നിങ്ങളു​ടെ കുട്ടി​കൾക്കു വെറുതെ ഇരിക്കുന്ന സമയത്ത്‌ വീഡി​യോ കാണാ​നാ​ണോ അതോ വായി​ക്കാ​നാ​ണോ ഇഷ്ടം? അപ്പോൾ അവർ ഒരു ഫോൺ എടുക്കു​മോ, അതോ പുസ്‌തകം എടുക്കു​മോ?

 കാലങ്ങ​ളാ​യി വായന ഭീഷണി നേരി​ട്ടു​കൊ​ണ്ടി​രി​ക്കു​ക​യാണ്‌. ആദ്യം ടിവി-യിൽനിന്ന്‌, പിന്നെ വ്യാപ​ക​മാ​യി വന്ന ഓൺലൈൻ ദൃശ്യ​മാ​ധ്യ​മ​ങ്ങ​ളിൽനിന്ന്‌. എഴുത്തു​കാ​രി​യായ ജെയിൻ ഹെലി 1990-ൽ പ്രസി​ദ്ധീ​ക​രിച്ച അപകട​ത്തി​ലാ​കുന്ന മനസ്സുകൾ (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ “വായനാ​ശീ​ലം ഏതാണ്ട്‌ ഇല്ലാതാ​കുന്ന അവസ്ഥയി​ലേ​ക്കാ​ണു കാര്യങ്ങൾ പോകു​ന്നത്‌” എന്ന്‌ അഭി​പ്രാ​യ​പ്പെട്ടു.

 ആ പറഞ്ഞതു കുറച്ച്‌ കൂടി​പ്പോ​യി​ല്ലേ എന്ന്‌ അന്നത്തെ ആളുകൾ ചിന്തി​ച്ചു​കാ​ണും. പക്ഷേ ഇന്നു പത്തുമു​പ്പതു വർഷം കഴിഞ്ഞ്‌ സാങ്കേ​തി​ക​വി​ദ്യ​യു​ടെ ഉപയോ​ഗം കൂടു​ത​ലുള്ള ചില സ്ഥലങ്ങളി​ലെ വിദ്യാ​ഭ്യാ​സ​വി​ദ​ഗ്‌ധർ പറയു​ന്നത്‌, ഒരു ശരാശരി കണക്കു നോക്കി​യാൽ ചെറു​പ്പ​ക്കാർക്കു മനസ്സി​രു​ത്തി, കാര്യങ്ങൾ ഗ്രഹിച്ച്‌ വായി​ക്കാ​നുള്ള കഴിവ്‌ കുത്തനെ കുറഞ്ഞി​രി​ക്കു​ക​യാണ്‌ എന്നാണ്‌.

ഈ ലേഖന​ത്തിൽ

•  കുട്ടികൾ വായി​ക്കേ​ണ്ടത്‌ എന്തു​കൊ​ണ്ടാണ്‌?

•  കുട്ടി​ക​ളിൽ വായനാ​ശീ​ലം വളർത്താൻ എന്തു ചെയ്യാം?

•  മാതാ​പി​താ​ക്കൾ പറയു​ന്നത്‌

•   വായന ഭാവനാ​ശേഷി ഉണർത്തും. ഉദാഹ​ര​ണ​ത്തിന്‌ ഒരു കഥ വായി​ക്കു​മ്പോൾ കഥാപാ​ത്ര​ങ്ങ​ളു​ടെ ശബ്ദം, അവരെ കാണാൻ എങ്ങനെ​യി​രി​ക്കും, ചുറ്റു​മുള്ള കാഴ്‌ചകൾ എന്തൊ​ക്കെ​യാണ്‌, ഇങ്ങനെ​യുള്ള എല്ലാ വിശദാം​ശ​ങ്ങ​ളും എഴുത്തു​കാ​രൻ പറയു​ന്നി​ല്ലെ​ങ്കി​ലും അദ്ദേഹം കോറി​യിട്ട സൂചന​കൾക്കു നിറം​കൊ​ടു​ക്കേ​ണ്ടതു വായന​ക്കാ​രന്റെ ഭാവനാ​ശേ​ഷി​യാണ്‌.

