UNkulunkulu ufuna umazi futhi ube ngumngane wakhe, umthande njalo umkhonze ngenhliziyo yakho yonke. (UMathewu 22:37, 38; UJakhobe 4:8) Ungafunda ukwenza intando kaNkulunkulu ngokuhlola lokho uJesu ayekwenza layekufundisa. (UJohane 7:16, 17) UJesu wayephilela ukwenza intando kaNkulunkulu yikho wathi: “Ngehle ezulwini ukuze ngizokwenza intando yalowo ongithumileyo hatshi eyami.”—UJohane 6:38.

UNkulunkulu kumele akhulume lawe ngendlela eyisimangaliso yini ukuze akutshele intando yakhe?

 Hatshi. Usebenzisa iBhayibhili ukuze asitshele afuna sikwenze. Lilezimiso ezisincedayo ukuthi ‘siyilungiselele ngokugcweleyo yonke imisebenzi emihle.’ (2 KuThimothi 3:16, 17) UNkulunkulu ufuna usebenzise iBhayibhili kanye ‘lamandla okucabanga’ ukuze ufunde ukuthi kuyini akukhangelele kuwe.—KwabaseRoma 12:1, 2; Kwabase-Efesu 5:17.

Ungenelisa yini ukwenza intando kaNkulunkulu?

 Ye ungenelisa ngoba iBhayibhili lithi “imilayo yakhe kayinzima.” (1 UJohane 5:3) Kodwa lokhu akutsho ukuthi kuzahlala kulula ukwenza intando kaNkulunkulu. Loba kunjalo uzathola izibusiso ezinengi nxa ungazimisela ukwenza intando yakhe. UJesu wathi: “Abathokozayo yilabo abalizwayo ilizwi likaNkulunkulu balilandele!”—ULukha 11:28.