F’DINJA TAL-BIŻAʼ
3 | Ipproteġi l-Ħbiberiji Tiegħek
GĦALA HU IMPORTANTI?
In-nies qed ikollhom iktar ansjetà minħabba l-problemi fid-dinja, allura ħafna ma jibqgħux close tan-nies li jħobbu.
-
In-nies jinqatgħu minn mal-ħbieb tagħhom.
-
Il-miżżewġin jiġġieldu iktar ma’ xulxin.
-
Il-ġenituri ma jibqgħux jagħtu kas dak li qed jinkwieta lit-tfal tagħhom.
X’Għandek Tkun Taf?
-
Il-ħbieb huma importanti għax jgħinuna nibqgħu b’saħħitna fiżikament u emozzjonalment. Dan hu iżjed importanti meta nkunu għaddejjin minn żminijiet diffiċli.
-
L-istress li jiġi minn dak li jkun għaddej fid-dinja jistaʼ jġib il-problemi fil-familja.
-
L-affarijiet koroh fl-aħbarijiet jistgħu jeffettwaw lit-tfal iktar milli taħseb.
X’Tistaʼ Tagħmel minn Issa?
Il-Bibbja tgħid: “Ħabib veru jħobb il-ħin kollu; huwa ħu mwieled għal meta jkun hemm in-niket.”—Proverbji 17:17.
Tkellem ma’ ħabib li jistaʼ jgħinek u jtik pariri tajbin. Ħbieb li jħobbuna se jgħinuna u jtuna s-saħħa biex nissaportu dak li nkunu għaddejjin minnu.
