်အစိၣ်. (ယိၤၡူ ၇:၂၅) ဘၣ်ဆၣ် တၢ်သိၣ်တၢ်သီ တအိၣ်လၢ ပှၤကဘၣ်မၤဝဲ ဒ်န့ၣ်ဘၣ်, ပှၤကမၤဝဲ ဒ်လဲၣ်ဒ်လဲၣ်န့ၣ် ပှၤဃုထၢဝဲသ့. (၅ မိၤၡ့ ၂၁:၂၂, ၂၃) ဒ်ပသ့ၣ်ညါပာ်စၢၤအသိး ပှၤတီပှၤလိၤ စီၤယိနၤသၣ် လၢအမ့ၢ် စီၤပၤစီလူးအဖိခွါန့ၣ် ပှၤကုၢ်အစိၣ်စ့ၢ်ကီးလီၤ.
တၢ်နၢ်ပၢၢ်ကမၣ်– ပှၤသံအစိၣ်လၢ ပှၤကုၢ်ထီၣ်ဝဲန့ၣ် ကစၢ်ယွၤ မၤသမူထီၣ်ဝဲ တသ့လၢၤဘၣ်.
တၢ်မ့ၢ်တၢ်တီ– ပှၤသံအစိၣ်တဖၣ် ပှၤမ့ၢ်ခူၣ်လီၤဝဲမ့ၢ်ဂ့ၤ, ကုၢ်ဝဲမ့ၢ်ဂ့ၤ, မ့ၢ်လီၤဘျၢလၢ ပီၣ်လဲၣ်ပူၤမ့ၢ်ဂ့ၤ, ဆၣ်ဖိကီၢ်ဖိ မ့ၢ်အီၣ်ကွံာ်ဝဲမ့ၢ်ဂ့ၤ ကစၢ်ယွၤ မၤဂဲၤဆၢထၢၣ် သမူထီၣ်က့ၤဝဲ သ့ခဲလၢာ်လီၤ. (လီၣ်ဖျါ ၂၀:၁၃) သ့တၢ်လၢာ်ကစၢ်န့ၣ် တ့ထီၣ်ကဒါက့ၤ ပှၤတဂၤ အနီၢ်ခိက့ၢ်ဂီၤ သ့ညီညီဖိလီၤ.—၁ ကရံၣ်သူး ၁၅:၃၅, ၃၈.
You May Also Like
တၢ်သံကွၢ်တဖၣ်လၢ အတၢ်စံးဆၢအိၣ်လၢ လံာ်စီဆှံပူၤ
ဖဲပသံဝံၤအလီၢ်ခံ တၢ်ကမၤအသးဒီးပှၤဒ်လဲၣ်
ပှၤလၢအသံန့ၣ် တၢ်ကဲထီၣ်အသးလၢ အခိၣ်အဃၢၤဒ်လဲၣ်န့ၣ် အသ့ၣ်ညါဝဲဒံးဧါ.
ESSENTIAL BIBLE TEACHINGS
ဖဲပှၤသံအခါ တၢ်ကမၤအသးဒီးအဝဲသ့ၣ်ဒ်လဲၣ်.
လံာ်စီဆှံတဲပာ်စၢၤဝဲလၢ ပှၤသံအါဂၤကဂဲၤဆၢထၢၣ် သမူထီၣ်က့ၤ, ဒ်စီၤလါစရူးဂဲၤဆၢထၢၣ် သမူထီၣ်က့ၤအသိး.
ဘၣ်ဃးဒီးပှၤ
တီၣ်ထီၣ်တၢ်ဂ့ၢ် လၢပှၤကလဲၤအိၣ်သကိးနၤအဂီၢ်
တဲသကိး လံာ်စီဆှံ မ့တမ့ၢ် ဃုသ့ၣ်ညါအါထီၣ် ယဟိဝၤပှၤအုၣ်အသးအဂ့ၢ်.