Amo, amo tikinchiualtiaj ma elikaj Jehová itlajtoltemakauaj. Itstokej miakej maseualmej tlen momachtiaj Biblia touaya uan amo mochijtokej Jehová itlajtoltemakauaj. a Titlamachtiaj pampa tijnekij ma kimatikaj tlen nelnelia tlamachtia Biblia. San ta uelis tijtlapejpenis tlake tijchiuas ika tlen timomachtik. Pampa sejse maseuali kitlapejpenia ipan tlake tlaneltokas (Josué 24:15).

 Kena. Tojuantij techpaktia tijtekiuisej Traducción del Nuevo Mundo de las Santas Escrituras ipan tlajtoli tlen nama tijtekiuiaj. Tlaj ta tijneki uelis timitsmakasej se uan amo timitsinamasej o tlaj tijneki, uelis tijtekiuis moBiblia. Ipan miak Biblias uelis tijpantis nopa tlamachtili tlen kiijtoua tlen panos teipa uan tlen mitspaleuis ximomakixti.

•   Tijchiuaj pampa tikikneliaj Jehová, uan ya kineki itekipanojkauaj ma kinmachtikaj sekinok tlen momachtijtokej (Mateo 22:37-38; 28:19-20). Tojuantij tikitaj kej se ueyi tlateochiualistli ‘sansejko titekitisej iuaya toTeko’ uan tikinmachtisej sekinok tlen Biblia tlamachtia (1 Corintios 3:6-9).

•   Nojkia pampa tikinikneliaj maseualmej (Mateo 22:39). Tlauel techpaktia tikinpouilisej sekinok nopa kuajkuali tlamantli tlen timomachtijtokej (Hechos 20:35).