Суу ысыткан бөлмөдө жумушчу түтүктөрдү жылуулап жатат.

Жумушчулар чайынмалардын дубалына карапа такта чаптап жатышат.

Жумушчу имаратты чагылгандан коргоочу системанын бир бөлүгү болгон чубалгыларды орнотууда. Анын коопсуздук куру чатырга бекем бекитилген.

Жумушчулар терезелерди жууп, плёнка чаптаганга даярдап жатышат. Плёнкалар кимдир бирөө айнекти сүзүп алып, жараат албашы үчүн чапталат.

Жумушчу дренаждык системаны колдонууга даяр же даяр эмес экенин билиш үчүн видеокамеранын жардамы менен текшерип жатат.

Жумушчулар ар кандай максатта колдонула турган имараттын ички дубалын жыгач менен каптап жатышат. Ал имарат ашкана, кеңешме залы катары колдонулат. Ошондой эле ал жерде ар кандай иш-чаралар да өткөрүлүп турат.

Жашылдандыруу тобундагылар тирөөч дубалды бойлой ошол аймакка мүнөздүү бадалдарды отургузуп жатышат.

Имараттын сыртындагы дубал жумуштарын кылгандар француз балконунун тосмо терезелерин орнотуп жатышат. Мындай тосмолор тургундарды коргогондон тышкары, жарыктын, таза абанын киришине шарт түзөт.

Электриктер кабылдаманын кире беришине жарыктандыргычтарды орнотуп жатышат.

Жумушчу желдеткичтин бөлүктөрүн темир кескен электр кайчы менен кесип жатат.

Жашылдандыруу тобундагылар жана сырткы жумуштарды кылгандар бак отургузуп, жанжолдорду даярдап жатышат. Сол жакта ашкана, кеңешме залы катары колдонула турган жана ар кандай иш-чаралар өтө турган имарат көрүнүп турат. Ары жакта болсо A турак үйү көрүнүп турат.

Инженер өрт чыкканда дароо суу сээп өчүрө турган системанын бир бөлүгүн орнотуп жатат.

Жашылдандыруу тобундагылар көк шибердин уругун себиш үчүн жерди даярдап жатышат. Ары жакта сырткы терезелер жуулуп жатат. Суу терезелерге сабы узун шайман аркылуу жеткирилет.

Соңку жумуштарды кылгандар полду бир деңгээлде түздөй турган суюктук менен иштеп жатышат. Алар атайын шайман менен ал суюктукту жылмалап, ал эми щетка менен көбүкчөлөрдү жок кылып жатышат.

Соңку жумуштарды кылгандар ашкана, кеңешме залы катары колдонула турган, ар кандай иш-чаралар өтө турган имаратка винил полун төшөп жатышат. Сахна жайгаша турган жердеги дубалдын жарымына үндү жутуп ала турган панелдер орнотулган. Аларга болсо телевизорлор бекитилген.

Жыгач уста видеостудиянын бир бөлүгү болгон гримдөө бөлмөсүнүн соңку жумуштарын жасап жатат.

Жумушчулар тосмолорду кармата турган бекиткичтерди орнотууда. Ал тосмолор кеңсени ар кандай кылып өзгөртүүгө шарт түзөт.

Жалданма жумушчу видеостудияга илине турган темир фермаларды бириктирип жатат. Ал фермаларга видеокамералар жана жарыктандыргычтар бекитилет.

Түндүк тараптын жогорудан көрүнүшү. Солдо: бүтүп калган B, C, D, E турак үйлөрү. Ортодо: бүтөйүн деп калган А турак үйү жана дээрлик бүтүп калган Кеңсе имараты. Оңдо: дээрлик даяр болуп калган Түштүк өндүрүш имараты менен Түндүк өндүрүш имараты. Курулуш жүрүп жаткан жерде жашылдандыруу иштери дагы деле уланууда.

Жумушчулар кабылдаманын артында таш плиталарды төшөп жатышат. Ары жакта чатырдын алдында башка жумушчулар жаңы эле төшөлгөн плиталарды тазалап жатышат.