ယွၤအဘီအမုၢ်န့ၣ် မ့ၢ်တၢ်မနုၤလဲၣ်.
ပှၤအါဂၤန့ၣ် ဃ့ဘါထုကဖၣ်လၢ ယွၤအဘီအမုၢ် ကဟဲဝဲအဂီၢ်လီၤ. ဘၣ်ဆၣ် ယွၤအဘီအမုၢ်န့ၣ် မ့ၢ်တၢ်မနုၤလဲၣ် ဒီးကမၤန့ၢ်ပှၤ တၢ်မနုၤလဲၣ်န့ၣ် မ့ၢ်နဆိကမိၣ်ဘၣ် တဘျီဘျီဧါ.
လံာ်စီဆှံတဲဝဲဒ်လဲၣ်–
ယွၤအဘီအမုၢ် မ့ၢ်တၢ်မနုၤလဲၣ်.
ယွၤအဘီအမုၢ်န့ၣ် မ့ၢ်မူခိၣ်တၢ်ပၢတၢ်ပြးတခါ ဒီးယ့ၣ်ၡူးခရံာ်ကပၢတၢ် ဒ်စီၤပၤတဂၤအသိးလီၤ.—ယၡါယၤ ၉:၆, ၇; မးသဲ ၅:၃; လူၤကၣ် ၁:၃၁-၃၃.
ယွၤအဘီအမုၢ် ကမၤလၢထီၣ်ပှဲၤထီၣ်ဝဲ တၢ်မနုၤလဲၣ်.
ယွၤအဘီအမုၢ်န့ၣ် ကမၤကတၢၢ်ကွံာ် တၢ်အၢတၢ်သီခဲလၢာ် ဒီးကဒုးအိၣ်ထီၣ်ဝဲ တၢ်ဃူတၢ်ဖိး လီၤထူလီၤယိာ် လၢပှၤဟီၣ်ခိၣ်ဖိအဂီၢ်လီၤ.—ဒၤနံးယ့လး ၂:၄၄; မးသဲ ၆:၁၀.
ဃုဆိယွၤအဘီအမုၢ် အခီပညီမ့ၢ်မနုၤလဲၣ်.
ဃုဆိယွၤအဘီအမုၢ်န့ၣ် အခီပညီမ့ၢ်ဝဲ ပကဘၣ်ဆီၣ်ထွဲ ယွၤအဘီအမုၢ် ဒီးနာ်လၢ ကစၢ်ယွၤကသူဝဲ အဘီအမုၢ်အံၤ ဒ်သိးကမၤလၢထီၣ်ပှဲၤထီၣ်ဝဲ အတၢ်ဘၣ်သးလၢမူခိၣ် ဒီးလၢဟီၣ်ခိၣ်ချၢလီၤ.—မးသဲ ၆:၃၃; ၁၃:၄၄.