ഭരണസംഘത്തിന്‍റെ കത്ത്‌

ഒറ്റയ്‌ക്കും കുടുംബമൊന്നിച്ചും ഈ പുസ്‌തകം വായിച്ചും പഠിച്ചും മുഴുവനായി പ്രയോജനം നേടാൻ ഭരണസംഘം ഹൃദയപൂർവം എല്ലാവരോടും പറയുന്നു.

ആമുഖം

വിശ്വസ്‌തരായ സ്‌ത്രീപുരുഷന്മാരുടെ യഥാർഥ ജീവിതകഥകൾകൊണ്ട് സമ്പന്നമാണ്‌ ബൈബിളിന്‍റെ താളുകൾ. ആ മാതൃകകളിൽനിന്ന് നമുക്ക് എങ്ങനെ പ്രയോജനം നേടാം?

ഹാബേൽ

“അവൻ മരിച്ചെങ്കിലും ... ഇന്നും സംസാരിക്കുന്നു”

ഹാബേലിനെപ്പറ്റി വളരെ കുറച്ചേ ബൈബിൾ പറയുന്നുള്ളൂ. എങ്കിലും നമുക്ക് അവനെക്കുറിച്ചും അവന്‍റെ വിശ്വാസത്തെക്കുറിച്ചും എന്തൊക്കെ മനസ്സിലാക്കാനാകും?

നോഹ

അവൻ “ദൈവത്തോടുകൂടെ നടന്നു”

മക്കളെ വളർത്തിക്കൊണ്ടുവരുന്നതിൽ നോഹയ്‌ക്കും ഭാര്യക്കും എന്തെല്ലാം പ്രതിബന്ധങ്ങളുണ്ടായി? പെട്ടകം പണിതുകൊണ്ട് അവർ വിശ്വാസം കാണിച്ചത്‌ എങ്ങനെ?

അബ്രാഹാം

‘വിശ്വസിക്കുന്ന എല്ലാവർക്കും അവൻ പിതാവായി’

അബ്രാഹാം വിശ്വാസം കാണിച്ചത്‌ എങ്ങനെ? ഏതെല്ലാം വിധങ്ങളിൽ അബ്രാഹാമിന്‍റെ വിശ്വാസം അനുകരിക്കാനാണ്‌ നിങ്ങൾ ആഗ്രഹിക്കുന്നത്‌?

രൂത്ത്‌

“നീ പോകുന്നേടത്തു ഞാനും പോരും”

രൂത്ത്‌ കുടുംബത്തെയും സ്വദേശത്തെയും വിട്ട് പോരാൻ മനസ്സുകാണിച്ചത്‌ എന്തുകൊണ്ട്? അവളുടെ ഏതു സദ്‌ഗുണങ്ങളാണ്‌ അവളെ യഹോവയ്‌ക്കു പ്രിയങ്കരിയാക്കിയത്‌?

രൂത്ത്‌

ഒരു “ഉത്തമ സ്‌ത്രീ”

രൂത്തിന്‍റെയും ബോവസിന്‍റെയും വിവാഹബന്ധം സവിശേഷതയുള്ളതായിരുന്നത്‌ എന്തുകൊണ്ട്? കുടുംബത്തെക്കുറിച്ച് രൂത്തിൽനിന്നും നൊവൊമിയിൽനിന്നും നമുക്ക് എന്തു പഠിക്കാനാകും?

ഹന്നാ

അവൾ ദൈവസന്നിധിയിൽ ഹൃദയം പകർന്നു!

അതീവദുഷ്‌കരമായിരുന്ന ഒരു സാഹചര്യത്തിൽ പിടിച്ചുനിൽക്കാൻ യഹോവയിലുള്ള വിശ്വാസം ഹന്നായെ സഹായിച്ചു.

ശമുവേൽ

അവൻ “യഹോവയുടെ സന്നിധിയിൽ വളർന്നുവന്നു”

ശമുവേലിന്‍റെ കുട്ടിക്കാലത്തിന്‍റെ പ്രത്യേകത എന്തായിരുന്നു? സമാഗമനകൂടാരത്തിങ്കൽ വളർന്നുവരവെ അവന്‍റെ വിശ്വാസം ശക്തമാകാൻ സഹായിച്ചത്‌ എന്താണ്‌?

ശമുവേൽ

അവൻ എല്ലാം സഹിച്ചുനിന്നു

നമ്മുടെ വിശ്വാസത്തെ വെല്ലുവിളിക്കുന്ന ക്ലേശങ്ങളും നിരാശയും നമുക്കെല്ലാം ഉണ്ടാകാറുണ്ട്. അപ്പോൾ ശമുവേലിന്‍റെ സഹിഷ്‌ണുതയിൽനിന്ന് നമുക്ക് എന്തു പഠിക്കാം?

അബീഗയിൽ

അവൾ വിവേകം കാണിച്ചു

അബീഗയിലിന്‍റെ സുഖകരമല്ലാത്ത ദാമ്പത്യത്തിൽനിന്ന് നമുക്കു പഠിക്കാൻ കഴിയുന്നത്‌ എന്താണ്‌?

ഏലിയാവ്‌

അവൻ സത്യാരാധനയ്‌ക്കുവേണ്ടി നിലകൊണ്ടു

ബൈബിളിന്‍റെ പഠിപ്പിക്കലുകളോട്‌ വിയോജിപ്പു കാണിക്കുന്നവരുമായി ഇടപെടുമ്പോൾ നമുക്ക് എങ്ങനെ ഏലിയാവിനെ അനുകരിക്കാം?

