BENO TATAMANA KUKENGA!
Kubuelama ya tiya ya ngolo na yinza ya mvimba—yinki Biblia metuba?
Na ngonda ya Juillet 2022, nsangu ya kubuelama ya tiya ya ngolo pesamaka na yinza ya mvimba:
Na kilumbu ya 25 Juillet 2022, zulunalo mosi (CNN Wire Service) tubaka: “Samu na mbala ya zole na ngonda yayi, bamfumu ya Leta ya Chine kena kuluengisa bantu ti kubuelama ya tiya ya ngolo kesalama na bambanza kana 70.”
Na kilumbu ya 17 Juillet 2022, zulunalo mosi (The Guardian) tubaka: “Lokola kitini ya nene ya Europe kele na shalere mingi, bamfinda kena kuyokana na babuala mingi”
Na kilumbu ya 4 Juillet 2022, zulunalo mosi (The New York Times) tubaka: “Na kilumbu ya Lumingu, bambanza mingi ya États-Unis vuandaka na tamperatire ya ngolo kuluta bambala yina lutaka, nzokande shalere ya ngolo bimaka ndambu ya maza yina kele na est, na bitini yankaka ya sud mpe na kizunga ya Midwest.”
Yinki mambu yango nionso kena kumonisa? Luzingu kevuanda mpasi na ntoto na bilumbu kena kuiza? Yinki Biblia metuba?
Biblia samunaka kubuelama ya tamperatire na ntoto?
Ee. Kubuelama ya tiya na yinza ya mvimba kena kundimisa mambu yina Bibila samunaka samu na bilumbu na beto. Na kifuani, Yesu samunaka ti beto kemona ‘mambu yina kepesa wonga,’ to “mambu ya yimpa mpe ya wonga.” (Luka 21:11; Good News Translation) Kubuelama ya tiya na yinza ya mvimba kena kutinda bantu babanga ti bisalu ya bantu kesala ti luzingu vuanda mpasi na ntoto na bilumbu kena kuiza.
Bantu kezinga diaka ve na ntoto?
Ve. Nzambi salaka ntoto samu bantu zinga kuna samu na mvimbamvimba. (Nkunga 115:16; Longi 1:4) Na kisika ya kubika nzila na bantu babebisa ntoto, yandi ‘kebebisa bantu yina kena kubebisa ntoto,’ mutindu yandi lakaka yau.—Kusonga 11:18.
Beto tadila kaka bambikudulu zole yina kena kumonisa mambu yina Nzambi kesala samu na ntoto:
‘Dezere mpe ntoto ya kuyuma keyangalala, mpe ntoto ya zelozelo kevuanda na kiese mpe yakebimisa bafololo lokola safran.’ (Yezaya 35:1) Nzambi kebika ve ti ntoto kuma lokola dezere yina kevuanda ata na kisemua mosi ve, kasi yandi kebongisa bisika mingi ya ntoto yina bebisamaka.
‘Nge ketaninaka ntoto, nge kesala ti yabuta bima mingi mpenza, mpe yakekuma na kimvuama mingi.’ (Nkunga 65:9) Na lusakumunu ya Nzambi, ntoto kekuma paradiso.
Samu na kuzaba mambu mingi na yina metadila mutindu kusoba ya klima kena kukokisa mbikudulu ya Biblia, tanga disolo “Kusoba ya klima mpe luzingu na beto na bilumbu kena kuiza—Yina Biblia metuba.”
Samu na kuzaba mambu mingi na yina metadila nsilulu ya Biblia mutindu ntoto kebonga, tala disolo “Qui sauvera la terre?”
Tala diaka...
MAMBU YANKAKA
Kubeba ya klima—Biblia lenda sadisa nge nge kangila yau ntima?
Malongi ya Biblia lenda sadisa nge tekila kisumbula yina kebimaka na kubeba ya klima salama, na ntangu yamesalama, mpe na manima na yau.
BAMVUTU NA BIUVU YA BIBLIA
Yinki kele kidimbu ya “bilumbu ya nsuka” to ya “ntangu ya nsuka”?
Biblia samunaka mambu mingi yina kana yakena kusalama nzila mosi, yakevuanda “kidimbu” samu na kuzaba bilumbu ya nsuka.
ESSENTIAL BIBLE TEACHINGS
Samu na yinki Nzambi semaka ntoto?
Yinza na beto kele ya kufuluka na bima ya kitoko. Distance yina mekabula yau na muini kele mpenza ya kufuana, yatuluaka na angle mosi ya mbote, mpe yakebalukaka na vitesi ya mbote. Samu na yinki Nzambi bimisaka ngolo nionso yina samu na kusala ntoto?
MAMBU YANKAKA
Kusoba ya klima mpe luzingu na beto na bilumbu kena kuiza—Yina Biblia metuba
Mvangi na beto ketudilaka ntoto mpe bantu yina kezingaka kuna dikebi?
MALONGI YA BIBLIA
Meka ndongokolo na beto ya Biblia
Banda ndongokolo ya Biblia ya ofele na wola mpe kisika yina nge kepona.