   ഇതെക്കു​റിച്ച്‌ ഒരു അമ്മയായ ലോറ ഇങ്ങനെ പറയുന്നു: “നമ്മൾ ഒരു സിനി​മ​യോ വീഡി​യോ​യോ കാണു​മ്പോൾ മറ്റൊ​രാ​ളു​ടെ ഭാവന​യാ​ണു കാണു​ന്നത്‌, അത്‌ ആസ്വദി​ക്കാൻ പറ്റും. പക്ഷേ വായന​യ്‌ക്ക്‌ ഒരു പ്രത്യേ​ക​ത​യുണ്ട്‌. അതിനു മറ്റൊ​രാ​ളു​ടെ വാക്കു​കൾക്കു നമ്മുടെ മനസ്സിൽ ജീവൻ കൊടു​ക്കാൻ പറ്റും.”

•   വായന നല്ല ഗുണങ്ങൾ വളർത്തും. വായന​യി​ലൂ​ടെ, പ്രശ്‌ന​ങ്ങ​ളു​ടെ കാരണം കണ്ടുപി​ടിച്ച്‌ അതു പരിഹ​രി​ക്കാ​നുള്ള കുട്ടി​ക​ളു​ടെ കഴിവ്‌ കൂടും. കൂടാതെ, വായി​ക്കു​ന്ന​തി​നു കുട്ടി​കൾക്ക്‌ ഏകാഗ്രത വേണം. അതു ക്ഷമയും ആത്മനി​യ​ന്ത്ര​ണ​വും സമാനു​ഭാ​വ​വും പോലുള്ള ഗുണങ്ങൾ വളർത്താൻ അവരെ സഹായി​ക്കും.

   സമാനു​ഭാ​വ​മോ? അതെങ്ങനെ? ചില ഗവേഷകർ കരുതു​ന്നതു, കുട്ടികൾ സാവകാ​ശം മനസ്സി​രു​ത്തി ഒരു കഥ വായി​ക്കു​മ്പോൾ അവർ കഥാപാ​ത്ര​ങ്ങ​ളു​ടെ വികാ​ര​വി​ചാ​ര​ങ്ങ​ളെ​ക്കു​റിച്ച്‌ ചിന്തി​ക്കു​മെ​ന്നാണ്‌. മറ്റുള്ള​വ​രോ​ടു സമാനു​ഭാ​വം കാണി​ക്കാൻ അത്‌ അവരെ സഹായി​ക്കും.

•   വായന ആഴത്തിൽ ചിന്തി​പ്പി​ക്കും. ശ്രദ്ധിച്ച്‌ വായി​ക്കുന്ന ഒരാൾ എഴുത്തു​കാ​രന്റെ ചിന്ത മനസ്സി​ലാ​ക്കാൻ പറ്റുന്ന വേഗത്തി​ലാ​യി​രി​ക്കും വായി​ക്കു​ന്നത്‌. ചില​പ്പോൾ വായി​ച്ചതു പിന്നെ​യും വായി​ച്ചെ​ന്നു​വ​രാം. അങ്ങനെ ചെയ്യു​മ്പോൾ വായി​ക്കുന്ന കാര്യങ്ങൾ ഓർത്തി​രി​ക്കാ​നും അവർക്ക്‌ അതിൽനിന്ന്‌ പ്രയോ​ജനം കിട്ടാ​നും ഉള്ള സാധ്യത കൂടു​ത​ലാണ്‌.—1 തിമൊ​ഥെ​യൊസ്‌ 4:15.

   ജോസഫ്‌ എന്ന ഒരു പിതാവ്‌ ശ്രദ്ധി​ച്ചത്‌ ഇതാണ്‌: “വായി​ക്കു​മ്പോൾ വായി​ക്കുന്ന ഭാഗത്തെ ഒരു കാര്യ​ത്തെ​ക്കു​റിച്ച്‌ നമുക്ക്‌ ആഴത്തിൽ ചിന്തി​ക്കാൻ പറ്റും. അതിനെ നമുക്ക്‌ അറിയാ​വുന്ന കാര്യ​ങ്ങ​ളു​മാ​യി ബന്ധിപ്പി​ക്കാ​നും ആ ഭാഗത്തു​നിന്ന്‌ എന്തൊക്കെ പഠിക്കാ​മെന്നു മനസ്സി​ലാ​ക്കാ​നും പറ്റും. പക്ഷേ ഒരു സിനി​മ​യോ വീഡി​യോ​യോ ആണു കാണു​ന്ന​തെ​ങ്കിൽ അതു നമ്മളെ എപ്പോ​ഴും ഇരുത്തി​ച്ചി​ന്തി​പ്പി​ക്ക​ണ​മെ​ന്നില്ല.”

