Za Ñambekelo li ba Cimbule Mwa Butokwi Bwa Bona

NE LI ka silimo sa 49 C.E., fo Pitrosi, Jakobo, ni Joani “ba ne ba bonahala ku ba misumo” ne ba file muapositola Paulusi ni Barnabasi musebezi. Ha ne ba nze ba kutaza kwa macaba, ne ba swanela ku iyakatwa Bakreste ba ne ba shebile. (Magal. 2:9, 10) Ne ba petile cwañi musebezi wo?

Mañolo a naa ñozi Paulusi a bonisa mwa naa iyakatwela musebezi wo. Ka mutala, naa ñolezi Bakreste ba mwa Korinte kuli: “Ka za koleko ye ezezwa ba ba kenile, mwa kona ku latelela litaelo ze ne ni file liputeho za mwa Galatia. Sunda ni sunda ka lizazi la pili, yo muñwi ni yo muñwi wa mina a beye se siñwi kwatuko ku likana ni mwa swalezi, kuli ku si ke kwa ezwa likoleko ha se ni tile. Kono ha se ni tile ko, ni ka luma batu be mu babalize mwa mañolo a mina kuli ba ise mpo ya mina ya sishemo kwa Jerusalema.”—1 Makor. 16:1-3.

Mwa liñolo la hae la bubeli la naa ñolezi mizwale ba mwa puteho ya Korinte, Paulusi naa kutezi ku bulela mulelo wa koleko yeo. Naa bulezi kuli: “Ka ku likanelela, kuli za ñambekelo ze mu na ni ka nako ya cwale li ba cimbule mwa butokwi bwa bona.”—2 Makor. 8:12-15.

Paulusi ha naa ñolezi Bakreste ba mwa Roma ibato ba ka 56 C.E., batu ne se ba tisize kale koleko. Paulusi naa ñozi kuli: “Ni tuha ni ya kwa Jerusalema ku yo sebeleza ba ba kenile. Kakuli ba mwa Masedonia ni Akaya ba tabile ku ikabela za bona sina nubu ya ku tusa babotana ba ba mwahalaa ba ba kenile mwa Jerusalema.” (Maro. 15:25, 26) Hamulahonyana wa fo, Paulusi naa petile musebezi wa hae, kakuli ha naa li mwa Sesarea ili mo naa talusa ze ne ezahezi ha naa li kwa Jerusalema ili ko naa zo tamiwa, a bulelela Mubusisi wa Roma ya bizwa Felikisi kuli: “Na kutela kwa Jerusalema ku yo fa limpo za sishemo kwa sicaba sa hesu, ni ku yo fa linubu.”—Lik. 24:17.

Moya o ne ba bonisize Bakreste ba mwa linako za baapositola u talusizwe hande mwa manzwi a naa bulezi Paulusi ka za Bakreste ba mwa Macedonia. Paulusi naa bulezi kuli: “Ba tundamena ku lu kupa ka taata kuli ba fiwe tohonolo ya ku fana ka sishemo.” Muapositola Paulusi naa susuelize Bakreste ba mwa puteho ya Korinte kuli ba latelele mutala wa Bakreste ba mwa Macedonia. Naa bulezi kuli: “Mutu ni mutu a zwise ka mwa atulezi mwa pilu ya hae, isi ka lukokoto kamba ka ku hapelezwa, kakuli Mulimu u lata ya fana a tabile.” Ki nto mañi ye ne susuelize Bakreste bao kuli ba bonise moya wa bufani? Mulelo wa bona ne si feela wa ‘ku tusa ba ba kenile kuli ba fumane ze ba tokwile, kono hape ne li kuli ba bañata ba fe buitumelo ku Mulimu.’ (2 Makor. 8:4; 9:7, 12) Ni luna mwendi lu bonisanga bufani ka mabaka a swana. Ku si na ku kakanya, Jehova Mulimu u ka lu fuyaula hahulu bakeñisa moya o munde o lu bonisa ni buitomboli bo lu eza mi limbuyoti za hae li ka lu fumisa.—Liprov. 10:22.

 [Mbokisi fa likepe 9]

MO BA FANELANGA BA BAÑWI

Sina mo ne ku inezi mwa linako za muapositola Paulusi, ba bañata kacenu ba ‘beyanga se siñwi kwatuko, kamba ku buluka masheleñi a ku beya mwa tumbokisi twa linubu to tu ñozwi kuli “Musebezi wa Mwa Lifasi Kaufela.” (1 Makor. 16:2) Kweli ni kweli, liputeho li lumelanga masheleñi ao kwa ofisi ya Lipaki za Jehova ye sebeleza liputeho zeo. Hape mwa kona ku lumela linubu kwa kopano ya mulao ye itusiswa ki Lipaki za Jehova mwa naha ya mina. Kuli mu zibe kopano ya mulao ye itusiswa ki Lipaki za Jehova mwa naha ya mina, mu ñolele kwa ofisi ya mutai ye sebeleza naha ya mina. Mwa kona ku fumana keyala ya ofisi ya mutai fa sibaka sa fa Intaneti sa www.ps8318.com. Mwa kona ku lumela linubu za mina mwa linzila ze latelela:

LINUBU ZA KU FA FEELA HONAFO

• Linubu za masheleñi, lika ze pangilwe fa macwe a butokwa, kamba lika ze ñwi za butokwa ze mu na ni zona.

