Min Jistħoqqlu Jkun is-Sultan tas-Saltna t’Alla?
Diversi kittieba tal-Bibbja ġew ispirati minn Alla biex jiktbu ċerti dettalji. Dawn id-dettalji kellhom juru min kellu jkun is-Sultan tas-Saltna t’Alla. Dan il-Mexxej kellu jkun
-
Magħżul minn Alla. “Jien, iva, jien, qegħedt is-sultan tiegħi . . . jien nagħtik il-ġnus bħala wirtek u truf l-art biex ikunu tiegħek.”—Salm 2:6, 8.
-
Werriet tas-Sultan David. “Twildilna tifel, ngħatalna iben . . . Għall-kobor tal-ħakma tiegħu bħala prinċep u għall-paċi ma jkun hemm ebda tmiem, fuq it-tron taʼ David u fuq saltnatu sabiex jistabbiliha fis-sod.”—Isaija 9:6, 7.
-
Imwieled f’Betlem. “O Betlehem . . . , minnek għad joħroġli dak li għandu jsir ħakkiem . . . Hu jkun kbir sa truf l-art.”—Mikea 5:2, 4.
-
Irrifjutat min-nies u maqtul. “Hu kien mistmerr, u aħna ma stmajniehx. . . . Hu kien qed jiġi minfud minħabba li aħna ksirna l-liġi; kien qed jitfarrak għall-iżbalji tagħna.”—Isaija 53:3, 5.
-
Imqajjem mill-mewt u gglorifikat. “Int ma tħallix lil ruħi fil-Qabar. Ma tħallix lil-leali tiegħek jara l-ħofra. . . . Fuq lemintek nitgħaxxaq għal dejjem.”—Salm 16:10, 11.
Ġesù Kristu—L-Aqwa Mexxej
Kemm ilu jeżisti l-bniedem, individwu wieħed biss qabel eżatt mad-deskrizzjoni tal-aqwa Mexxej, u dan l-individwu hu Ġesù Kristu. Fil-fatt anġlu kien qal lil Marija, omm Ġesù: “Alla . . . jagħtih it-tron taʼ David missieru, . . . u ma jkunx hemm tmiem għal saltnatu.”—Luqa 1:31-33.
Ġesù qatt ma sar mexxej fuq l-art. Minflok, hu se jmexxi lill-bnedmin mis-sema bħala s-Sultan tas-Saltna t’Alla. Għala se jkun il-Mexxej ideali? Innota x’għamel Ġesù waqt li kien fuq l-art.
-
Mattew 9:36; Marku 10:16) Meta raġel marid bil-ġdiem talbu: “Jekk trid, tistaʼ tnaddafni,” Ġesù tħassru u fejqu.—Marku 1:40-42.
Ġesù ħa ħsieb lin-nies. Ġesù għen lil irġiel u nisa, żgħar u kbar, mingħajr ma ħares lejn it-trobbija jew l-istat soċjali tagħhom. ( -
Ġesù għallimna kif nogħġbu lil Alla. Hu qal: “Ma tistgħux tkunu lsiera t’Alla u tal-flus.” Qal ukoll li għandna nittrattaw lil oħrajn bħalma nixtiequ li oħrajn jittrattaw lilna. Dan il-prinċipju sar magħruf bħala r-Regola tad-Deheb. Flimkien maʼ dan, hu wera li Alla hu interessat mhux biss f’dak li nagħmlu imma wkoll f’kif naħsbu u nħossuna. Allura, biex nogħġbu lil Alla, għandna nikkontrollaw dak li nħossu f’qalbna. (Mattew 5:28; 6:24; 7:12) Ġesù enfasizza li biex tassew inkunu ferħanin, aħna għandna nitgħallmu dak li jrid Alla u mbagħad nagħmluh.—Luqa 11:28.
-
Ġesù għallem xi jfisser li tħobb. Dak li Ġesù qal u għamel kellu effett kbir fuq dawk li semgħuh u messilhom qalbhom. “Il-folol baqgħu mistagħġbin bil-mod kif għallimhom; għax kien qed jgħallimhom bħal wieħed li għandu l-awtorità.” (Mattew 7:28, 29) Hu għallimhom: “Ħobbu lill-għedewwa tagħkom.” Hu saħansitra talab għal uħud minn dawk li kienu responsabbli taʼ mewtu: “Missier, aħfrilhom, għax ma jafux x’qed jagħmlu.”—Mattew 5:44; Luqa 23:34.
Ġesù hu kkwalifikat perfettament biex ikun Mexxej effettiv tad-dinja. Hu qalbu tajba u jħobb jgħin. Imma meta se jibda jmexxi?