Wen dai kërl un fruug sich t’hoop wërd geewe, sai behandle sich mit beschöönen, lijkerst wen sai ni oiwerain denke. Air bauk wat fortelt oiwer dat forfrigt leewend beeter måke a sägt oiwer dai forfrigte kërls un fruuges wat sich t’hoop wërd geewe: “Dës forfrigte lüür daue ni bloos fortele oiwer dat wat air wil un uutsuike däit. Åwer, sai daue fortele oiwer dat wat jërer ainsig maine däit un daue air der ande mit ëren hööre. Den, kåme sai oiwerain wat gaud is tau eer bëd.”

WAT SÄGT DAI BIJBEL? “Dat lijb . . .söcht ni bloos sijne aigen wile.” (1 Coríntios 13:4 un 5)

“Mijn fruug wërd geewe, bedüürt waite dai wërd wat sai hät, un nischt måke wat eer schåre däit urer oosem forfrigte leewend.” - Micah.

Wen dai kërl un fruug eer fortelen is doir uphulen, spoterig un forachten, dat däit wijse dat sai ni sich t’hoop wërd geewe daue. Wek wat upsuiken måke, daue säge dat dës daile koine måke dat dai lüür sich uutananersrijwe låte.

“Slechte wöör säge urer spoterig oiwer dijn fruug måke, mökt dat dai sich forneeme däit åne wërd, dat löt eer traurig un däit dij forfrigt leewend foråse.” - Brian

DAU AIS DENKE

Doir ain week lang, dau uppasse wat’s duu sägst un wat’s duu mökst. Nådem, dau antwoore:

• Wofeel mål häw ik slecht oiwer mijne kërl urer mijn fruug reert? Wofeel mål häw ik ain låwen måkt?

• Wosoo häw ik mij ëren tau eer urer tau em weese?

DAUT BËD T’HOOP FORTELE

• Wat kan man måke un säge dat dai anerd sich forneeme däit dat dai ërt wart?

• Wat kan man måke un säge dat dai anerd sich forneeme däit dat dai ni ërt wart?

DIT KAN DIJ HELPE

• Dau drai daile srijwe wat dij kërl urer dijn fruug måke kan, taum wijse dat’s duu ërt warst. Jërer ainsig mut sijn aigen list måke un dem ande afgeewe. Nådem, daut juuch anstrenge taum dat måken wat dai anerd forlangt hät.

• Måk ain list mit daile wat dij gefale daue fon dijn kërl urer dijne fruug. Nådem, sägt air tau dem ande woo dul as dij dës moors gefale.

“Mijn kërl wërd geewe bedüürt wijse doir dat wat ik måke dau un wil dat hai schal fröölig sin. Man bruukt ni groot daile måke. Mëst ümer, klaine daile dag fon dag koine wijse dat wij wirklig aine ëre daue.” - Megan

Wat wirklig wërd hät, is ni dat’s duu maine däist duu häst gaure wöör sägst, åwer dat dai anerd mësch forneeme däit dat dai ërt wart.

WAT SÄGT DAI BIJBEL? “Daut juuch oiwertreke mit lijb bedurnis, gaurigkët, gewöönligkët, fråmhët un geduld.” (Colossenses 3:⁠12)