TIKCHIUAJ KEN CRISTO
Xikpatioita tlen tikchiua ijkon ken Jehová kipatioita
“Jehová kiyolpaktia tlen kichiuaj itekipanojkauan” (Sal. 149:4). Maski titlajtlakole Jehová kita tlen kuali tikchiua uan ken timochijchikaua tiktekichiuilia. Pero ualeua te amo tikpatioita tlen tikchiua ijkon ken Jehová kipatioita. Xamo tlen mitsiluiaj oksekimej noso ijkuak tikilnamiki tlen amo kuali otikchi, kichiua ximokuayejyeko amitlaj mopati uan amo mitsnamiki Jehová mamitstlasojtla. ¿Tlen mitspaleuis tla ijkon timomachilia?
Xikilnamiki Jehová amo mokuayejyekoua ijkon ken sekimej (1 Sam. 16:7). Jehová kita tlen kuali tikchiua maski te amo ijkon tikita. Ijkuak tiktlajtoltia Biblia, tikita tlen okachi kipatioita Jehová. Tla timomachtia seki versículos uan tlen okinpanok sekimej itekipanojkauan, tikajsikamatis Jehová sapanoua mitstlasojtla.
IJKUAK YOTIKITAK VIDEO XIKNELTOKA YOMITSTLAPOJPOLUI JEHOVÁ, XIKNANKILI NIN:
-
¿Tlen techmachtia ijkuak se teta kita itelpoch motlaloua?
-
Tla ikaj otlajtlakolchi pero omoyolkopki uan oksepa kineki mouikas iuan Jehová, ¿tlen uelis kichiuas para moyolseuijtos ixpan toTajtsin Dios? (1 Juan 3:19, 20).
-
¿Ken okipaleui tokni ijkuak okitlajtolti tlen okinpanok David uan Jehosafat?
