ပတၢ်ဘၣ်တ့ကစၢ်လၢ အပှဲၤဒီးတၢ်အဲၣ်တၢ်ကွံန့ၣ် သးအိၣ်ပှၤနီၢ်ကီၢ်
၁. ပတၢ်ဘၣ်တ့ကစၢ် မၢအမုၢ်ဟဲထီၣ်
လၢဟီၣ်ခိၣ်တဖျၢၣ်အံၤအပူၤ မုၢ်တၢ်ကပီၤ မ့ၢ်တအိၣ်ဘၣ်န့ၣ် တၢ်တမံၤဂ့ၤတမံၤဂ့ၤ အိၣ်မူတသ့ဘၣ်. မုၢ်အတၢ်ကပီၤန့ၣ် မၤစၢၤဝဲ သ့ၣ်တဖၣ်ကဒိၣ်ထီၣ်, ဖီကမဲထီၣ်, တၤသူတၤသၣ် ဒီးတၢ်ချံတၢ်သၣ်တဖၣ် ကဖျိထီၣ်န့ၣ်လီၤ. တကးဒံးဘၣ် သ့ၣ်တဖၣ်အဂံၢ်န့ၣ် ထုးန့ၢ်ဝဲထံအိၣ်လၢ ဟီၣ်ခိၣ်လာ်လီၤ. ဝံၤသ့ၣ်အဂံၢ်န့ၣ် ဆှၢထီၣ်ဝဲထံလၢ သ့ၣ်အလၣ်တဖၣ်အအိၣ် ဒီးအတၢ်သဝံတဖၣ် ဟးထီၣ်က့ၤလၢ ကလံၤကျါန့ၣ်လီၤ.
၂. ပတၢ်ဘၣ်တ့ကစၢ် မၢတၢ်ဟဲစူၤလီၤ
ကစၢ်ယွၤဒုစူၤလီၤဝဲမူခိၣ်စူၤထံ ဒ်သိးကမၤစၢၤဝဲဟီၣ်ခိၣ်လၢ ကဒုးမဲထီၣ်တၢ်အီၣ်တၢ်အီ လၢပကအီၣ်ဘၣ်အဂီၢ်န့ၣ်လီၤ. ကစၢ်ယွၤ ဒုးစူၤလီၤဝဲမူခိၣ်စူၤထံ လၢမူခိၣ်, ဒီးဒုးသၣ်ထီၣ်တၤသူတၤသၣ် ဘၣ်ဆၢဘၣ်ကတီၢ်, အဝဲဟ့ၣ်ပှၤတၢ်အီၣ်တၢ်အီ, ဒီးမၤပှဲၤပသးလၢ တၢ်သူၣ်ဖှံသးညီန့ၣ်လီၤ.
၃. ပတၢ်ဘၣ်တ့ကစၢ်ဟ့ၣ်လီၤပှၤ တၢ်အီၣ်တၢ်အီဒီး တၢ်ကူတၢ်သိး
ဟံၣ်ခိၣ်တဖၣ် ဘၣ်ကိၢ်ဘၣ်ဂီၤဝဲ မ့ၢ်အဟံၣ်ဖိဃီဖိန့ၣ် ဒိးန့ၢ်ဘၣ်တၢ်အီၣ်တၢ်အီဒီး တၢ်ကူတၢ်သိးသ့ၣ်တဖၣ် လၢပှဲၤဧါန့ၣ်လီၤ. ပာ်သူၣ်ပာ်သး လံာ်စီဆှံတဆၢ တဲဝဲလၢ “ကွၢ်ထိၣ်ဖိလံၣ်ဖိလၢ တၢ်ဖးဖီန့ၣ်တက့ၢ်. အဂ့ၢ်ဒ်အံၤ, တဖှံတၢ်ဘၣ်, တကူးဘၣ်တၢ်ဘၣ်, တဂၢ်ဖှိၣ်တၢ်လၢ သိၣ်ပူၤဖီပူၤဘၣ်. ဒီးသုပၢ်အိၣ်လၢ မူခိၣ်န့ၣ် လုၢ်အီၣ်လုၢ်အီအီၤလီၤ. သုဝဲဒၣ်အံၤ သုဂ့ၤန့ၢ်အီၤဒိၣ်ဒၣ်တၢ်တက့ၢ်, တမ့ၢ်ဘၣ်ဧါ.”—မးသဲ ၆:၂၅, ၂၆.
“တၢ်လၢဖီဒ့ၣ်ညါအိၣ်လၢ တၢ်ပျီပူၤအံၤ မ့ၢ်အဒိၣ်ထီၣ် ဒ်လဲၣ်ဒ်လဲၣ်န့ၣ် ဆိကမိၣ်တက့ၢ် . . . ;ဘၣ်ဆၣ်ဒီး, ယစံးဘၣ်သု, လၢ [စီၤပၤ] စီၤၡလိၤမိၤအိၣ်ဒီး အကဟုအကညီၢ်ခဲလၢာ်န့ၣ် တကူတသိးဘၣ်ဂ့ၤ ထဲသိးဒီး ဖီဒ့ၣ်ညါအံၤ နီတဖိးဘၣ် . . . ယွၤမ့ၢ်ဒုးကူဒုးသိးနီၣ်ဧိၤမံၤဧိၤ လၢတၢ်ပျီပူၤထဲထဲန့ၣ် . . . ကဒုးကူဒုးသိးသုအါန့ၢ် အန့ၣ်တက့ၢ်, တမ့ၢ်ဘၣ်ဧါ.”—မးသဲ ၆:၂၈-၃၀.
ဒ်ကစၢ်ယွၤ ကတဲာ်ကတီၤန့ၢ်ပှၤ တၢ်အီၣ်တၢ်အီ ဒီးဒုးကူဒုးသိးပှၤအသိး ပနာ်သ့သပှၢ်ကတၢၢ်လၢ အကဟ့ၣ်ပှၤတၢ်လၢ ပလိၣ်ဘၣ်တဖၣ်သ့ဝဲန့ၣ်လီၤ. ပမ့ၢ်ပာ်ဆိကစၢ်ယွၤအတၢ်ဘၣ်သးန့ၣ် အကဆိၣ်ဂ့ၤ ပတၢ်ထဲးဂံၢ်ထဲးဘါလၢ ပသူၣ်အီၣ်တၢ် မ့တမ့ၢ် အကမၤစၢၤပှၤလၢ ပဃုတၢ်မၤကန့ၢ် ဒီးပှ့ၤတၢ်လၢပလိၣ်ဘၣ်တဖၣ်န့ၣ်လီၤ.—မးသဲ ၆:၃၂, ၃၃.
လၢတၢ်န့ၢ်အဃိ ဖဲပထံၣ်ဘၣ် မုၢ်အတၢ်ကပီၤ, တၢ်စူၤထံ, ထိၣ်ဖိလံၣ်ဖိ ဒီးဖီဖိတဖၣ်အခါ ပအိၣ်ဒီးတၢ်ဂ့ၢ်အါမံၤလၢ ပကြၢးအဲၣ်ဆၢက့ၤကစၢ်ယွၤလီၤ. တၢ်ဂ့ၢ်လၢခံတခါန့ၣ် ပကတဲသကိး ပတၢ်ဘၣ်တ့ကစၢ်န့ၣ် ဆဲးကျိာ်ဒီးပှၤဒ်လဲၣ်န့ၣ်လီၤ.