Ke tshivua kasumbu ka bakebuludi bafike ku diamba bilondeshile dishintuluka dia malu a mivu. Wewe witaba ne: kudi Mufuki udi utabalela bantu bonso, tshidi bamanyi aba bafike ku diamba tshidi mua kukuvuluija bintu bia bungi bidi Yehowa mufuke mu mushindu wa ne: buloba buikale budikezula.

Kadi bu mudi bantu banyangakaje buloba bikole, bidi bikengela malu a bungi bua bushalaku kashidi. Bua tshinyi mbimpe tutuishibue ne: Nzambi neenze tshienzedi bua bushalaku kashidi?

Mona mudi mvese idi mu kazubu aka itujadikila muikala buloba mua kushalaku kashidi.

• Nzambi wakafuka buloba. “Ku tshibangidilu Nzambi wakafuka diulu ne buloba.”—Genese 1:1

• Nzambi ke muena buloba. “Buloba ne bintu bionso bidipu mbia Yehowa a.”—Misambu 24:1

• Nzambi mmufuke buloba bua bushalaku kashidi. “Mmujadike buloba pa bishimikidi biabu; kabuakumbushibua pa muaba wabu kashidi ne tshiendelele.”—Misambu 104:5

• Nzambi udi ulaya ne: nsombelu nealengele pa buloba apa kashidi. “Nzambi mulelela, yeye uvua muenze buloba, . . . uvua kayi mubufuke anu bua tshianana, kadi uvua mubuenze bua bantu basombelapu.” —Yeshaya 45:18

• Nzambi mmulaye ne: bantu nebikale ne muoyo kashidi pa buloba apa. “Bantu bakane nebapiane buloba, nebasombapu bua kashidi.”—Misambu 37:29

Nzambi mmufuke buloba mu mushindu wa kuikalabu busankisha bantu kabuyi bunyanguka to. Bible ukavua muambe ne: Yehowa Nzambi neajikije tshinyangu ne buenzavi bidi bantu banyange nabi buloba.—Buakabuluibua 11:18

Bible udi utulaya ne: Nzambi neavuije buloba buetu ebu Mparadizu muimpe mulengele, neabulule tshianza tshiende bua ‘kukumbaja dijinga dia tshintu tshionso tshidi ne muoyo.’—Misambu 145:16