Litaba ka Bukuswani ka za Bibele
Bibele ki yona buka yeabelwa hahulu kwa batu mwa lifasi kaufela, mi batu baitebuha hahulu yona. Niteñi, mukana mwaipuza kuli, ‘Ki lika mañi zeñozwi mwa buka yezibahala hahulu ye?’
Broshuwa yeli, Ki Lushango Mañi Lolufumaneha Mwa Bibele? italusa litaba ka bukuswani ka za Bibele ili zekona kumitusa kuutwisisa taba yetuna ya mwa Bibele. Broshuwa ye italusa ka bukuswani litaba zeñozwi mwa Bibele kuzwa ka nako ya pupo yebulezwi kwa liñolo la Genese kuto fita ka nako yekufiwa sepo yende hahulu ya lika zekaezahala kwapili ili yefumaneha kwa liñolo la Sinulo. Broshuwa ye inani chati yebonisa linako fone kuezahezi likezahalo za butokwa. Hape inani maswaniso amande ni lipuzo zetusa batu kunahanisisa ili za kuitusisa kwa kukalisa lipuisano.
Mubale Broshuwa yeli, Ki Lushango Mañi Lolufumaneha Mwa Bibele? fa Intaneti
Hape Mwendi Mwakona Kutabela Litaba Ze
LIITUSISO ZETUSA KWA KUITUTA BIBELE
Timana ya Mwa Bibele ya Kunyakisisa ka Zazi
Ka kuswana ni lika zeñwi za kwa moya zemuezanga zazi ni zazi, bukanyana ya Kutatuba Mañolo ka Zazi ni Zazi, inani taba ya mwa Bibele yemukona kunyakisisa ka zazi ni litaba zeñwi zetalusa ka bukuswani taba yeo.
LIITUSISO ZETUSA KWA KUITUTA BIBELE
Encyclopedia ya Litaba za Mwa Bibele
Buka ya Insight on the Scriptures inani litaba zeñata zetalusizwe ka butungi. Ki litaba zeambola ka za batu, libaka, limela, lifolofolo, likezahalo za butokwa, ni lipulelo za swanisezo zeitusisizwe mwa Bibele. Mufuta wa hatiso ye omukona kuikungela, unani lika zecwale ka limapa, maswaniso, liswanisezo, hamohocwalo ni mukoloko wa litaba ni wa mañolo.
LIITUSISO ZETUSA KWA KUITUTA BIBELE
Hatiso ya Limapa ya Litaba za Mwa Bibele
Mwa broshuwa ya “Bona Naha ye Nde” kunani limapa ni machati amañata a libaka zeshutana-shutana zebulezwi mwa Bibele, sihulu abonisa Naha ya Sepiso ka linako zeshutana-shutana.