 ചുരു​ക്കി​പ്പ​റ​ഞ്ഞാൽ: വീഡി​യോ​കൾക്കും മറ്റു ദൃശ്യ​മാ​ധ്യ​മ​ങ്ങൾക്കും അതി​ന്റേ​തായ പ്രാധാ​ന്യ​മു​ണ്ടെ​ങ്കി​ലും വായി​ക്കു​ന്നി​ല്ലെ​ങ്കിൽ കുട്ടി​കൾക്കു ജീവി​ത​ത്തിൽ വലി​യൊ​രു നഷ്ടംത​ന്നെ​യാ​യി​രി​ക്കും സംഭവി​ക്കുക.

•   നേര​ത്തേ​തന്നെ തുടങ്ങാം. “ഞാൻ ഗർഭി​ണി​യാ​യി​രു​ന്ന​പ്പോൾമു​തൽ ഞങ്ങൾ മക്കളെ പലതും വായിച്ച്‌ കേൾപ്പി​ക്കു​മാ​യി​രു​ന്നു. അവർ ഉണ്ടായി​ക്ക​ഴി​ഞ്ഞും അതു തുടർന്നു. അതു നിറു​ത്താ​തെ ചെയ്‌ത​തിൽ ഞങ്ങൾക്കു സന്തോ​ഷ​മുണ്ട്‌. കാരണം, രസത്തി​നു​വേ​ണ്ടി​യാ​ണെ​ങ്കി​ലും വായി​ക്കു​ന്നതു പിന്നീട്‌ അവരുടെ ജീവി​ത​ത്തി​ന്റെ ഭാഗമാ​യി മാറി” എന്നാണു രണ്ടു കുട്ടി​ക​ളു​ടെ അമ്മയായ ക്ലോയ്‌ പറയു​ന്നത്‌.

   ബൈബിൾത​ത്ത്വം: ‘വിശു​ദ്ധ​ലി​ഖി​തങ്ങൾ നിനക്കു ശൈശ​വം​മു​തലേ പരിച​യ​മു​ള്ള​താണ്‌.’—2 തിമൊ​ഥെ​യൊസ്‌ 3:15.

•   വായന​യ്‌ക്കു പറ്റിയ ചുറ്റു​പാട്‌ ഒരുക്കാം. കൈ​യെ​ത്തും​ദൂ​രത്ത്‌ പുസ്‌ത​ക​ങ്ങ​ളും മാസി​ക​ക​ളും ലഭ്യമാ​ക്കി​ക്കൊണ്ട്‌ വീട്ടിൽ വായന​യ്‌ക്കു പറ്റിയ ഒരു ചുറ്റു​പാട്‌ ഒരുക്കുക. “നിങ്ങളു​ടെ മക്കൾക്ക്‌ ആസ്വദിച്ച്‌ വായി​ക്കാൻ പറ്റിയ പുസ്‌ത​കങ്ങൾ കണ്ടുപി​ടിച്ച്‌ അത്‌ അവരുടെ കട്ടിലി​ന്റെ അടുത്ത്‌ വെക്കണം” എന്നു നാലു മക്കളുടെ അമ്മയായ തമാര പറയുന്നു.

   ബൈബിൾത​ത്ത്വം: “ശരിയായ വഴിയിൽ നടക്കാൻ കുട്ടിയെ പരിശീ​ലി​പ്പി​ക്കുക; വയസ്സാ​യാ​ലും അവൻ അതു വിട്ടു​മാ​റില്ല.”—സുഭാ​ഷി​തങ്ങൾ 22:6.

