Ekolo mvu wa 2023 uyantikidi, yeto awonso tuna ye vuvu vo e zingu kieto ye kia esi nzo zeto kiambote kikila. Ekuma tufwete kadila ye vuvu kiaki?

 E Bibila kina ye nsangu zambote. E mpasi tunwananga zau za kolo kiandwelo, fioti kaka fisidi zifokoka. Dia ludi vo e Bibila kiasonekwa “muna kutulonga, kimana . . . muna lufiaulwisu lwa Sono, twakala ye vuvu.”—Roma 15:4.

•   Muna zaya diaka mayingi mu kuma kia nsilu mina muna Bibila, tanga e longi “Vuvu Kiasikila kia Kusentu.”

 E vuvu kiyikwanga muna Bibila “kina nze mbwa a nzaza a mioyo mieto” (Ayibere 6:19) E vuvu kiaki kikutusadinsanga mukala ye tezo ye zingu kiasikila. Kikutusadisanga mu zizidila e mpasi, kala ye ngindu zasikila yo solola e kiese kiakieleka. Muna bonga e nona:

•   Tala una e nsilu mia Bibila miasadisila muntu wakala se mbundu a nua malavu mankolwa. Tala e video ina yo ntu a diambu Kiazolanga Diaka Mpil’a Zingu Kiame Ko.

•   Tala una e nsilu mia Bibila milenda kutusadisila vava tufwilwanga. Tala e video Lufiaulwisu kwa Awana Bafwidilu.

 Wantu ayingi bevingilanga vo o mambu toma metoma, kansi ke bena ye ziku ko vo e diadi vangama divangama. Kansi e nsilu mia Bibila miaswaswana. Ekuma? Kadi e nsilu mia Bibila kwa Yave wa Nzambi a “ona kalendi vuna ko” miatuka. (Tito 1:2) Yave kaka una ye lendo kia lungisa e nsilu miandi miawonso. “Yave ovanganga mawonso kazolele.”—Nkunga 135:5, 6.

 Tulombele wa longoka diaka mayingi mu kuma kia nsilu mina muna Bibila yo kala ye zingu kiambote. Olenda kumika e vuvu kiaku muna nsilu mia Bibila muna “toma fimpa e Sono.” (Mavangu 17:11) Muna wo vanga, yantika longoka e Bibila mu ngovo muna lusadisu lwa muntu ankaka. Kala ye vuvu kia kusentu muna yantika o mvu wa 2023 mu mpila yambote!