Kuali xionmomachti. Xionmomachti hasta tikonajsikamatis tanemililmej tein tayekantokej uan keniuj Biblia kinpaleuia. Xionmochikaua tikonmelauas tanemililmej ika amo miak tajtolmej uan kemej amo ouij moajsikamatis. Xikonnemili keniuj kinpaleuis nejon tamachtilis akin mitsonkakij. Xikontajtani Jiova maj mitsonpaleui ika iyektikatsin espíritu.

Xikonkui tajtolmej tein kinextiskej ke senkis tikonneltoka tamachtilis. Amo xikonijto sayoj tein ijkuiliujtok, ta xikonmelaua ika motajtoluan. Xikonkui tajtolmej tein kinextiskej ke senkis tikonneltoka tein tikonijtojtok.

Xikonijto tein yekmelauj tikonmachilia. Xiontajto kemej nochin kuali kikakiskej. Komo kuali moita, xikonixita akin mitsonkaktokej.