ഏലിയാവ്‌

അവൻ കാത്തിരുന്നു, പ്രാർഥനയോടെ, ജാഗ്രതയോടെ

യഹോവ തന്‍റെ വാഗ്‌ദാനം നിറവേറ്റുന്നതുവരെയും ഏലിയാപ്രവാചകൻ പ്രാർഥനാനിരതനായി കാത്തിരുന്നത്‌ എങ്ങനെ?

ഏലിയാവ്‌

അവൻ തന്‍റെ ദൈവത്തിൽനിന്ന് ആശ്വാസം കൈക്കൊണ്ടു

ഏലിയാവ്‌ വല്ലാതെ മനസ്സുമടുത്ത്‌ മരിക്കാൻ കൊതിച്ചത്‌ എന്തുകൊണ്ടായിരുന്നു?

യോനാ

അവൻ തന്‍റെ തെറ്റുകളിൽനിന്ന് പാഠം പഠിച്ചു

ഒരു നിയമനം സ്വീകരിക്കേണ്ടിവന്നപ്പോൾ യോനായ്‌ക്കുണ്ടായ ഭയം നിങ്ങൾക്കു മനസ്സിലാക്കാനാകുന്നുണ്ടോ? അവന്‍റെ ജീവിതകഥ യഹോവയുടെ ക്ഷമയെയും കരുണയെയും കുറിച്ച് നമ്മെ വിലപ്പെട്ട പാഠങ്ങൾ പഠിപ്പിക്കുന്നു.

യോനാ

അവൻ കരുണ കാണിക്കാൻ പഠിച്ചു

സത്യസന്ധമായി സ്വയം വിലയിരുത്താൻ യോനായെക്കുറിച്ചുള്ള ബൈബിൾവിവരണം നമ്മളെ സഹായിക്കുന്നത്‌ എങ്ങനെ?

എസ്ഥേർ

അവൾ ദൈവജനത്തിന്‌ തുണ നിന്നു

എസ്ഥേരിനെപ്പോലെ സ്വയം പരിത്യജിച്ചുകൊണ്ടുള്ള സ്‌നേഹം കാണിക്കണമെങ്കിൽ വിശ്വാസവും ധൈര്യവും വേണം.

എസ്ഥേർ

അവൾ വിവേകമതിയായി, നിസ്വാർഥയായി, ധൈര്യത്തോടെ പ്രവർത്തിച്ചു

എസ്ഥേർ യഹോവയ്‌ക്കും അവന്‍റെ ജനത്തിനും വേണ്ടി നിസ്വാർഥയായി പ്രവർത്തിച്ചത്‌ എങ്ങനെ?

മറിയ

“ഇതാ, യഹോവയുടെ ദാസി!”

ഗബ്രിയേൽ ദൂതനോട്‌ മറിയ സംസാരിച്ചതിൽനിന്ന് അവളുടെ വിശ്വാസത്തെക്കുറിച്ച് നമുക്ക് എന്തു മനസ്സിലാക്കാം? മറ്റ്‌ ഏതെല്ലാം അമൂല്യഗുണങ്ങൾ അവൾക്കുണ്ടായിരുന്നു?

മറിയ

അവൾ ‘എല്ലാം ഹൃദയത്തിൽ സംഗ്രഹിച്ചു’

ബേത്ത്‌ലെഹെമിൽവെച്ച് മറിയയ്‌ക്കുണ്ടായ അനുഭവങ്ങൾ യഹോവയുടെ വാഗ്‌ദാനങ്ങളിലുള്ള അവളുടെ വിശ്വാസം ബലപ്പെടുത്തി.

യോസേഫ്‌

അവൻ സംരക്ഷിച്ചു, പോറ്റിപ്പുലർത്തി, പിടിച്ചുനിന്നു

യോസേഫ്‌ കുടുംബത്തെ സംരക്ഷിച്ചത്‌ ഏതെല്ലാം വിധങ്ങളിൽ? മറിയയെയും യേശുവിനെയും അവൻ ഈജിപ്‌തിലേക്കു കൊണ്ടുപോയത്‌ എന്തുകൊണ്ട്?

മാർത്ത

“ഞാൻ വിശ്വസിക്കുന്നു”

കടുത്ത ദുഃഖത്തിന്‍റെ സമയത്തും മാർത്ത എങ്ങനെയാണ്‌ ശ്രദ്ധേയമായ വിശ്വാസം കാണിച്ചത്‌?

പത്രോസ്‌

അവൻ പോരാടി, ഭയത്തിനും സംശയത്തിനും എതിരെ

സംശയത്തിന്‌ സംഹാരശക്തിയുണ്ടെന്നു പറയാനാകും. എന്നാൽ യേശുവിനെ അനുഗമിക്കുന്നതു സംബന്ധിച്ച ഭയവും സംശയവും പത്രോസ്‌ മറികടന്നു.

പത്രോസ്‌

അവൻ പറ്റിനിന്നു, പരിശോധനകളുണ്ടായപ്പോഴും

യേശു തിരുത്തൽ നൽകിയപ്പോൾ അത്‌ സ്വീകരിക്കാൻ പത്രോസിന്‍റെ വിശ്വസ്‌തതയും കൂറും അവനെ സഹായിച്ചത്‌ എങ്ങനെ?

പത്രോസ്‌

അവൻ ഗുരുവിൽനിന്ന് ക്ഷമിക്കാൻ പഠിച്ചു

ക്ഷമയെക്കുറിച്ച് യേശു പത്രോസിനെ എന്താണ്‌ പഠിപ്പിച്ചത്‌? പത്രോസിനോട്‌ ക്ഷമിച്ചെന്ന് യേശു എങ്ങനെ തെളിയിച്ചു?