Mwa Kulombwela Bakwetu Buswe
Byotudi bana ba Adama muntu mubajinji, batwe bonso tudi mu kisaka kimo. Nansha bantu ba mu kisaka byobasoñanibwe kwisanswa ne kwilēmeka, ino mu ano etu mafuku i bikomo kwisanswa. Inoko Leza wetu wa buswe kadipo usaka namino.
BINENA BISONEKWA BIJILA PA BUSWE
“Sanswa mukwenu mowisanshilwe abe mwine.”—BENE LEVI 19:18.
“Sanswai nyeke balwana nenu.”—MATEO 5:44.
LE KUSANSWA BAKWETU KUSHINTULULA BIKA?
Leza utela buswe mu 1 Bene Kodinda 13:4-7 amba:
“Buswe budi na kitūkijetyima ne kanye.”
Languluka’po bidi: Le wiivwananga namani shi bakwenu bakutūkijije mutyima kadi bekele nobe biyampe, kebakulobelapo pa bilubo byobe?
“Buswe kebudipo na mukao.”
Languluka’po bidi: Le wiivwananga namani shi bakwenu bakufwatakenya bintu bibi nansha kukukwatyilwa mukao?
Buswe “kebukimbangapo tumweno twa abo bwine.”
Languluka’po bidi: Le wiivwananga namani shi bakwenu betabija mumweno obe kadi kebakuningilapo witabije milangwe yabo?
Buswe “kebubalangapo bibi bilongelwe.”
Languluka’po bidi: Leza ulekelanga bantu bamulubīle besāsa. “Aye kakaboyapo mafuku onso tuto, nansha kwikala na nsungu.” (Ñimbo ya Mitōto 103:9) Tusangalanga shi muntu kampanda otusanshije wetulekela. Nanshi tufwaninwe netu kulekela bakwetu kitatyi kyobetusanshija.—Ñimbo ya Mitōto 86:5.
Buswe “kebusangelangapo bukondame.”
Languluka’po bidi: Shi kintu kibi kibetufikila, ketusakengapo bakwetu basangale pa mwanda wa masusu otususuka. O mwanda netu ketusangalangapo shi bakwetu basusuka nansha shi badi betususula.
Pa kweselwa na Leza, tufwaninwe kusanswa bakwetu mu ino miswelo pampikwa kubanga mobekadile. Muswelo umo muyampe otubwanya kulonga namino i kukwasha boba basakilwa bukwashi.
Tala'po Bidi ne Bino:
LANGUKAI!
Dishinda dya Būmi bwa Nsangaji—Buswe
Kusanswa ne kusanshibwa kudi na mvubu pa kwikala na nsangaji.