• Mu ñole liñolo le li bonisa kuli masheleñi kamba lika ze mu lumile ki nubu ya ku fa feela honafo.

LINUBU ZA KU FA KA TUMELELANO

• Linubu za masheleñi ze fiwa ka tumelelano ya kuli za kona ku kutiswa haiba li tokwiwa ki mufani.

• Mu buze ofisi ya mutai ye sebeleza naha ya mina mu si ka luma kale linubu za mufuta wo.

MILELO YA KU FANA

Kwandaa ku fa feela limpo, masheleñi, ni lika ze ñwi za butokwa ze mu luwile, ku na ni mifelo ye miñwi ye tusa ku zwisezapili musebezi wa ku kutaza mwa lifasi kaufela. Mifelo yeo i kolohanyizwe kwatasi. Ku si na taba ni mufelo kamba mifelo ye mu ka tabela ku itusisa, mu ñolele pili kwa ofisi ya mutai ye sebeleza naha ya mina kuli mu zibe kuli ki mifelo ifi ye li teñi mwa naha ya mina. Bakeñisa kuli milao ye ama mitelo ya shutana-shutana, ki kwa butokwa ku buza batu ba ba kona ku mi tusa ku ziba ze ñata ka za mitelo mu si ka keta kale nzila ye nde ye mu kona ku fa ka yona linubu.

Insurance: Batu ba bañwi ba kona ku lukisa kuli hamulaho wa lifu la bona, mali e ne ba bulukisanga kwa likampani ze ñwi kamba mali a bona a penshini a fiwe kwa Watch Tower Bible and Tract Society of Pennsylvania.

Liakaunti za Kwa Panga: Liakaunti za kwa panga, mapampili a bonisa mali a kalimilwe ki panga, kamba mali a penshini a bulukisanga mutu kwa panga, za konwa ku fiwa kwa Watch Tower Bible and Tract Society of Pennsylvania kuli i itusise zona, kamba mutu wa kona ku lukisa kuli ha ka shwa mali ao a fiwe kwa Watch Tower Bible and Tract Society of Pennsylvania, ili tukiso ya eza ka ku latelela milao ya panga yeo.

Ma-Stock ni Ma-Bond: Ma-stock ni ma-bond a konwa ku fiwa kwa Watch Tower Bible and Tract Society of Pennsylvania sina mpo, kamba muñaa ona wa kona ku eza tukiso ya kuli a fiwe kwa Watch Tower Bible and Tract Society of Pennsylvania ha ka timela.

Miyaho ni Ndao: Miyaho ni ndao ze konwa ku lekiswa za konwa ku fiwa sina mpo kwa Watch Tower Bible and Tract Society of Pennsylvania, mi haiba mufi u sa pila mwa miyaho yeo, wa kona ku zwelapili ku pila mwateñi ku fitela a shwa.

Gift Annuity: Gift annuity ki tukiso ya kona ku itusisa mutu ku fa mpo ya mali a mañata kwa kopano ye itusiswa ki Lipaki za Jehova kamba ku i fa lika ze ñwi ze kona ku tisa mali a mañata. Mi kabakala mpo yeo ya file, kopano i ka mu fanga mali e i lumelelani ni yena ka silimo ni silimo ku fitela a timela.

Ma-Will ni Ma-Trust: Tutu kamba mali za konwa ku fiwa kwa Watch Tower Bible and Tract Society of Pennsylvania ka ku itusisa will ye ñozwi ka mulao (pampili ye bonisa mwa batela mutu kuli libyana za hae li abelwe ha sa shwile), kamba kwa konwa ku ezwa tumelelano ye ñwi (trust agreement) ye bonisa kuli Watch Tower Bible and Tract Society of Pennsylvania i fiwange se siñwi. Trust ye tusa kopano ya bulapeli i kona ku tahisa kuli ba ba ezize tumelelano yeo ba si ke ba telanga mitelo ye miñwi.

Sina ka mo i taluseza pulelo ya kuli “milelo ya ku fana,” linubu ze cwalo li tokwa kuli mufani a lele hande. Mu buze ofisi ya mutai ye sebeleza naha ya mina mu si ka itusisa kale tukiso ya linubu za tumelelano kamba tukiso ya milelo ya ku fana. Mu swanela ku nyaka milao ya naha ya mina kamba ku buza baelezi ba za mitelo. Ka ku itusisa mifelo yeo ya ku fana ka yona, ba bañata se ba konile ku tusa mwa musebezi wa luna wa bulapeli ni wa ku tusa batu o lu sweli ku eza mwa lifasi kaufela mi ba konile ku fumana lituso ze ekezehile ka za mitelo ha ba nze ba eza cwalo.

Kuli mu utwe ze ñata, mwa kona ku ñola kamba ku lizeza luwaile kwa Ofisi ya Mubuluki wa Sikwama ka ku itusisa keyala ye bonisizwe kwatasi, kamba mwa kona ku ñolela kwa ofisi ya Lipaki za Jehova ya mwa naha ya mina.

TREASURY

Watch Tower Bible and Tract Society of Pennsylvania

P.O. Box 33459

Lusaka 10101

Telephone: +260 211 272062