¿KATIYEJUA NETATAUJTILMEJ TIKONIJTOSKIA KE DIOS KINNANKILIA?

• Nochin

• Sekin

• Nion se

TEIN KIJTOUA BIBLIA

“Jiova amo moajsi uejka iniuan nochin [...] akin kinotsaj ika melaujkayot” (Salmo 145:18).

¿TONI OKACHI KIJTOUA BIBLIA?

• Dios amo kikaki ininnetataujtiluan akin amo kinekij kitakamatiskej (Isaías 1:15). Sayoj ke komo mopataj, uelis kuali mouikaskej iuan (Isaías 1:18).

• Dios kinankilis tonetataujtiluan komo tein tiktajtaniaj mouika iuan itanauatiluan tein ijkuiliujtokej itech Biblia (1 Juan 5:14).

SEKIN KINELTOKAJ ke ijkuak motataujtiskej nochipa moneki motankuaketsaskej, moixpiloskej oso momanejnepanoskej. Uan tejuatsin, ¿toni tikonneltoka?

TEIN KIJTOUA BIBLIA

Moajsikej akin kitataujtijkej Dios keman ijkatoyaj, tokotsyetoyaj uan motankuaketskej oso moixpilojkej hasta talixko uan yejuatsin kinkakik (1 Crónicas 17:16; 2 Crónicas 30:27; Esdras 10:1; Hechos 9:40). Dios amo kichia maj sayoj se taman tiyetokan ijkuak tiktataujtiskej.

¿TONI OKACHI KIJTOUA BIBLIA?

• Dios kinkaki akin amo moueyinekij (Salmo 138:6).

• Uelis tiktataujtiskej Dios ika tein yeski taman tajtol uan hasta ichtaka (2 Crónicas 6:32, 33; Nehemías 2:1-6).