Leza wazumilizya icupo ca monsi nu mwanaci ankanda izipusanepusane pano antu yonsi yaya icili cimwi kuli aliwe. Baibo ikati: “Leza ataya na kasoozi pa muntu ali wensi.”—Milimo 10:34, 35.

 Uvwini ivinsinte vimwi ivya muli Baibo ivikalanda pa kulingana kwa antu ankanda izipusanepusane na pa cupo.

 Antu yonsi yafuma uku monsi wa kutandikilako Adamu na mamakwe Eva wino Baibo ikaama ukuti “nyina wa antu onsi.” (Utandiko 3:20) Pa mulandu kwene uu, Baibo ikalanda pali Leza ukuti: “Ukufuma ku muntu wenga, waumvileko imitundu yonsi iya antu.” (Milimo 17:26) Asi mulandu ni milolekele ya nkanda, antu yonsi yaya sile umu lupwa longa. Mungacita uli ndi cakuti kuno mukaikala kwaya sana kapatulula ka nkanda nanti kupusana kwa mikalile?

 Nanti icakuti Leza akazumilizya antu ankanda izipusanepusane ukutwalana, asi antu yonsi akamukolanya. (Ezaya 55:8, 9) Ndi cakuti mukulonda ukutwalana na umwi uwa nkanda ipusaneko ni inu, mwemwe na wino mukulonda ukutwalana nawe mulinzile ukulanzyanya pali vii:

•   Mungacita uli pakuti mucimvye intazi zino mulakwata uku cifulo cino mulikalako nanti kuli ya lupwa?

•   Mulazwa uli ana inu ukukanaya na kapatulula?

 ‘Ukulanzyanya’ umu musango uu kungamwazwa ukukwata icupo icisuma nupya umwaula intazi.—Mapinda 13:10; 21:5.