LOYEMBO 8
Yehova azali ekimelo na biso
-
1. Yehova nd’ekimelo,
Eliky’a nga’ ná yo.
Tokomibomba na nse
Ya elili na ye.
Abundelaka bato n’e,
Tokolonga nde mpo na ye.
Yehova, ndako mpenza,
Kuna bakozwa biso te.
-
2. Atako bato beboo
Bakwei pene na yo,
Kasi moyengebene,
Ye akokwea te.
Yango wana tóbanga te,
Likam’ekobɛlɛma te.
Nzamb’akobomba biso
Na nse ya mapapu na ye.
-
3. Akobatela biso
Na mitambo batye.
Na butu, nsɔmɔ’eza’ te;
Na moi mpe mbanzi te.
Tokobanga eloko te,
Epai nyonso, toza’ na ye.
Yehova nd’ekimelo,
Ye akobatela biso.
(Talá mpe Nz. 97:10; 121:3, 5; Yis. 52:12.)