¡XIMOMALUIJTOKAN!
Xiuitl 2022 opanok miak tlamantli temomojti | ¿Tlen kijtoua Biblia?
Itech xiuitl 2022, nouian otikkakiayaj omochiuayaj guerras, amo okatkaj tomin uan san kanin otlaxixiniaya. San Biblia techiluia tlen kijtosneki nochi tlen panotok.
¿Tlen kijtosneki nochi tlen opanok xiuitl 2022?
Nochi tlen opanok yisexiuitl kuali kiteititia tikatej “iksemi tonatijmeh” ijkon ken kijtoua Biblia (2 Timoteo 3:1). “Iksemi tonatijmeh” opejki itech xiuitl 1914. Biblia yokijtojka panoskia nochi tlen axkan panotok. Matikitakan.
“Guerras” (Mateo 24:6).
“Itech xiuitl 2022 ompa Europa opanok miak tlamantli temomojti porque okatka guerra”. a
Xikita tlamachtil: “Rusia kineki kimoaxkatis Ucrania”.
“Apisotl” (Mateo 24:7).
“Itech xiuitl 2022 sapanoua miakej amo okipiayaj tlen kikuaskej”. b
Xikita tlamachtil: “Miakej amo kipiaj tlen kikuaskej porque mochijtok guerra ompa Ucrania”.
“Kokólistli” (Lucas 21:11).
“Oksepa opejki kokolistli tlen itoka Polio, miakej kipiaj kokolistli Viruela del mono uan ok onka kokolistli COVID-19. Non kiteititia se kokolistli uelis san niman moxitinis uan tejuan san niman uelis tiixpoliuiskej”. c
Xikita tlamachtil: “Oixpolikej kanaj 6 millones ika COVID-19”.
“Motas tlan temojti” (Lucas 21:11).
“Axkan sapanoua tlatotonia, tlauaki, tlatla tepeyo uan kanaj tlaatemi. Miakej kilnamikiskej itech xiuitl 2022 nouian otlaxixinki, ikinon sapanoua miakej oixpolikej uan itech nochi tlaltikpak sapanoua miakej okipolojkej inchan”. d
Xikita tlamachtil: “Axkan sapanoua tlatotonia”.
“Miakej mokualaniaj” (Lucas 21:9, TNM).
“Miakej sapanoua kualanij porque amo onka tomin uan okachi tlapatioua, ikinon itech xiuitl 2022 sapanoua miakej okichijkej protestas uan okinmixnamikej tekiuajkej”. e
Xikita tlamachtil: “Okachi tlapatioua”.
¿Tlen panos okse xiuitl?
Amikaj kimati tlen panos xiuitl 2023. Pero tejuan tikmatij san niman iTekiuajkayo toTajtsin Dios, noso gobierno tlen kajki iluikak, uits tlayektlaliki nikan tlaltikpak (Daniel 2:44). Non tekiuajkayotl kipojpolos nochi tlen kichiua matitlajyouikan, uan kichiuas tlen kineki toTajtsin Dios nikan tlaltikpak (Mateo 6:9, 10).
Timechtlatlaujtiaj ximotlachilijtokan ijkon ken okijto Jesús uan xikitakan ken mochijtok nochi tlen Biblia kijtoua panoskia (Marcos 13:37). Tiknekij touan ximotlapoui. Tejuan timechmachtiskej ken namechpaleuis Biblia axkan uan ken namechpaleuis para satepan kuali xiyetokan te uan mofamilia.
a AP News, “2022 Was Year the Horror of War Returned to Europe,” by Jill Lawless, December 8, 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” by Lawrence O. Gostin, JD, September 22, 2022.
d Earth.Org, “What’s Behind the Record-Breaking Extreme Weather Events of Summer 2022?” by Martina Igini, October 24, 2022.
e Carnegie Endowment for International Peace, “Economic Anger Dominated Global Protests in 2022,” by Thomas Carothers and Benjamin Feldman, December 8, 2022.
Xamo noijki mitspaktis
AKIN TETLAPOUIJTOK
ToTajtsin Dios kitlajtlamis tlajyouilistli
¿Ken tikmatij toTajtsin Dios kitlajtlamis tlen techtlajyouiltia uan nochi tlen amo kuali?
ESSENTIAL BIBLE TEACHINGS
¿Tlen iTekiuajkayo toTajtsin Dios?
Jesús otetlapoui itech miak tlamantli, pero okachi otetlapoui itech iTekiuajkayo toTajtsin Dios. Yikipia miak xiuitl tlaltikpaktlakamej kitlajtlantokej ma uiki non Tekiuajkayotl.
TECHPALEUIAJ MATIKAJSIKAMATIKAN BIBLIA
ITekiuajkayo toTajtsin Dios opejki tlanauatia itech 1914
Yikipia kanaj 2,600 xiuitl Jehová okichi se tekiua makitemiki tlen panos ijkuak tlanauatis iTekiuajkayo toTajtsin Dios.
ITECH TEJUAN
Xiktlajtlani ikaj ma mitstlajpaloti
Xikita tlen technankilia Biblia noso xikita ken titlamachtiaj Biblia.
