Tel miakej kichiaj yaskej iluikak keman momikiliskej. Jesús kijtoj ke itatitaniluan akin amo kikaujkej nemiskiaj ompa. Achto ke momikiliskia, motenkauak ke tachijchiuaskia kampa ueliskiaj yetoskej iuan toTajtsin. (Xikonixtajtolti Juan 14:2.)

¿Keyej moajokuiskej sekin taltikpakneminij ne iluikak? ¿Toni kichiuaskej ompa? Jesús kiniluij itatitaniluan ke yeskiaj tekiuanij akin taixyekanaskiaj itech taltikpak. (Xikonixtajtolti Lucas 22:28-30 uan Apocalipsis [Revelación] 5:10.)

Ijkon kemej itech se ueyi altepet sayoj sekin taixyekanaj, no ualtaixyekanaskej nikan taltikpak sayoj sekin taltikpakneminij akin Jesús kinixpejpena maj moajokuikan ne iluikak (Lucas 12:32). Biblia kijtoua kanachimej. (Xikonixtajtolti Apocalipsis 14:1.)

Maski sayoj yejuan youij iluikak, amo sayoj yejuan kichiaj kiseliskej tein tel kuali. Akin kitakamatiskej itekiuajyo Jesús uelis nemiskej nochipaya itech se xochital nikan taltikpak (Juan 3:16). Sekin makisaskej keman ixpoliuis tein amo kuali nikan taltikpak uan oksekin moajokuiskej ompa. (Xikonixtajtolti Salmo 37:29 uan Juan 5:28, 29.)