Ku Amérique du Sud, bantu ba makanda, ba mazu, na za nsi zazingi babâka ku sangi dia Amazonie mala na lwaza lwa hata. Buna, mu juillet 2017 Mbangi za Yehova 13 zayenda mu nzietolo mu nzari ya Maroni na mu mahata makaka ku Guyane française. Kani diawu ni die? Ni mu kwe samuna nsangu ze mu Bibila kwe bantu babâka mu ndekoso nzari yayansoni.

Ngonda yimosi ntete tabatika nzietolo’eto ya bilumbu 12, bô babansoni baketi kwenda mu nzietolo yo kubika batoko ba kubika. Winsley têle ti: “Bayizi tu longesa misamu mitariri tizunga tiango, bayizi tu hana mpe mitieno na malongi matubakisa mu tomo kubama.” Muna muntu tido tiabâ na mfulu yi batiotesaka (hamac) na moustiquaire bamuhana. Nzietolo zole taketi sa mu mupepe na ntangu yayingi mpe taketi yôkesa mu bwatu.

Ngano mpangi zi basola mu sa nzietolo bwe zamona? Claude na Lisette, bê na mvula yôka 60 bayizi tambula mu kwenda. Claude têle ti: “Nsayi yayingi yeri nani, kâ na mwa bunkuta mpe. Mbo ndieri vulu wâka ti titari tia Maroni tia nkatika tia mbi tieri.” Lisette musamu wakaka weri mu tâka bukunta. Têle ti: “Yula ndieri tiyulaka ti bwe naketi sa mu zonza zu dia amérindien.”

Mickaël mpangi yakaka yi tayenda, mabanza mpe ni mo meri nandi. Têle ti: “Ka tazaba misamu miamingi ko mu kanda dia Wayana, ntiangu nadinga mu internet misamu mitariri kanda diango ntiana zu diawu, ngatu nazaba ba samunina mu zu diawu.”

Shirley, wasa nzietolo yango na bakala diandi Johann, bayizi sa lutangu lwa mazu ma bazonzaka kûna. Têle ti: “Tayizi benda mu internet, video za jw.org kampe mu mazu mamansoni mpe tayizi baka mukanda wusongelaka bwe tulendi zonzela na bantu bakanda dia Wayana.”

Mu tilumbu tia mardi 4 Juillet, mpangi zabonga mupepe ku Saint-Laurent du Maroni mu kwenda ku Maripasoula, mwa hata die ku sangi dia Guyane.

Ha manima ma bilumbu 4, mpangi zakota bwatu bwe na moteur mu kwe samunina bantu beri bâka ku mahata meri mu ndekoso nzari ya Maroni. Roland têle ti: “Ba-Amerindiens bayizi tomo songela luzolo lwawu mu Zu dia Nzambi. Biyuvu biabingi bieri nawu, mpe bakaka beri zoloko ti tabalongesa Bibila.”

Ku hata dimosi, Johann na Shirley babwanana na bantu bole bakwelana beri ntwenia, bayizi fwilulu muntu mu kanda. Johann têle ti: “Tayizi ba songela video ya Un Amérindien trouve son Créateur, mu JW Télediffusion. Video yatomo ba simba mitima. Mu bungu ti bazolo tavutu monana, ni batuhana adresse e-mail’awu.”

Ha manima mpangi zayenda ku Antécume-Pata, ku side ya mbuka yi beri kwendaka. Mfumu-hata wahana nzila kwe Mbangi za Yehova zabâ za fwatika mu kanga mfulu zawu zi tiotaka ha mbuka ya mbote. Baye yebela mpe mu nto, ntiana bu saka bantu ba hata dio.

Mpangi zayenda mpe ku hata dia Twenké, ku baye bwana bantu bafwilulu. Éric, wumosi wa bô beri twarisaka nzietolo têle ti: “Mfumu ya kanda ‛Grand Man,’ watuhana nzila mu kwe yende ku hata buna bu tuzololo mu kwe tindisi bô bafwilulu. Kanda diandi na yandi beni bayizi tomo zolo verse za Bibila zita ba tangila mu Bibila dia zu dia Wayana. Tayizi basongela mpe video zizonzelaka mvubukulu ya ba fwa.”

Mpangi zavutu kota mupepe ku Maripasoula mu kwenda ku hata dimosi dia fioti dia Grand-Santi. Mu tilumbu tia mardi na mercredi, bayizi samunina bantu ba hata dio nsangu za Bibila. Ha manima, tilumbu tia jeudi, bayenda ku hata dia Apatou; 5 heures na ndambu bayôkesa.

Ntete tilumbu tia mansukina tia keti wa nzietolo, Mbangi za Yehova zayenda mu mahata ma Marrons, kweri bâka bantu ba Afrique beri ngamba, babanata ku Amérique du Sud, mu ntangu Suriname yeri mu lutumu lwa hata diakaka. Mbangi za Yehova zatikisa bantu babansoni ba hata ku lukutakanu lu basa mu tivula (tente). Claude têle ti: “Mitima mieto miatomo bâ mu nsayi bu tamona ti bantu babingi beri kwizaka. Mu pari tio kwa tabatikisa.” Karsten wasa nzietolo yo mbala ya ntete wayizi tâ tinzonzi mu zu dia okanisi, tieri na muntu-diambu: “Tout finit-il avec cette vie?” Lutangu lwa bantu bayiza ku lukutakanu lwa bâ 91.

Ku nsuka ya nzietolo mpangi za kâla ku Saint-Laurent du Maroni. Babansoni nkatika nsayi yeri nawu ti ba-Amérindiens batambula na nsayi yayansoni nsangu za Bibila. Bayizi tambula mikanda miamingi mpe bayizi tala video zazingi za Mbangi za Yehova.

Lisette têle ti: “Misamu mi nitâ ka nita mia baka ko mu zonzela nsayi yi namwini mu nzietolo yo.” Cindy vutulu tâ ti: “Tala ti bavutulu sa nzietolo za mpila yo, mbo nibalemberela ngatu ndienda. Mu bakula nsayi yango, fweti sa kwa nzietolo yo!”

Mpangi za sa nzietolo yo, wubaka nawu bavutu ya karila. Mickaël têle ti: “Ba kubama twena mu vutu kwa kâla!”. Winsley waye bâ ku Saint-Laurent du Maroni. Claude na Lisette, babonga nzengolo ya kwe bâ ku Apatou.