1. Юмылан ме курым мучко

Чот ӱшанле лийнена.

Сӧрымашым ме пуэнна —

Тудын мутшым шуктена.

Юмо деч каҥаш пайдале,

Чын ышташ эре полша.

Иегова чот ӱшанле.

Тудын дене коштына.

2. Вашлиймаште кажнылан ме

Чот ӱшанле лийнена.

Поро мут ден да паша ден

Неле годым полшена.

Икте-весым ме шке дечын

Кугураклан шотлена.

Келшымашнам вияҥдашлан

Уло вийым пыштена.

3. Вашлиймаште кугураклан

Чот ӱшанле лийнена.

Нунын дечын раш каҥашым

Вик шукташ ме тыршена.

Юмына, тыгайым ужын,

Шуко порым пӧлекла.

Лач ӱшанлым Иегова

Йӧрата да чот акла.