•   ഇന്റർനെ​റ്റി​നു പരിധി​വെ​ക്കാം. വീട്ടി​ലാ​രും ടിവി-യോ മറ്റ്‌ ഇല​ക്ട്രോ​ണിക്‌ ഉപകര​ണ​ങ്ങ​ളോ ഉപയോ​ഗി​ക്കാ​തെ ഒരു വൈകു​ന്നേരം ചെലവ​ഴി​ക്കു​ന്നതു നല്ലതാ​ണെന്ന്‌ ഒരു അച്ഛനായ ഡാനി​യേൽ അഭി​പ്രാ​യ​പ്പെ​ടു​ന്നു. അദ്ദേഹം പറയുന്നു: “ആഴ്‌ച​യിൽ ഒരു വൈകു​ന്നേ​ര​മെ​ങ്കി​ലും ഞങ്ങൾ ടിവി കാണാതെ സ്വസ്ഥമാ​യി​രി​ക്കാ​റുണ്ട്‌. അപ്പോൾ ഞങ്ങൾ ഒറ്റയ്‌ക്കൊ​റ്റ​യ്‌ക്കോ ഒരുമി​ച്ചോ വായി​ക്കും.”

   ബൈബിൾത​ത്ത്വം: ‘കൂടുതൽ പ്രാധാ​ന്യ​മുള്ള കാര്യങ്ങൾ ഏതെന്ന്‌ ഉറപ്പു​വ​രു​ത്തുക.’—ഫിലി​പ്പി​യർ 1:10.

•   ചെയ്‌തു​കാ​ണി​ക്കാം. രണ്ടു മക്കളുടെ അമ്മയായ കരീന പറയുന്നു: “കുട്ടി​കൾക്കു വായി​ച്ചു​കൊ​ടു​ക്കു​മ്പോൾ, നിങ്ങൾ വായി​ക്കുന്ന വിധത്തി​ലൂ​ടെ​യും അതി​നോ​ടുള്ള നിങ്ങളു​ടെ താത്‌പ​ര്യ​ത്തി​ലൂ​ടെ​യും വായി​ക്കുന്ന കഥയ്‌ക്കു ജീവൻ പകരുക. നിങ്ങൾ വായന ഇഷ്ടപ്പെ​ടുന്ന ഒരാളാ​ണെ​ങ്കിൽ നിങ്ങളെ കണ്ട്‌ മക്കൾക്കും വായന​യോട്‌ ഇഷ്ടം തോന്നി​യേ​ക്കാം.”

   ബൈബിൾത​ത്ത്വം: ‘പരസ്യ​മാ​യി വായി​ക്കു​ന്ന​തിൽ അർപ്പി​ത​നാ​യി​രി​ക്കുക.’—1 തിമൊ​ഥെ​യൊസ്‌ 4:13.

 എല്ലാ കുട്ടി​ക​ളും വായന ഇഷ്ടപ്പെ​ടു​ന്ന​വ​രാ​ക​ണ​മെ​ന്നില്ല. എങ്കിലും നിങ്ങൾ കൊടു​ക്കുന്ന പ്രോ​ത്സാ​ഹനം മക്കൾക്ക്‌ ഒരു പ്രചോ​ദ​ന​മാ​യേ​ക്കാം. രണ്ടു പെൺമ​ക്ക​ളുള്ള ഡേവിഡ്‌ അതിലും ഒരുപടി കടന്ന്‌ പ്രവർത്തി​ച്ചു. അദ്ദേഹം പറയുന്നു: “എന്റെ മക്കൾ വായി​ക്കുന്ന അതേ കാര്യ​ങ്ങൾതന്നെ ഞാനും വായി​ക്കു​മാ​യി​രു​ന്നു. അതു​കൊണ്ട്‌ അവർക്ക്‌ ഇഷ്ടമുള്ള വിഷയങ്ങൾ ഏതാ​ണെന്നു മനസ്സി​ലാ​ക്കാ​നും അതെക്കു​റിച്ച്‌ സംസാ​രി​ക്കാ​നും എനിക്കു പറ്റി. ഞങ്ങൾക്കു സ്വന്തമാ​യി ഒരു റീഡിങ്‌ ക്ലബ്ബും ഉണ്ടായി​രു​ന്നു. അത്‌ എന്തു രസമാ​യി​രു​ന്നെ​ന്നോ!”