Misambu 105:1-45
-
Bienzedi bia Yehowa bia lulamatu kudi bantu bende
105 Elayi Yehowa tuasakidila,+ bilayi dîna diende,Manyishayi bienzedi biende munkatshi mua bukua bantu!+
2 Muimbilayi, muimbilayi misambu ya kumutumbisha nayi,*Elanganayi meji a* midimu yende yonso ya kukema.+
3 Ditumbishayi bua dîna diende dia tshijila.+
Mioyo ya badi bakeba Yehowa isanke.+
4 Kebayi Yehowa+ ne bukole buende.
Kebayi mpala wende* misangu yonso.
5 Vulukayi malu a kukema adiye muenze,Bishima biende ne mêyi a dilumbuluisha adiye muambe,+
6 Nuenu bana* ba Abalahama muena mudimu wende,+Nuenu bana ba Yakoba, bantu badiye musungule.+
7 Yeye udi Yehowa Nzambi wetu.+
Mêyi ende a dilumbuluisha adi pa buloba bujima.+
8 Udi uvuluka tshipungidi tshiende bua kashidi,+Dilaya divuaye mulaye,* kudi bipungu tshinunu bia bantu,+
9 Tshipungidi tshivuaye mudie ne Abalahama,+Ne mutshipu uvuaye muditshipe kudi Izaka,+
10 Uvuaye mujadike bu dîyi dielela YakobaNe bu tshipungidi tshia kashidi kudi Isalele,
11 Wamba ne: “Nenkupeshe buloba bua Kanâna+
Bu tshienu tshitupa tshia bumpianyi.”+
12 Bualu ebu buakenzeka pavuabu bungi bukese,+Eyowa, bakese menemene, ne bavua bantu ba ku babende mu buloba abu.+
13 Bakatambakana bumbuka ku tshisamba baya ku tshisamba tshikuabu,Bumbuka ku bukalenge bumue baya kudi bantu ba tshisamba tshikuabu.+
14 Kakanyisha bua muntu nansha umue abakengeshe to,+Kadi wakatandisha bakalenge bua bualu buabu,+
15 Wamba ne: “Kanulengi bela manyi banyi,Ne kanuenzedi baprofete banyi bualu bubi nansha.”+
16 Wakabikila tshiyole tshia nzala mu buloba;+Wakakosa bilaminu biabu bia mampa.*
17 Yeye wakatuma muntu kumpala kuabuUvuabu bapane bua kuikalaye mupika: Jozefe.+
18 Bakasuika* makasa ende ne nkanu,+Bakela nshingu wende mu milonda;*
19 Too ne tshikondo tshiakakumbana dîyi diende,+Dîyi dia Yehowa ke diakamukezula.
20 Mukalenge wakatuma dîyi bua bamusulule,+Mukokeshi wa bukua bantu wakamulekela.
21 Wakamuvuija mfumu wa nzubu wende,Mukokeshi ku mutu kua bintu biende bionso,+
22 Bua kuikala ne bukokeshi ku mutu kua* bakokeshi ba mu bukalenge buende bu muvuaye musue*Ne bua kulongesha bakulu bende meji.+
23 Pashishe Isalele wakalua mu Ejipitu,+Ne Yakoba wakasomba bu muntu wa ku babende mu buloba bua Hama.
24 Nzambi wakenza bua bantu bende balelangane bikole;+Wakenza bua balue ne bukole kupita baluishi babu+
25 Bena mioyo ivuaye mulekele ikudimuka bua kukina bantu bende,Bua kuelela bena mudimu bende tshifufu.+
26 Wakatuma muena mudimu wende Mose,+Ne Alona+ uvuaye musungule.
27 Bakenza bimanyinu biende munkatshi muabu,Bishima biende mu buloba bua Hama.+
28 Yeye wakatuma mîdima ne buloba buakalua mîdima;+Bobu kabakatombokela mêyi ende.
29 Yeye wakakudimuna mâyi abu kuluawu mashiNe wakashipa mishipa yabu.+
30 Buloba buabu buakuwula tente ne ndimba,+Too ne mu nzubu ya munda ya bakalenge.
31 Wakatumina bishi bia mabubu dîyi bua kubuela mu ditungaNe tumue mu bitupa biabu bionso bia maloba.+
32 Wakakudimuna mvula wabu kuluaye wa mabue,Wakatuma mipenyi* mu buloba buabu.+
33 Wakanyangakaja mionji yabu ya tumuma tua mvinyo ne mitshi yabu ya mfigi,Kusunsululaye mitshi ya mu tshitupa tshiabu tshia buloba.
34 Wakamba ne: mpasu ya mikumbi ibuele,Bana ba mpasu ya mikumbi bungi kabuyi kubala.+
35 Yakadia bikunyibua bionso bia mu buloba buabu,Ne yakadia bintu bivua buloba bupatule.
36 Pashishe yeye kushipa banabute babu bonso mu buloba buabu,+Ntuadijilu wa bukole buabu bua lulelu.
37 Kupatulaye bantu bende bikale ne arjan ne or;+Ne muntu nansha umue wa mu bisa biende kakalenduka.
38 Ejipitu wakasanka pavuabu bumbuke,Bualu buôwa bukole bua bualu bua Isalele* buvua bubakuate.+
39 Wakabalula ditutu bua kubajika+
Ne kapia bua kufila butoke butuku.+
40 Bakalomba, yeye kubapesha nyunyi ya tulumbu;+Wakatungunuka ne kubukutshisha ne mampa a mu diulu.+
41 Wakakangula dibue, mâyi akapatuka;+Mâyi au akapuekela mu tshipela anu bu musulu.+
42 Bualu wakavuluka mulayi wa tshijila uvuaye mulaye muena mudimu wende Abalahama.+
43 Nunku wakapatula bantu bende ne disanka dikole,+Basungula bende ne mbila ya disanka.
44 Wakabapesha maloba a bisamba;+Bakapiana bintu bivua bisamba bikuabu bikuatshile mudimu mukole bua kubipeta,+
45 Bua bobu balame mêyi ende+Ne batumikile mikenji yende.
Tumbishayi Yah!*
Note
^ Anyi pamuapa: “Akulayi bua.”
^ Anyi “mijiki.”
^ Anyi “dikalapu diende.”
^ Anyi “ndelanganyi.” Ku mua.: “dimiinu.”
^ Ku mua.: “Dîyi divuaye mutume.”
^ Ku mua.: “Wakatshibula mulangala wonso wa mampa.” Pamuapa bakula bua milangala ivuabu bakudikila mampa bua kualama.
^ Ku mua.: “Bakakengesha.”
^ Anyi “Anyima wende wakabuela mu milonda.”
^ Ku mua.: “Bua kusuika.”
^ Anyi “muvuabi bisankisha anyima wende.”
^ Anyi “ndimi ya kapia.”
^ Ku mua.: “buabu.”
^ Anyi “Aleluya!” “Yah” ntshikepeshilu tshia dîna dia Yehowa.
