Bõe la Biiblã yeta?
Wẽnnaam reegda nebã fãa pʋʋsg bɩ?
Y NA N LEOKAME TƖ BÕE?
Tɩ n-ye
T’a reegda kẽer pʋʋsgo
Bɩ a pa reegd ned baa a ye pʋʋsgo
BIIBLÃ SẼN YETE
“Sẽn-Ka-Saab pẽe ne . . . neb nins sẽn boond bãmb ne sɩdã.”—Yɩɩn-sõamyã 145:18.
RẼ WƐƐNGẼ, BÕE ME LA D TÕE N BÃNG BIIBLÃ PƲGẼ?
Wẽnnaam pa reegd neb nins sẽn kɩɩsd-a wã pʋʋsg ye. (Ezayi 1:15) La b tõe n toeema zʋgo, n ta Wẽnnaam yam.—Ezayi 1:18.
Yɩl tɩ Wẽnnaam deeg ned kosgo, rẽnda kosgã zems ne Biiblã sẽn yetã.—1 Zã 5:14.
D sã n na n pʋʋse, yaa tɩlɛ tɩ d yĩgimdi, tɩ d zĩndi, pa rẽ bɩ n yals yĩngr bɩ?
NEB KẼER YETAME tɩ b sã na n pʋʋse, yaa tɩlɛ tɩ b yĩgimdi, tɩ b sulg b zugu, wall b kal b nusi. La yãmb yẽ yetame tɩ bõe?
BIIBLÃ SẼN YETE
Wẽnnaam kelga neb sẽn zĩnd n pʋʋse, neb sẽn yals yĩngr n pʋʋse, la neb sẽn yĩgimd n pʋʋse. (1 Kibayã 17:16; 2 Kibayã 30:27; Ɛsdraas 10:1; Tʋʋmã 9:40) Rẽnd Wẽnnaam pa yeel tɩ d segd n yalsame, wall d zĩnd n pʋʋs t’a yaool n deeg ye.
RẼ WƐƐNGẼ, BÕE ME LA D TÕE N BÃNG BIIBLÃ PƲGẼ?
Wẽnnaam kelgda sik-m-mens rãmbã pʋʋsgo.—Yɩɩn-sõamyã 138:6.
D tõe n pʋʋsa buud-gomd fãa pʋgẽ, baa d sũur pʋgẽ.—2 Kibayã 6:32, 33; Neemi 2:1-6.
Découvrez aussi…
SOGSG BIIBLÃ SẼN LEOKDE
Mam sã n pʋʋs Wẽnnaam, a na n sõng-m lame bɩ?
Wẽnnaam toog sɩd bee ne tõnd zu-loeesã bɩ?
SOGSG BIIBLÃ SẼN LEOKDE
Bõe yĩng tɩ Wẽnnaam pa kelgd pʋʋsg kẽere?
Y na n bãnga pʋʋsg nins Wẽnnaam sẽn pa leokdã, la neb nins buud Wẽnnaam sẽn pa kelgde.
