IZaga 10:1-32
10 IZaga zikaSolomoni.+
Indodana ehlakaniphileyo ithokozisa uyise,+Kodwa indodana eyisiphukuphuku ibangela usizi kunina.
2 Amagugu atholakale ngobuqili ngeke ancede ngalutho,Kodwa ukulunga yikho okukhulula ekufeni.+
3 UJehova kasoze avumele ukuthi olungileyo alambe,+Kodwa abenza okubi uzabancitsha lokho abakufuna ngabomvu.
4 Izandla zevila zibangela ubuyanga,+Kodwa izandla zokhutheleyo ziletha inotho.+
5 Indodana ehlakaniphileyo ibuthelela amabele ngesikhathi sehlobo,Kodwa indodana ebhuqa ubuthongo ngesikhathi sokuvuna+ iyayangisa.
6 Umuntu olungileyo+ uzathola izibusiso,Kodwa umlomo womuntu owenza okubi ufihla udlakela lwakhe.
7 Olungileyo uzakhunjulwa abusiswe,+Kodwa ibizo lomuntu owenza okubi lizanyamalala.+
8 Ohlakaniphileyo* uzavuma ukufundiswa,*+Kodwa okhuluma izinto ezingelangqondo uzanyathenyathelwa.+
9 Ohamba ngobuqotho uzahamba evikelekile,+Kodwa olendlela ezingalunganga uzabanjwa.+
10 Ofica ilihlo lakhe esenza ubuqili ubangela usizi,+Lalowo okhuluma izinto ezingelangqondo uzanyathenyathelwa.+
11 Umlomo womuntu olungileyo ungumthombo wokuphila,+Kodwa umlomo womuntu owenza okubi ufihla udlakela+ lwakhe.
12 Inzondo ibangela ukuxabana,Kodwa uthando lusibekela zonke iziphambeko.+
13 Ezindebeni zomuntu oqedisisayo+ kutholakala ukuhlakanipha,Kodwa uswazi ngolomhlane walowo ongelangqondo.+
14 Abahlakaniphileyo bayaluqakathekisa kakhulu* ulwazi,+Kodwa umlomo wesiphukuphuku uzibizela uhlupho.+
15 Inotho yesipatsha ilidolobho laso elivikelweyo,Kodwa abaswelayo badilizwa yibuyanga babo.+
16 Umsebenzi womuntu olungileyo uletha ukuphila,Kodwa inzuzo yomuntu owenza okubi iletha isono.+
17 Olalelayo nxa elaywa uyindlela eya ekuphileni,*Kodwa ongalaleliyo nxa ekhuzwa udukisa abanye.
18 Ofihla inzondo yakhe ukhuluma amanga,+Lalowo ohamba efafaza imibiko emibi ngabanye* uyisiphukuphuku.
19 Nxa amazwi angaba manengi, ukuphambanisa akuswelakali,*+Kodwa loba ngubani obamba umlomo wakhe uhlakaniphile.+
20 Ulimi lomuntu olungileyo lunjengesiliva sohlobo oluphezulu,+Kodwa inhliziyo yomuntu owenza okubi ayisizi ngalutho.
21 Izindebe zolungileyo zikhokhela* abanengi,+Kodwa iziphukuphuku zibulawa yikuswela ingqondo.+
22 Isibusiso sikaJehova senza umuntu anothe,+Njalo isibusiso sakhe asibuyi lobuhlungu.*
23 Emuntwini oyisiphukuphuku ukwenza izinto ezilihlazo kungumdlalo nje,Kodwa ukuhlakanipha ngokomuntu oqedisisayo.+
24 Owenza okubi uzakwehlelwa yilokho akwesabayo,Kodwa abalungileyo bazaphiwa lokho abakufisayo.+
25 Nxa isiphepho singedlula, owenza okubi uzabe engasekho,+Kodwa olungileyo uyisisekelo kuze kube nini lanini.+
26 Njengeviniga emazinyweni lanjengentuthu emehlweni,Linjalo ivila kulowo olithumayo.*
27 Ukwesaba uJehova kwengezelela impilo,+Kodwa iminyaka yabenza okubi izafitshaniswa.+
28 Ithemba labalungileyo liletha intokozo,+Kodwa ithemba labenza okubi lizatshabalala.+
29 Indlela kaJehova iyisiphephelo emuntwini omsulwa,+Kodwa kwabenza okubi+ itsho ukutshabalala.
30 Olungileyo kasoze awiselwe phansi+ loba sekutheni,Kodwa abenza okubi abasoze bahlale emhlabeni.+
31 Umlomo womuntu olungileyo ukhipha ukuhlakanipha,*Kodwa ulimi olukhuluma izinto ezibolileyo luzaqunywa.
32 Izindebe zolungileyo ziyakwazi okuthokozisayo,Kodwa umlomo wabenza okubi ubolile.
Amabala angaphansi
^ Kumbe, “Ohlakaniphileyo enhliziyweni.”
^ NgesiHebheru, “uzakwamukela imilayo.”
^ Kumbe, “bayalugcina.”
^ Ezinye inguqulo zithi, “usendleleni eya ekuphileni.”
^ Kumbe, “amahungahunga.”
^ Kumbe, “isiphambeko asiswelakali.”
^ Kumbe, “zondla.”
^ Kumbe, “losizi; lobunzima.”
^ Kumbe, “kumqhatshi walo.”
^ Kumbe, “uzala izithelo zokuhlakanipha.”
