Malondololo ku Bipangujo Bimanine pa Bible
Lelo na bubine Yesu wāsangwile bantu?
Yesu wāsangwile Lazalasa, wādi ke mulonge mafuku aná mu lufu
Bible unena patōkelela amba Yesu wāsangwile bantu bafwe. Ino nsekununi ke mfumopo’tu bitupu; i myanda milongeke mu bifuko ne bitatyi biyukane. Kimfwa, mu bushipo bwa mwaka wa 31 K.K., kibumbo kikatampe kyātambile na Yesu ku Kapanama kyaenda ku Neni. Abo pa kufika bātene’ko kibumbo kikwabo. Ubwanya kukulupila ino nsekununi ya lusangukilo lwālongelwe’ko, mwanda i lulembwe mu Bible Kinenwa kya Leza, kadi lwālongekele kumeso a tumoni tuvulevule.—Tanga Luka 7:11-15.
Kadi Yesu wāsangwile mulunda nandi Lazalasa, wādi ke mulonge mafuku aná mu lufu. Bine, ukokeja kwitabija uno mwanda wa Yesu wālongekele mu dino difuku mwanda wāpityile mu meso a bantu bavule.—Tanga Yoano 11:39-45.
Mwanda waka Yesu wāsangwile bantu?
Yesu wāsangwile bantu mwanda wa lusa. Kadi wālongele namino mwanda wa kulombola’mba Shandi, Umpangi wa būmi, wāmupele bukomo pa lufu.—Tanga Yoano 5:21, 28, 29.
Ino nsangukilo yālongele Yesu ilengeja tukulupile milao yandi ya mafuku a kumeso. Yesu ukasangula bantu bavule, kubadila’mo ne bakondame kebayukilepo nansha kimo kitala padi Leza wa bine. Bakapebwa mukenga wa kuyuka ne kusanswa Yehova Leza.—Tanga Bilongwa 24:15.
Tala'po Bidi ne Bino:
BIPANGUJO BYA MU BIBLE BILONDOLWELWE
Lelo Lusangukilo I Bika?
Ubwanya kutulumuka pa boba bakasangulwa mu mafuku a kumeso.
YESU—DISHINDA, BUBINE, NE BŪMI
Yesu Wasangula Mwana wa wa Kishala
Boba bamwene kingelengele baivwanije buluji bwakyo bwinebwine.
YESU—DISHINDA, BUBINE, NE BŪMI
Lazalasa Wasanguka
Myandi ibidi ya mu uno mwanda ilombola’mba enka ne balwana na Yesu kebabwanyapo kupatanya kino kingelengele.
KITEBA KYA MULAMI
Lukulupilo pa Bafwile
Bible uleta bubinga bubidi bupotoloke bwa kukulupidila mu lusangukilo.
