Boukou proklamater servi JW Library^® pou prepar zot bann renion, ek zot kontan parski sa amenn zot direk lor bann lartik letid dan Latour Degard. Me souvan dan bann Latour Degard edision letid, ena osi bann lezot lartik ki form parti nou manze spiritiel. Kouma nou kapav servi JW Library pou rod sa bann lartik-la ek pou gagn bann bienfe ar zot?

• Alafin sak lartik letid Latour Degard, ena soutit “Lezot lartik.” Anba sa soutit-la, tap lor link “Lezot lartik dan sa nimero-la.” Reget konteni kot ena tit ek nimero sak lartik. Tap lor tit enn lartik segonder ki to anvi lir.

• Lor Paz lakey JW Library dan seksion “Ki Ena Nouvo,” sak fwa ki enn nouvo Latour Degard aparet, download li. Ouver magazinn ki to’nn download la ek get so konteni pou fer sir ki to’nn profit tou bann lartik ki ena ladan.